Македонија

Пробиштип ќе нуди парцели за викенд куќи на Пониква

Новиот Урбанистички план за ски-центарот Пониква предвидува нови 200 викенд куќи, најави градоначалникот на Општина Пробиштип, Драган Анастасов.

Планот е изготвен и се чека на негово одобрување. Тој истакна дека покрај тоа што се предвидени парцели за викенд куќи во овој план има и парцели за десет хотели и угостителски објекти.

-Ако сакаме развој на зимскиот туризам мораме да предвидеме вакви маркици за градба. Меѓутоа за развојот на Пониква ни е потребна помош од странски донатори или помош од Владата, бидејќи Пониква е значајна во нашиот регион, вели Анатсасов.

Сметка дека локалните власти на Кочани и Пробиштип досега имаат направено повеќе инвестиции, но какошто вели тоа не е доволно. Потребна им е финансика помош да се реши колекторскиот систем, канализационата мрежа и недоизградената инфраструктура на Пониква.

Анастасов најави дека по неколку години решен е техничкиот проблем со топовите за правење на вештачки снег, а ќе бидат пуштени во декември./МИА

Регион

Во Србија продолжува парламентарна расправа, се чека гласање за новата влада

Српскиот парламент претпладнево ќе ја продолжи првата вонредна седница на која единствена точка на дневен ред е избор на Влада и давање заклетва на претседателот и членовите.

Се очекува дискусијата да продолжи, по што пратениците треба да гласаат, јавија српските медиуми.

Продолжението на првата вонредна седница на Националното собрание во актуелното свикување е закажано за девет часот. На седницата, која почна вчера, излагање поднесе претставникот за состав на новата Влада Милош Вучевиќ.

Во тричасовното обраќање пред пратениците, меѓу другото, тој истакна дека владата што ја предлага ќе биде влада на континуитет во најголема мера, како и дека полноправното членство во ЕУ останува стратешки приоритет на Србија. Тој наведе и дека најголемиот предизвик на новиот кабинет ќе биде одбраната на суверенитетот, ќе се предложи задолжителен воен рок од четири месеци. Вучевиќ порача дека членовите на Владата мора да бидат тим, дека секогаш мора да бидат подготвени да ги штитат националните и виталните интереси на Србија, а неговото прво и единствено барање е несомнената лојалност кон татковината. На Собранието му предложи 31 член на кабинетот, меѓу кои има осум нови личности. /МИА

Свет

Земјотрес од четири степени во поширокото подрачје на Лос Анџелес

Земјотрес со јачина од 4,1 степени според Рихтер синоќа го погоди поширокото подрачје на Лос Анџелес, соопшти Сеизмолошкиот институт на САД.

Земјотресот се случил во областа Корона, во близина на Лос Анџелес, објави Фокс.

Земјотресот бил почувствуван во пошироката област, западно до Лос Анџелес, Лонг Бич, округот Оринџ и Санта Кларита./МИА

Свет

Колумбија најави прекин на дипломатските односи со Израел поради војната во Газа

Колумбискиот претседател Густаво Петро изјави синоќа дека ќе ги прекине дипломатските односи со Израел поради војната во Појасот Газа.

Петро претходно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.

„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има геноциден претседател“, нагласи синоќа Петро во Богота на собир по повод Меѓународниот ден на трудот. Светот не може да биде слеп пред настаните во Газа, нагласи тој. /МИА