Македонија

Продолжи судењето против Васев и Нухи за случајот „Онкологија 2“

Поранешниот директор на Онкологија, Нино Васев, во канцеларија давал терапија за одредени пациенти кога на Клиниката имал недостаток.

Медицинската сестра која сведочеше на предлог на обвинителството раскажа неколку случаи кога Васев ја повикал во канцеларија и и давал терапија која се аплицирала на некои пациенти. Според нејзиното сведочење, Васев располагал со залихи од терапија и кога клиниката немала, па ја делел на „одбрани“ пациенти. Раскажа и дека имало извештај на пациент каде била шкртната дозата од терапијата, и со ракопис допишана поголема доза, но помалата била всушност аплицирана.

-Еден од тие пациенти беше Зоран, којшто примаше ампула тецентрик која во тој момент ја немаше на Клиниката. Неговата сопруга беше некоја инспекторка, дојде и праша зошто нема и објаснивме, а таа рече ќе се качам кај директорот. По некое време ми се јави директорот и ме повика во канцеларија каде беше и сопругата на пациентот и ми даде ампула. Јас ја земав и ја спремив во амбуланта. Уште еден пациент, Салиху, која примаше ампула кејтруда. Имаше земено ампула, што ја немаше на Клиниката. Уште еден пациент, што мене ми се случило, и за него сум земала ампула од канцеларијата на директорот,- -Славица Спасовска – Медицинска сестра – сведок.

Сведокот појасни и дека долку една терапија пациентот приватно ја набави, тоа ќе било наведено во извештајот. Но во случаите кои ги посочи пред судот такво нешто немало. Медицинската сестра посочи и на настан од крајот на 2022 година кога при попис на лековите забележеле дека им фалат 90 ампули гемзерат. Што било пријавено во полиција. И уште еден случај кога од маса снемало кутија со лекови зомета.

Одбраната на Васев и на второобвинетиот поранешен организациски директор на Онкологија Нехат Нухи, со приговори за сведочењето на медицинската сестра. Сметаат дека нејзиниот исказ не нецолесен, одговорите што ги дала оделе само во корист на обвинението и не може да даде целосна слика.

Нино Васев доставил и гаранција до судот, соопшти судијката Славица Наумова Јосифовска и следно рочиште закажа за 9 октомври кога треба да се сослуша уште една медицинска сестра на предлог на обвинителството.

Тагови: онкологот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД почнаа голема операција против Иран- не е воена, туку економска

Американскиот министер за финансии, Скот Бесент, денеска објави нови сеопфатни санкции кои имаат за цел прекинување на економските врски на Иран со остатокот од светот.

Тој ја нарече операцијата „економски Ден Д“.

Пет клучни области на санкции

„Новите секторски одлуки за санкции издадени денес се насочени кон пет од најважните области што Иран ги експлоатира во други земји: дигитални средства, технологија, злато, авијација и бродарство“, рече Бесент на прес-конференција.

Мерките се дел од кампањата наречена „Операција Економски егзил“, која има за цел да ги прекине изворите на приходи за Корпусот на иранската револуционерна гарда (ИРГК).

Целта: Спречување на шверцот со нафта

„Министерството за финансии ги идентификуваше сите локации, секој посредник и секоја мрежа што Иран ја користел за шверц на нафта и избегнување на санкциите“, рече Бесент.

„Активностите на Министерството за финансии и другите агенции ќе го затегнат јажето почнувајќи од денес и ќе го блокираат секој потенцијален извор на приходи што ја финансира ИРГК“, додаде тој.

Притисок врз меѓународните партнери

Бесент рече дека тимови од Стејт департментот, Стејт департментот и американската војска се среќаваат со своите меѓународни колеги за да извршат притисок врз нив да ги запрат активностите што ги откри Вашингтон.

Тој рече дека на земјите им е даден рок до кој мора да ги прекинат овие активности и предупреди дека Вашингтон ќе преземе еднострани мерки ако не го сторат тоа.

„Секоја земја има специфичен рок за да ги запре активностите што ги идентификувавме. Доколку не дејствуваат, ние ќе го сториме тоа еднострано, преку механизмите на Министерството за финансии“, рече тој, без да ги именува земјите за кои станува збор или да разјасни кој е рокот.

Заканата на Трамп со економска војна

Претседателот Трамп минатата недела му се закани на Иран со невидена „економска војна“ и предупреди дека земјите што го поддржуваат Техеран, вклучително и оние што го прават тоа на нивните финансиски институции, компании, аеродроми и владини агенции, ќе се соочат со „огромни економски последици“.

Мировните преговори се во застој

Шест месеци откако избувна војната што САД и Израел ја започнаа против Иран, напорите за постигнување мировен договор се во застој.

Иако меѓусебните напади се намалија во последните недели, клучните прашања остануваат нерешени, вклучувајќи го повторното отворање на Ормутскиот теснец и иднината на нуклеарната програма на Иран.

Тагови: Иран операција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Пожар на експресниот пат Штип- Кочани, сообраќајот во прекин (ВИДЕО)

На социјалните мрежи се појави снимка од голем пожар покрај експресниот пат Штип- Кочани.

Поради силината на пожарот, сообраќајот вечерва е во прекин.

На учесниците во сообраќајот им се препорачува, доколку е можно, да користат алтернативни патни правци и да не се упатуваат кон зафатената делница додека трае интервенцијата на противпожарниоте служби.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДОМ: Одлуки за дата-центри зад затворени врати не смее да има!

ДОМ бара да се стопира нетранспарентната постапка за дата-центарот во пресрет на утрешното гласање на советот во Пехчево.

Недозволиво е за проект со потенцијално сериозно влијание врз водата, енергијата, природата и локалната заедница да се одлучува зад затворени врати, без доволно информации, јасни анализи и вклученост на експертите граѓаните.

Како што истакнавме во неколку наврати, дигиталниот развој не смее да биде изговор за нетранспарентност и игнорирање на јавниот интерес.

Одлуките за вакви проекти мора да се носат транспарентно, одговорно и заедно со граѓаните, а никако зад затворени врати, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.