ВМРО-ДПМНЕ: Филипче и СДС се во политички ќорсокак, фактите и документите за Алта Банка ги демаскираа лагите
Николоски од Виенскиот економски форум: Економската соработка на регионот е потребна за заеднички пристап и посилна конкуренција на глобалниот пазар
1ВМРО-ДПМНЕ: Филипче и СДС се во политички ќорсокак, фактите и документите за Алта Банка ги демаскираа лагите
2Николоски од Виенскиот економски форум: Економската соработка на регионот е потребна за заеднички пристап и посилна конкуренција на глобалниот пазар
Шоу бизПроценето е богатството на Џенифер Анистон, секоја година се зголемува за 30 милиони долари Џенифер Анистон е една од најпопуларните актерки во светот, но и една од најбогатите.Таа се прослави со улогата на Рејчел Грин во култната серија Пријатели, а оттогаш глуми во бројни хит филмови и серии. Според податоците достапни на страницата Celebrity Net Worth, нејзиното богатство се проценува на дури 320 милиони долари и годишно се зголемува за најмалку 30 милиони долари, не само поради актерските ангажмани, туку и бројните спонзорски договори. Имено, 54-годишната актерка е заштитно лице на SmartWater, козметичката линија Aveeno, Vital Proteins и авиокомпанијата Emirates, со која потпиша договор вреден 5 милиони долари. View this post on Instagram A post shared by Jennifer Aniston (@jenniferaniston) Нејзината популарна „Рејчел фризура“ ја прослави во „Пријатели“, поради што актерката го создаде својот бренд LolaVie со линија на производи за нега на коса, што ѝ носи заработка од околу 15 до 20 милиони долари годишно. Иако снимањето на „Пријатели“ заврши во 2004 година, Анистон продолжува да добива хонорари од репризите на хит серијата, исто како и нејзините колешки. View this post on Instagram A post shared by Jennifer Aniston (@jenniferaniston) Да потсетиме, Анистон заедно со Лиза Кудроу и Кортни Кокс станаа едни од најплатените телевизиски актерки благодарение на договорот според кој во последната сезона од серијата заработија по еден милион долари по снимена епизода. По завршувањето на Пријатели, Анистон се сврте кон бројни актерски ангажмани. На пример, таа доби 8 милиони долари за филмот Marley and Me, а 5 милиони долари за филмот The Miller Family. View this post on Instagram A post shared by Jennifer Aniston (@jenniferaniston) Актерката во 2001 година купила куќа со поранешниот сопруг Бред Пит за 13,1 милиони долари, која целосно ја реновирале и ја продале една година по разводот за дури 28 милиони долари. Пет години подоцна, таа купи замок во Беверли Хилс за 13,5 милиони долари, кој го продаде во 2011 година за 38 милиони долари. Анистон купи замок во Бел-Ер за 20,97 милиони долари во 2011 година, каде што четири години подоцна се омажи за нејзиниот сега веќе поранешен сопруг Џастин Теру. View this post on Instagram A post shared by Jennifer Aniston (@jenniferaniston) Минатата година купи куќа во медитерански стил во Монтесито, чиј претходен сопственик беше Опра Винфри, за 14,8 милиони долари.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МакедонијаВМРО-ДПМНЕ: Филипче и СДС се во политички ќорсокак, фактите и документите за Алта Банка ги демаскираа лагите Кога фактите и документите за Алта банка излегоа на површина Филипче и СДС се кријат и бегаат од одговорност. Откако со месеци ја користеа Алта банка за ширење политичка паника, Филипче и СДС денес немаат одговори, туку молк и бегање од соочување со фактите. Прво обвинуваа, па самите се најдоа во ситуација да објаснуваат зошто токму во нивно време биле направени чекори поврзани со продажбата на акциите. Ги претставуваа Давор Мацура и Алта банка како спорни, за на крајот се испостави дека тие биле првите што дозволиле да купи акции од Македонија. Второ, ширеа приказни за наводна забрана на Алта банка за работа во Европската Унија поточно во Австрија, за на крајот да излезе дека немале забрана за работа, туку добиле прекршочна казна од австрискиот регулатор. Трето, ја плашеа јавноста со сценарија за пропаѓање на банката и губење на штедните влогови, а откако сите видовме дека банката е ликвидна и дека нема да пропадне, а дека државата се става во заштита на граѓаните, тргнаа со личен напад кон претседателот Мицкоски. Бараа надзорна расправа во Собранието, па откако истата веднаш беше прифатена, ја одложија за една недела, продолжетокот на истата се уште не знаат за кога да го закажат бидејќи вистината им се изнесе на виделина. Филипче, доста со политички претстави. Кој одлучувал? Кој молчел додека се отворала темата за влез на Алта Банка? Кој шири паника? И зошто СДС денес нема храброст сите прашања да се отворат пред јавноста? СДС не може да ја замени вистината со прес-конференции, ниту сопствената одговорност да ја сокрие зад напади врз други. Помина времето на СДС и ДУИ кога банки пропаѓаа, а граѓаните беа оставени на цедило. Граѓаните да бидат спокојни ниту една банка нема да пропадне додека е Христијан Мицкоски премиер, а ВМРО-ДПМНЕ е на власт, се наведува во партиското соопштение.