Признание Red Dot 2020: Новиот „PEUGEOT 208“ и „SUV PEUGEOT 2008“ со престижно признание за дизајн - Канал 5

Автомобилизам

Признание Red Dot 2020: Новиот „PEUGEOT 208“ и „SUV PEUGEOT 2008“ со престижно признание за дизајн

Новите модели PEUGEOT 208 и SUV PEUGEOT 2008 се добитници на “Red Dot“ признанието за дизајн, во категоријата за дизајн на производ.

Признание Red Dot 2020: Новиот „PEUGEOT 208“ и „SUV PEUGEOT 2008“ со престижно признание за дизајн

Лавовскиот бренд, победи во категорија помеѓу 6.500 производи.Ова е шесто признание за дизајнерскиот јазик на PEUGEOT брендот.

Риселхајм, Германија. 30ти март 2020. Официјално е: новиот компактен PEUGEOT 208 и новиот SUV PEUGEOT 2008 се добитници на престижното “Red Dot” признание во категоријата „Дизајн на производ“. Двата модели на PEUGEOT ја импресионираа интернационалната жири комисија со својот спортски надворешен дизајн и извонредната изработка. Францускиот производител, по шести пат е добитник на ова престижно признание.

Хаико ван дер Луит, Извршен директор на PEUGEOT Германија изјави: „Ние сме горди што сме добитници на посакуваното “Red Dot” признание за дизајн во категоријата „Дизајн на производ“ и тоа за два од нашите модели. Ова нам ни покажува дека во вистинска насока го развиваме DNK кодот на нашиот бренд“.

PEUGEOT 208 и SUV PEUGEOT 2008: впечатлив дизајн и електрична верзија

Со својот впечатлив надворешен дизајн, двата модели ја рефлектираат стратегијата на репозиционирање на брендот неколку скалила погоре. Исто така, жирито беше фасцинирано од вертикалните предни LED светла во форма на лавовски заби, задните стоп LED светла во форма на лавовски канџи, многуте фини детали кај надворешниот и внатрешниот дизајн, револуционерниот 3D i-Cockpit, компактниот спортски управувач со намалени димензии, 10 инчниот мултифункционален екран на допир и високото ниво на препознатливост на брендот.

100% електричните верзии на новиот PEUGEOT 208 и SUV PEGUEOT 2008 се достапни за клиентите. Од аспект на дизајнот, овие верзии суптилно се разликуваат од верзиите со мотор на внатрешно согорување преку: бојата на предната решетка која е во истата боја на каросеријата на возилото, како и преку амблемот лав кој ја менува својата боја во зависност од позицијата од која го набљудувате.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Тајфун ја погоди Кина: На повеќе од 870.000 им е наредено да се евакуираат (ВИДЕО)

Тајфунот Саудел двапати го погоди источниот брег на Кина во петок наутро. Властите евакуираа луѓе и ги запреа возовите и фериботите, објави Ројтерс.

Тајфун ја погоди Кина: На повеќе од 870.000 им е наредено да се евакуираат (ВИДЕО)

Тајфунот го погоди градот Таиџоу околу 8 часот наутро по локално време и градот Венџоу еден час подоцна. Ова е трет тајфун што ја погодува покраината Жеџијанг оваа година.

Саудел ќе донесе обилни дождови во Жеџијанг и Фуџијан, покраина на југоисточниот брег, со можност за локални поројни дождови, соопшти кинеската државна новинска агенција Ксинхуа. Додека тајфунот се движи кон внатрешноста, може да донесе обилни дождови во други региони на покраината, вклучувајќи ги Хубеи, Гуангси и Јунан.

Владата на Венџоу нареди евакуација на повеќе од 820.000 луѓе, додека властите во Таиџоу суспендираа осум линии за патнички фериботи и идентификуваа 52.000 луѓе кои треба да бидат евакуирани, објави државниот радиодифузер „CCTV“.

Железничкиот оператор „China Railway Shanghai Group“ привремено ги суспендираше некои услуги на неколку линии во Жеџијанг од четврток до петок, според „CCTV“.

Фуџијан во четврток започна итни мерки против тајфунот. Проектите по должината на брегот се суспендирани, а 57 патнички фериботски линии се затворени.

Извор: Б92

Тагови: Кина тајфун

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Македонија вечерва осум активни пожари

Во Македонија до 18 часот се регистрани осум активни пожари, информираат од ЦУК. Во општина Сарај гори во селото Копаница, каде што е зафатена ниска вегетација.

Во Македонија вечерва осум активни пожари

Пожар е активен и на подрачјето меѓу селото Трново во општина Гостивар и селата Битово, Заград и Страјане во општина Македонски Брод, каде што гори нискостеблеста шума, ниска вегетација, пасишта и папрат. Во општина Чашка активен е пожарот над селото Нежилово, во месноста Сватови, каде што гори ниска вегетација и поединечни дрвја. Пожар има и во селото Копанце во општина Јегуновце, каде што е зафатена мешана шума. Во прилеп активни се три пожари – над касарната, кај старите гробишта, како и во селото Црнилиште.

Тагови: пожари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ на сите верници им го честита христијанскиот празник Успение на Пресвета Богородица

ВМРО-ДПМНЕ им го честита големиот христијански празник Успение на Пресвета Богородица на сите православни верници.

ВМРО-ДПМНЕ на сите верници им го честита христијанскиот празник Успение на Пресвета Богородица

Успението на Пресвета Богородица е празник на верата, надежта, љубовта и семејството. Мајката Божја е вечен пример за скромност, трпеливост, пожртвуваност и човечност - вредности кои не потсетуваат дека силата на едно општество се темели на почитта, солидарноста и грижата за ближниот.

Семејството, традицијата, верата и солидарноста се темелите врз кои градиме силна, достоинствена и просперитетна Македонија. Токму овие вредности не обединуваат и ни даваат сила со заедништво и одговорност да чекориме кон подобра иднина.

Нека овој голем празник донесе мир во домовите, спокој во срцата, здравје и благосостојба, и нека нe обедини во заедништво, почит и љубов кон семејството и татковината.

Нека ни е честит и вековит празникот Успение на Пресвета Богородица!

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер