Автомобилизам

Продажбата на електрични автомобили и натаму опаѓа- дали иднината им припаѓа на хибридите?

Според последните податоци, продажбата на електрични автомобили на европскиот пазар продолжи да опаѓа и во август.

Европскиот пазар на автомобили стагнира уште еден месец. Забележани се мешани резултати, па Италија и Шпанија забележале плус од 4,7 односно 3,4 отсто, додека во исто време Франција и Германија забележаа минус од 2,3 и 2,1 отсто.

Преведено, европскиот раст е само 0,2 отсто, а продажбата на ниво од милион возила, покажуваат податоците на ACEA. Во првите седум месеци, со продадени 6,5 милиони автомобили, Европа забележа раст од 3,9 отсто во однос на и онака лошата претходната година. Тековните трендови покажуваат дека овој плус лесно може да се стопи до крајот на годината.

Во јули, електричните автомобили учествуваа со 12,1% од пазарот, што е намалување од 13,5% удел во претходната година. Заедничкото учество на автомобилите со бензин и дизел падна од 50 на 46%, при што дизелите паднаа за 10,1%, а автомобилите на бензин паднаа за 7%. Очекувано, хибридните возила го зголемија својот удел на пазарот, од 25,5% на 32%.

Во јули, регистрациите на електрични возила (BEV) паднаа за 10,8% на 102.705 единици, при што нивниот вкупен пазарен удел падна на гореспоменатите 12,1%. И покрај порастот во Белгија (+44,2%), Холандија (+8,9%) и Франција (+1%), германскиот пад од дури 36,8% не можеше да се компензира.Во пад се и приклучните хибриди, за 14,1 отсто. Затоа, хибридите остануваат како единствена светла точка во продажбата на електрифицирани возила.

Продажбата на хибриди со регистрации на автомобили е зголемена за 25,7% до 273.003 единици, доаѓа како резултат на значителниот раст на клучните пазари: Франција (+47,4%), Шпанија (+31,5%), Германија (+22,4%) и Италија (+17,4%). Сосема очекувано, имајќи предвид дека понудата на хибриди е сѐ побогата, а цените помалку се разликуваат во однос на класичните возила на фосилни горива.

Тенис

Билетите за последниот меч на Надал достигнаа неверојатна цена

Цените на билетите за потенцијалниот последен меч во кариерата на Рафаел Надал достигнаа неверојатна цена на црниот пазар, откако се појавија информации дека се распродадени за рекордно време.

Последниот турнир на Надал е Дејвис купот во Малага, каде Шпанија ќе игра со Холандија - додека се споменува дека Рафа би можел да игра во двојки со Карлос Алкараз, објави Телеграф.

Билетите за финалето се исто така распродадени, а побарувачката за нив на сајтовите за препродажба на билети е веќе во тек. Само, за тоа е потребно да се издвои голема сума пари. Две места до теренот за четвртфиналето Шпанија - Холандија се нудат за дури 15.500 долари, а за финалето дури 32.200 долари.

Надал ќе учествува на егзибицискиот турнир во Саудиска Арабија каде ќе биде присутен и Новак Ѓоковиќ, додека на споменатиот Дејвис куп ќе ја заврши својата блескава кариера во која освои 22 Грен слем титули од кои 14 на Ролан Гарос.

Финалето на Дејвис купот ќе се одржи од 19 до 24 ноември, а да потсетиме, Новак Ѓоковиќ, најдобриот тенисер на планетата, го најави своето пристигнување во Малага за збогувањето на Рафа.

- Ти посакувам најдобро можно збогување во Малага со шпанскиот тим во Дејвис купот. Лично ќе бидам таму за да оддадам почит на твојата неверојатна кариера - изјави Ноле.

Свет

Турција бара воведување санкции против Израел

Шефот на турската дипломатија Хакан Фидан денеска изјави дека времето за дипломатија е завршено и дека треба да се воведат санкции кон Израел.

-Ги преминавме границите на зборовите, дипломатијата, политиката, стигнавме до крајот, ни требаат други инструменти, рече Фидан на конференцијата за иднината на Палестина во Анкара.

Турскиот министер додаде дека меѓународната заедница треба да преземе правни мерки, да го бојкотира Израел, кој повеќе не смее да добива никаква поддршка на ниту едно поле.

-Во спротивно, Израел ќе продолжи со геноцидот и масакрите во Газа, бидејќи во моментов не ја плаќа економската, политичката или воената цена, додаде турскиот министер, кој за време на конференцијата изрази загриженост дека меѓународното внимание ќе биде „одвлечено од Газа“ и би биле насочени кон израелските напади врз Либан.

Според него, и оние кои го поддржуваат Израел мора да платат цена, за да сфатат дека има граници на тоа што го прават.

Турција пролетта ги прекина најголем дел од своите економски врски со Израел, но дел од опозицијата ја обвинува дека продолжува да ја снабдува земјата со нафта во име на претходните договори.

Автомобилизам

Значајно падна цената на батериите- дали тоа ќе ги намали цените на електричните возила?

Во текот на изминатата деценија, цената на батериите што ги напојуваат електричните возила забележа драстичен пад, а овој тренд продолжува.

Според истражувањето на Голдман Сакс, цената на батериите е намалена од 780 долари за киловат-час во 2013 година на 149 долари за киловат-час во 2023 година.

До 2026 година, оваа цена се очекува да падне на само 82 долари за киловат-час, што би можело да ги направи електричните возила поевтини од конвенционалните автомобили со мотори со внатрешно согорување.

Причината за овој пад на цените лежи во напредокот во технологијата на батерии, вклучувајќи го и зголемувањето на густината на енергијата за 30%, како и намалувањето на цените на литиумот и кобалтот, клучните материјали за производство на батерии. Исто така, дизајнот на новите батерии овозможува елиминирање на непотребните модули, што дополнително ги намалува трошоците за производство.

Батериите на база на никел се доминантни со 60% удел на пазарот, додека литиум-железо-фосфатните (LFP) батерии држат помеѓу 35% и 40% од пазарот.

Се очекува дека до 2026 година цената на електричните возила ќе достигне паритет со класичните возила, што значително ќе ја зголеми нивната достапност и усвојување од поширок круг на потрошувачи. Во моментов, просечната цена на електричните возила е сè уште повисока, но падот на цените на батериите може да ги промени правилата на игра на светскиот пазар на автомобили, отворајќи го патот за масовно преминување на електрични автомобили.

Исто така, истражувањата покажуваат дека батериите на електричните возила би можеле да имаат животен век подолг од самите автомобили, дури и над 20 години.