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
МакедонијаНиколоски од Виенскиот економски форум: Економската соработка на регионот е потребна за заеднички пристап и посилна конкуренција на глобалниот пазарПредизвикот за земјите од регионот е како заеднички да настапуваат на европскиот пазар, како да се натпреваруваат со конкуренцијата и како да се постигне повисоко ниво на развој. За овие прашања, за можностите за економски напредок на регионот, како и за инвестициите во инфраструктурата, зборуваше заменик претседателот на Владата, Александар Николоски, кој се обрати на 23-от Виенски економски форум. Зборувајќи на панел дискусијата “Заедничка визија за долгорочна економска соработка” вицепремиерот Николоски потенцира дека е потребен заеднички пристап на земјите од регионот за претставување на глобалниот пазар. “Наш предизвик, но истовремено и наша задача, е да соработуваме сите економии што ги претставуваме. Без разлика дали станува збор за мојата земја или за која било друга земја од регионот, факт е дека нашите економии се премногу мали за да бидат конкурентни на глобалниот пазар. Дури и целиот регион, гледан како една целина, е премал за самостојно да биде глобално конкурентен. Токму затоа треба да соработуваме. Свесен сум дека тоа не е лесна задача, имајќи ги предвид политичките предизвици, политичкото минато и историското наследство на регионот. Но, и покрај тоа, тоа е задача што мораме да ја преземеме и на која мораме заеднички да работиме” – се обрати Николоски. Додаде дека вистинското прашање во следниот период е дали земјите од регионот ќе успееме да го подигнеме квалитетот што го нудиме. Тој на форумот ги потенцира развојните проекти што се реализираат во Македонија во делот на патната и железничката инфраструктура. “ Што се однесува до железницата, се наоѓаме во многу напредна фаза на подготовка за започнување на работите на проектот за брза железница, која ќе се протега од границата со Грција до границата со Србија. Oчекувам изградбата да започне на пролет. Станува збор за огромен проект, кој ќе биде најголемиот поединечен инфраструктурен проект во Југоисточна Европа, со инвестиција од приближно две милијарди евра. Во однос на Коридорот 8, успеавме да постигнеме договор со Бугарија за железничкото поврзување. Двете страни веќе работат на реализацијата на проектот. Ние веќе инвестираме околу 810 милиони евра во железничкото поврзување, а Бугарија презема слични активности на своја територија. Во понапредна фаза е автопатското поврзување, каде што двете страни вложуваат значителни напори. Од наша страна, работите се завршени до границата со Бугарија, односно веќе имаме изградено автопат или експресен пат. Заедно со Европската Унија работиме и на западната железничка врска со Албанија. Кога ќе се соберат сите овие активности, станува збор за инвестиции од приближно пет до шест милијарди евра во овие коридори. Нашата цел е земјата да стане важна крстосница, со што ќе придонесеме не само за растот на бизнисот и економијата, туку и за зајакнување на безбедноста” – се обрати Николоски на глобалниот форум. Министерство за транспортКрадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МакедонијаОд Химлунг до Манаслу: Благица Владимировска ги поместува границите на македонското високогорствоНа над 7.000 метри височина, на температура од минус 35 степени, со ветрови од 60 километри на час и повеќе од 20 часа борба со екстремните услови, македонската високогорка Благица Владимировска го оствари својот голем хималајски подвиг. По Химлунг, нејзиниот поглед е насочен кон следниот врв , Манаслу (8.163 метри) – осмиот највисок врв во светот и нејзиниот следен голем предизвик. Постојат места на