Како што потврди порталот news.com.au, Ахмед ал Ахмед, татко на две деца, бил сериозно повреден додека се обидувал да го запре напаѓачот. Неговиот братучед Мустафа изјави за 7News дека Ахмед бил погоден од два куршума за време на интервенцијата.

„Тој е во болница и не знаеме точно каква е неговата состојба. Се надеваме дека ќе биде добро. Тој е херој, сто проценти“, рече Мустафа.

Според достапните информации, Ахмед треба да се подложи на операција. Се вели дека немал искуство со огнено оружје и дека случајно се нашол во близина во времето на нападот, но решил да реагира.

Снимките го прикажуваат моментот на нападот

Снимките што кружат на социјалните мрежи го покажуваат Ахмед, облечен во бела маица, како се крие зад автомобил на паркинг недалеку од еден од напаѓачите. Во моментот на затишје помеѓу истрелите, тој одеднаш се стрча кон напаѓачот, го зграпчи одзади околу вратот и по кратка борба успеа да му ја земе пушката.

Потоа напаѓачот се повлекува, а Ахмед го насочува оружјето кон него додека тој се повлекува кон мостот, повремено гледајќи назад. Подоцнежните снимки го покажуваат Ахмед како седи на земја додека минувачите му помагаат со повредата на ногата.

Профилот @crazynewsinsydney, кој објави едно од видеата, вели дека „мажот бил повреден, но неговата храброст им овозможила на другите да избегаат“.

И покрај повредите, Ахмед е свесен на видеата и разговара со луѓето што му помагаат, додека еден од минувачите му носи крпа за да го запре крварењето.

❗️Shocking footage. A passerby disarmed the shooter "with bare hands" at Bondi Beach in Sydney. pic.twitter.com/UHtHFGjX7Q

— 🪖MilitaryNewsUA🇺🇦 (@front_ukrainian) December 14, 2025

Продолжување на пукањето и интервенција на полицијата

Откако Ахмед ја ставил запленетата пушка покрај дрвото, на снимката се гледа вториот напаѓач на издигнатиот дел од мостот, како се крие и разменува оган со полицијата, која се крие зад возилото. Во еден момент, тој се обидува со гестови да го повика својот разоружан соработник назад кон мостот.

Ахмед и уште еден маж остануваат заштитени од едно дрво. Според видеата, неговиот придружник бил погоден. Неколку моменти подоцна, полицаец се приближува од другата страна на мостот и го убива еден од напаѓачите.

Вториот осомничен е уапсен со повреди. Одделни снимки покажуваат како полицијата му пружа кардиопулмонална реанимација на вооружениот напаѓач, додека на друго лице му се укажува итна медицинска помош. На земјата се видливи испукани чаури и пушка.

Во меѓувреме голема група граѓани на Сиднеј се собираат пред куќата на еден од терористите, 24- годишниот Авганистанец, Навид Акрам.

People have gathered outside the #Bondi Beach shooter’s home in #Bonnyrigg, with police monitoring the situation. pic.twitter.com/83xgtBxyZG

— Nasem Allam (@nasemallam) December 14, 2025

Најмалку 12 мртви, десетици повредени

Во нападот, кој полицијата го третира како целен терористички напад врз еврејски собир, убиени се најмалку 12 лица, вклучувајќи го и еден од напаѓачите. Уште 29 лица се во болници.

Нападот се случил за време на настанот „Ханука покрај морето“ во паркот Бонди Бич, во близина на детското игралиште, додека во исто време на плажата се одржувале божиќни базари.

Полицијата на Нов Јужен Велс потврди дека операцијата започнала околу 18:45 часот по пријавите за пукање во Кемпбел Параде. Голем број полициски и служби за итни случаи биле повикани на местото на настанот, а бил поставен и голем безбедносен кордон. Сомнителни предмети се пронајдени во близина, а ги испитуваат специјализирани единици.

Австралискиот премиер Ентони Албанезе рече дека сцените од плажата Бонди се „шокантни и срцепарателни“. „Полицијата и службите за итни случаи прават сè што можат за да спасат животи. Моите мисли се со сите погодени од овој напад“, рече Албанезе, додавајќи дека е во постојан контакт со раководителите на Федералната полиција и властите на Нов Јужен Велс.

Градскиот совет на Вејверли, исто така, изрази сочувство до жртвите, повикувајќи ги жителите да ја избегнуваат областа и строго да ги следат полициските упатства додека истрагата продолжува.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.