Македонија

Проблемот со хируршките сали од понеделник со преодно решение, надворешни компресори и боци

Од понеделник почнува да се инсталираат надворешни компресори за да се вратат во функција хирушките сали а како дел од предоното решение на места ќе се оди и со поставување на боци со компримиран воздух кои ќе се менуваат на одреден временски период.

Ова како и засилувањето на персоналот на ГОБ 8 септемви и градската болница се преодните решенија кои ги побарале медицинските директори на хирушките клиники за да се нормализира работатат на хиршките оделенија до целосно решавање на проблемот од страна на јавната установа заеднички служби при клиничкиот центар како даватели на услигите кон клиниките, информираат од министрството за здравство за Канал 5.

Проблемот со миризбата на уље и пластика во системите за компримиран воздух на хирушките клиники повеќе од две недели ги исфли вон употреба операционите сали на клиничкиот центар Мајка Тереза со што целиот товар се префрли на градската болница односно универзитетската клиника Св Наум Охридски и ГОБ 8 Септември. Од хирушките клиники ќе се прераспореди потребниот персонал за овие две болници да можат да функционираат додека јавната установа заеднички служби да го реши проблемот со компресорските станици како единствено надлежни.

Министерството за здравство веќе побарали целосен инспекциски надзор од сите надлежни служби од кои во текот на следната недела се чекаат извештаите како и извештаите од анализите на ваздухот од германската лабораторија кои треба да покажат каде е изворот на проблемот и како да се реши.

Свет

Зеленски потпиша закон за користење на англискиот јазик во меѓународна комуникација

Украинскиот претседател Володимир Зеленски потпиша закон со кој официјално се воспоставува англискиот јазик како јазик на меѓународна комуникација во Украина.

Документот дефинира и листа на позиции за кои од вработените се бара течно да зборуваат англиски.

Конкретно, познавање на англискиот јазик е задолжително за раководителите на управите на локалната самоуправа, воените службеници, обвинителите, даночните власти, царинските службеници, наставниците и здравствените раководители.

Државните службеници кои зборуваат англиски јазик ќе добиваат бонус на платата од 10 проценти. Дополнително, ќе се обезбеди буџетска поддршка на кината за прикажување филмови на англиски јазик./МИА

Фудбал

ЕП 2024: Фоден го напушти кампот на Англија

Крилниот напаѓач на Манчестер Сити, Фил Фоден, привремено го напуштил кампот на репрезентацијата на Англија во Германија, пишува локалниот печат.

Тој се врати во Велика Британија поради итни семејни проблеми, потврдија малку подоцна од ФА.

Фоден ги започна сите три натпревари на Англија досега на Евро 2024, но не успеа да импресионира и беше заменет против Словенија и Данска. Се очекува крилниот напаѓач да им се врати на соиграчите во наредните денови.

„Трите лава“ со пет бода и со само два постигнати гола го освоија првото место во групата „Ц“, а подоцна денеска ќе го дознаат противникот во осминафиналето. /МИА

Живот

Видео: Во Италија со црвена боја против фемицидот

Активисти за женски права денеска во знак на протест против фемицидот истурија црвена боја на Шпанските скали во Рим, симболично претставувајќи ја крвта на жртвите од насилство.

Членови на движењето „Запали се“ (Bruciamo tutto) истурија канти со црвена боја по една од главните туристички атракции во Рим и оставија отпечатоци од рацете.

Ова е симболично прикажување на крвта на сите луѓе кои беа убиени. Тоа повеќе нема да го прифатиме. Мора веднаш да престане, изјави еден од активистите пред да биде приведен од полицијата.

Активистите тврдат дека бојата која нема да предизвика трајно оштетување на Шпанските скали.

Националната канцеларија за статистика објави дека во 2023 година во Италија биле убиени 120 жени. Повеќе од половина од сторителите на кривични дела се партнери или поранешни партнери на жртвите, а во околу 20 проценти од случаите сторителите се роднини. /МИА

притисни ентер