светот каде што човекот учи колку е мал пред моќта на природата. Места каде што секој здив е напор, секој чекор е одлука, а една погрешна проценка може да ја направи разликата меѓу животот и смртта. Едно од тие места е Химлунг, на Хималаите, каде што македонската високогорка Благица Владимировска достигна височина од околу 7.020 метри, носејќи го македонското знаме во едни од најсуровите услови со кои може да се соочи еден планинар. Со овој подвиг, Владимировска се вбројува меѓу ретките Македонки што ја надминале границата од 7.000 метри – височина на која човечкото тело се соочува со сериозен недостиг од кислород, а физичката подготвеност, искуството и менталната стабилност стануваат подеднакво важни. Минус 35 степени. Ветер од 60 километри на час. Петнаесет килограми опрема. Повеќе од 20 часа изложеност на снег, мраз и исцрпеност. Без вода и храна. Зад овие бројки не стои само спортски резултат. Стои борба во која секоја одлука има тежина, а желбата да се стигне повисоко никогаш не смее да биде посилна од почитта кон планината. За Благица, високогорството не е натпревар со природата, ниту обид да се докаже сопствената надмоќ. Тоа е начин на живот, изграден врз дисциплина, истрајност, самоконтрола и способност да се препознае границата меѓу храброста и непромисленоста. „Ова е приказна од реалноста, каде што еден погрешен чекор може да значи живот или смрт. Каде што одлуките не смеат да бидат водени од егото и самољубието. Каде што почитта кон планината е религија. Таму јас вистински живеам“, вели Благица Владимировска. Следната цел – Манаслу, 8.163 метри надморска височина Но подвигот на Химлунг не е крајната точка на нејзината високогорска приказна. Напротив, тој е уште еден голем чекор кон следната цел – Манаслу, врв висок 8.163 метри, кој се издигнува на Хималаите во Непал и е осмиот највисок врв на планетата. Манаслу е еден од четиринаесетте врвови во светот повисоки од 8.000 метри. На тие височини, во таканаречената „зона на смртта“, човечкиот организам функционира во услови на екстремен недостиг од кислород, а секој дополнителен метар претставува огромен физички и ментален предизвик. За големите височини, покрај храброста, потребна е и поддршка Досега, зад секоја експедиција на Благица Владимировска стоеле нејзината лична посветеност, огромни одрекувања и сопствени финансиски средства. Сите досегашни високогорски предизвици ги организирала и финансирала самостојно, вложувајќи во подготовките, патувањата и опремата, водена од желбата да ги поместува сопствените граници и достоинствено да го претставува македонското високогорство. Но Манаслу е предизвик од сосема поинакви размери. Експедиција на 8.163 метри подразбира сериозни финансиски средства, специјализирана опрема, сложена логистика, долготрајни подготовки и високи безбедносни стандарди. Затоа, за остварување на следната голема цел, на Благица овојпат ќе ѝ биде потребна и финансиска поддршка. Ова е можност македонските компании, институции и сите оние што веруваат во спортот, истрајноста и човечките достигнувања да станат дел од една нова високогорска приказна. Да поддржат жена која со сопствени сили веќе стигнала таму каде што малкумина успеваат, а сега се подготвува за еден од најголемите предизвици во светското високогорство. Зашто ваквите успеси се инспирација за новите генерации, доказ дека големите соништа не се резервирани само за оние што доаѓаат од големи земји и потсетник дека и Македонија има луѓе со капацитет за најголемите светски предизвици. Имаме Македонка која стигна над 7.000 метри на Хималаите. Македонка која се соочи со суровоста на Химлунг, со екстремниот студ, ветерот и исцрпеноста. Македонка која сега се подготвува за Манаслу – 8.163 метри над светот. Нејзиното име е Благица Владимировска. ПОВИК ЗА ПОДДРШКА НА ЕКСПЕДИЦИЈАТА „МАНАСЛУ 8.163“ Компании, институции и поединци заинтересирани за финансиска или спонзорска поддршка на следната високогорска експедиција на Благица Владимировска можат да се обратат на: Е-пошта:[email protected] Предмет: Поддршка за експедицијата Манаслу 8.163 – Благица Владимировска Да застанеме зад македонската високогорка која се подготвува за еден од највисоките врвови на светот. Зашто големите височини се достигнуваат со лична храброст, но и со заедничка поддршка.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter