Продолжува истрагата за пожарот во Кочани - Канал 5

Македонија

Продолжува истрагата за пожарот во Кочани

Истрагата за пожарот во Кочани се одвива интензивно, секојднево се сослушуваат нови сведоци и досега од најавените 300 сослушани се околу 30-тина лица, информираат од Обвинителството. 

Продолжува истрагата за пожарот во Кочани

Според неофицијалните информации до кои дојде Канал 5 меѓу нив се и актуелните директори на Пазарниот иснпекторат и Дирекцијата за заштита и спасување Влатко Стојкоски и Џеват Селами, но од обвинителството не откриваат детали за да не се загрози истрагата. За десетина дена истекува и одредениот 30-дневен притвор на дел од осомничените за пожарот во Кочани, а Кривичниот суд во Кочани веќе постапува по добиени жалби за дел од притворите.

„Во тек е е истражна постапка. Се постапува по изјавени жалби на одлуки на судии на претходна постапка и тоа е во моментов што можам да ви го дадам како изјава“- Спиро Борисов, претседател на Основен суд Кочани.

Со истрагата за пожарот во Кочани во моментот опфатени се 33 лица. Дел од нив се во ефективен, дел од домашен притвор. Меѓу нив се и поранешниот министер за економија Крешник Бектеши, градоначалникот на Кочани Љупчо Папазов, сопственикот на локалот Дејан Јованов Деко, седум началници од командири од Штип и Кочани. Најголем дел од нив се сомичат за сторено кривично дело тешки дела против општата сигурност.

Од СДСМ пак и денеска бараат проширување на истрагата со актуелни функционери кои биле на фукција на кобната вечер.

- Иако беше најавено, до денеска не е направен ниту еден чекор во насока на проширување на истрагата – ниту за пропустите што ја обележаа кобната ноќ, ниту за оние што ѝ претходеле. Не е поведена постапка против ниту едно лице од МВР, ОВР Кочани, СВР Штип или БЈБ, иако тие на 16 март, денот на трагедијата, биле на одговорни позиции. Не смее да продолжи селективно да се води истрагата и не смее да има заштитени, порачуваат од опозициската СДСМ.

А токму тргедијата во Кочани и потребата од ефикасно спроведување на кривичните постапки, јавниот обвинител Љупчо Коцевски, кој ја предводи и истрагата за пожарот во дискотеката „Пулс“ ја посочи како една од причините за потпишување на Протоколот за засилување на соработката меѓу Јавното обвинителство и МВР, на кој денеска ставија потпис заедно со министерот за внатрешни Панче Тошковски.

Протоколот за соработка меѓу МВР и ЈО учествуваше е подготвен со соработка со ОБСЕ и беше потшишан во присуство на амбасадор на ОБСЕ во Скопје Килијан Вал.

YouTube video

Тагови: Основен суд Кочани Пожарот во Кочани

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Републиканците го блокираа импичментот на Пит Хегсет, демократите најавуваат нов

Републиканците во Претставничкиот дом на САД го блокираа обидот за импичмент на министерот за Одбрана Пит Хегсет.

Републиканците го блокираа импичментот на Пит Хегсет, демократите најавуваат нов

Со 211 гласа „за“ и 204 „против“ беше усвоен предлогот за упатување на осумте точки за импичмент до правосудниот комитет.Иницијативата ја поднесе републиканскиот конгресмен Томас Маси, но не доби поддршка од ниту еден друг републиканец.

Демократите го обвинуваат Хегсет за злоупотреба на функцијата и незаконско наредување воени операции во Иран и Јемен.Во обвиненијата се споменуваат и американските напади врз бродови на Карибите, како и заробувањето на венецуелскиот претседател Николас Мадуро. Хегсет ги отфрли обвинувањата, оценувајќи дека обидот за негов импичмент е политичка фарса.Тој ја бранеше воената политика на администрацијата на Доналд Трамп и тврдеше дека неговите наредби биле законски.

Трамп и потпретседателот Џ.Д. Венс јавно застанаа во одбрана на министерот.Демократите, кои по среднорочните избори ќе ја преземат контролата врз Конгресот, најавуваат дека ќе разговараат за нова иницијатива.

Незадоволството од војната во Иран беше и еден од факторите што влијаеја врз изборните резултати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжува судењето за „Државна Лотарија“ каде обвинети се Артан Груби и Перпарим Бајрами

Денеска продолжува рочиштето  за предметот „Државна Лотарија“. Меѓу обвинетите се поранешниот прв вицепремиер Артан Груби и поранешниот директор на Државна Лотарија, Перпарим Бајрами, како и уште шест лица.

Продолжува судењето за „Државна Лотарија“ каде обвинети се Артан Груби и Перпарим Бајрами

Тие се товарат за злоупотреба на службената положба и овластувања при набавка на видеолотариски терминали.

Според обвинението, со незаконско постапување на државната компанија ѝ била нанесена штета од околу 596 милиони денари, односно 9,7 милиони евра.

Сите обвинети досега се изјаснија дека не се чувствуваат виновни.Бајрами на судењето се појави откако претходно беше во бегство, а притворот му беше заменет со гаранција во недвижен имот вредна над 1,1 милион евра.

На Груби кој исто така беше во бегство пред судењето, му беше укинат домашниот притвор, но останува без пасош и со други мерки на претпазливост.

Тагови: Државна лотарија Артан Груби Основен кривичен суд Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Со изведување докази на одбраната продолжува судењето за пожарот во „Пулс“

Со изведување на докази на одбраната, која има најавено 240 сведоци, во судницата во затворот „Идризово“ при Основниот кривичен суд Скопје денеска продолжува судењето за пожарот во дискотеката „Пулс“ во Кочани.

Со изведување докази на одбраната продолжува судењето за пожарот во „Пулс“

Судењето го води судијката Дијана Груевска-Илиевска, а обвинението го застапува тим од 15 јавни обвинители.

Процесот започна на 19 ноември минатата година, осум месеци по катастрофалниот пожар што се случи на 16 март 2025 година за време на настап на групата ДНК, во кој животот го загубија 63 лица, а над 200 беа повредени.

Тагови: Основен суд Кочани Пулс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер