Продажба на билети за натпреварот со ЦСМ Букурешт - Канал 5

Ракомет

Продажба на билети за натпреварот со ЦСМ Букурешт

Иако до почетокот на втората фаза во Лигата на шампионки за ракометарките на Вардар има повеќе од две седмици, сепак од денеска, во продажба се пуштени влезниците за првиот меч на домашен терен.

Продажба на билети за натпреварот со ЦСМ Букурешт

Првиот натпревар македонските шампионки ќе го одиграат пред својата публика во СЦ „Јане Сандански“ во Скопје, а противник е романската екипа ЦСМ Букурешт. Натпреварот е закажан за 9 јануари 2016 година со почеток од 17 часот и 30 минути.

Продажбата на билети ќе се одвива на билетарницата на СЦ „Јане Сандански“, од 10 до 18 часот и онлајн на ticketplus.mk по цени од 180 денари (трибини) 400 денари (ВИП зони) и 1000 денари (ВИП соби).

ЖРК Вардар се наоѓа во групата 2, а покрај ЦСМ Букурешт, за противници ќе ги има и екипите на, Будуќност и Савенхоф. Во групата се уште и тимовите на Ѓер и Митјиланд, против кои „црвено-црните“ играа во првата фаза од елитното натпреварување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Човек подига трактор со голи раце- снимката од Балканецот ги запали социјалните мрежи (ВИДЕО)

Необичното видео објавено на TikTok го привлече вниманието на корисниците, и од странство и од регионот.

Човек подига трактор со голи раце- снимката од Балканецот ги запали социјалните мрежи (ВИДЕО)

Брзо стана хит, а во преден план гледаме човек кој се потпрел на тркалото на трактор и, благодарение на мускулите, успеал да го крене задниот дел од машината од земјата.

Се подразбира дека корисниците на TikTok се воодушевени од сцената, сè додека авторот не открил каде точно е снимена, што инспирирало коментари во стилот на „Некаде на Балканот“.

Коментарите се ројат! Некои со неверица ја фалат силата на човекот и го споменуваат неговиот „прав грб“, додека други на шега велат дека „дефинитивно не му треба дигалка“.

„Моите соседи тренираа кревајќи го предниот дел од тракторот, додека еден од нив креваше (IMT) 558 вака“, напиша едно лице.

„Каков крал, честитки“, додаде друго.

„Силата на овој земјоделец ги поместува границите“, заклучи трет.

@pajle_25 ♬ Miksa je luddd - Miksa Jevtić

Видеото собра голем број прегледи за кратко време, станувајќи една од главните теми на популарната платформа.

Тагови: трактор

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Силен земјотрес од 6,7 степени го потресе Перу (ВИДЕО)

Силен земјотрес со магнитуда од 6,7 степени ги погоди јужните Анди во Перу во неделата, соопшти Американскиот геолошки завод (USGS). 

Силен земјотрес од 6,7 степени го потресе Перу (ВИДЕО)

Нема непосредни извештаи за штети, објави АП.

Земјотресот се случил околу 13 часот по локално време, со епицентар 38 километри северозападно од градот Упахуача, во одделот Паринакочас во регионот Ајакучо. Епицентарот на земјотресот бил на длабочина од 66,7 километри.

Земјотресот бил почувствуван во неколку региони

Земјотресот бил почувствуван во неколку региони во јужен Перу, вклучувајќи ги Ика и Арекипа. Земјотресите се честа појава во Перу, кој се наоѓа на Тихоокеанскиот огнен прстен, област со интензивна сеизмичка активност.

Земјотрес во 2007 година одзеде речиси 600 животи

Еден од најсмртоносните земјотреси во поновата историја на Перу се случи во 2007 година. Земјотрес со магнитуда од 7,9 степени ја погоди покраината Ика, при што загинаа речиси 600 луѓе.

Тагови: земјотрес Перу

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Вооружени напаѓачи упаднале на танкер кај Јемен и го пренасочиле кон Сомалија

Драма во Аденскиот Залив - шест вооружени напаѓачи ја презедоа контролата врз танкер и го пренасочија кон Сомалија, објави Канцеларијата за поморска трговија на Обединетото Кралство (UKMTO).

Вооружени напаѓачи упаднале на танкер кај Јемен и го пренасочиле кон Сомалија

Инцидентот се случил 136 наутички милји источно од островот Мукала,во Јемен, според Ројтерс.

Танкерот пловел кон запад кога му се приближил неовластен брод, соопшти UKMTO.

Детали за безбедноста на танкерот и неговиот екипаж сè уште не се објавени, што предизвикува дополнителни загрижености.

Тагови: Јемен танкер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер