Култура

Привршува конкурсот за вториот меѓународен фестивал на кратoк филм „Филмај 2020"

Kонкурсот за вториот меѓународен фестивал на краткиот филм „Филмај 2020" во организација на Фото-кино клубот „Козјак" – Куманово ќе трае до 5 април годинава, информираа денеска надлежните од клубот.

На конкурсот можат да се пријават кратки, документарни или играни филмови со траење од дваесет минути.

– Споредено со првиот „Фимлај" одржан лани, кога имавме 50 пријавени учесници кои се пријавуваа преку мејл, оваа година конкурсот го објавивме навремено кон крајот на јануари 2020 и со посредство на платформата „FilmFreeway". Токму поради новиот начин на пријавување, добивавме по 30-50 пријави дневно, со што моментална бројка е околу 1.500 пријавени филмови. Некои од нив се вон критериумите кои ги имаме пропишано – го надминуваат траењето од максимум 20 минути, претставуваат експериментални или анимирани филмови, а конкурсот е за играни или документарни филмови или се со недоволно средена аудио-видео продукција, истакна Драган Денковски од ФКК „Козјак".

Тој додава дека сепак, одлучувачкото право за соодветноста и квалитетот на филмовите ќе го има овогодишното трочлено жири составено од Ана Јакимска, филмски режисер и сценарист, Златко Ѓелески, писател и културен критичар и Глигор Максимовски, фотограф и член на фото-кино клуб „Козјак".

Заинтересираните што ќе се пријават ќе треба да понудат фимови кои се работени најдоцна до 1 јануари 2013 година, да имаат задоволителен аудио и видео квалитет, како и најавна/одјавна шпица со продукциски податоци, и да содржат титл на англиски јазик.

Пријавувањето е преку платформата „FilmFreeway". Дополнителни детали за фестивалот можат да се најдат на адреси: ФБ страна на фестивалот ФИЛМАЈ , како и на ФБ-страна на настанот за ФИЛМАЈ 2020 . Фестивалската веб-страна е следна: http://filmay.kozjak.mk .

– Половина од филмовите беа домашни (македонски), од кои еден ја доби наградата „Козјак" за најдобро сценарио – Награда по сценарио и режија на Лидија Мојсовска. Дополителните две награди беа доделени на странски филмови: наградата за најдобра режија „Лазар Ѓорѓевиќ" беше доделена на Ото Ројшел за режија на „РИСКИ", а награда за најдобра кинематографија Радислав Ристевски ја доби директорот на фотографија Росен Савков за „Тими", филм во режија на Љубо Јончев. Трите филма и пред нашиот фестивал имаа фестивалска кариера, а со награди и пофалби се стекаа и во периодот после нашиот фестивал, додава Денковски.

На конкурсот ќе се доделат три награди, за надобра режија, најдобра фотографија/кинематографија и најдобра приказна/сцанрио. Добитниците на награди ќе бидат објавени на 5 мај.

– Годинашниот „ Филмај" согласно приликите најверојатно ќе го одржиме онлајн – преку интернет стриминг, следејќи ги безбедносните и здравствени препораки, додава Денковски. /МИА

Свет

Шпанија основа фонд за 440.000 жртви на сексуално злоставување од католички свештеници

Шпанија ќе формира фонд што ќе биде финансиран претежно од Католичката црква за да им плати отштета на околу 440.000 жртви на повеќедецениската сексуална злоупотреба извршена од католички свештеници.

Шпанија ќе формира фонд што ќе биде финансиран претежно од Католичката црква за да им плати отштета на околу 440.000 жртви на повеќедецениската сексуална злоупотреба извршена од католички свештеници, блиски до нив и наставници, најави министерот за правда.

Ваква оценка даде извештајот на шпанскиот омбудсман во октомври по анкета на 8.000 луѓе.

Тогаш беше препорачано формирање на државен фонд, а Црквата беше обвинета дека не соработувала и се обидувала „да ја намали оваа појава колку што е можно повеќе“.

Министерот за правда Феликс Боланос им рече на новинарите дека Црквата, која беше исклучително влијателна во шпанското општество и политика до и по крајот на десничарската диктатура во 1970-тите, со децении не ги исполнила барањата за компензација и дека нејзините реакции на извештајот варирал во зависност од епархијата.

„Сакаме да дејствуваме за да спречиме, да го поправиме и да се обидеме да го вратиме долгот што нашето општество им го должи на жртвите“, рече Боланос.

Владиниот план, кој треба да се спроведе до 2027 година, предвидува сè уште недефинирана формула со која Црквата ќе бара „да го плати целиот надомест или нејзиниот поголем дел, како и гаранција за другите елементи од симболичната компензација“. Боланос рече дека неговото министерство ќе преговара со епископите за придонесот што црквата е подготвена да го плати во фондот и дека има впечаток дека свештенството е подготвено за соработка.

Но, во исто време, шпанската бискупска конференција објави дека не може да прифати план со кој се исклучуваат жртвите на сексуална злоупотреба во други организации бидејќи „претставува осуда на целата Црква и покрива само дел од проблемот“. Во ноември црквата за прв пат објави дека има намера да ги обештети жртвите и во случаи кои не се целосно решени бидејќи во меѓувреме починал свештеник, кој извршил злосторство.

Боланос рече дека независно експертско тело ќе ги проучува случаите во кои насилникот умрел, оние за кои истекол рокот на застареност или оние кои никогаш не стигнале до суд.

Забава

Порно ѕведата Миа Калифа лансира колекција танги со марихуана (ФОТО)

Не долго откако Миа Калифа првпат ја лансираше својата нова линија на накит и додатоци, Шејтан, таа почна да се појавува на модните недели и да прави бројни договори.

За да ја прослави 420 година, Калифа лансира специјално издание со Шејтан: тангата 420.

Тангата доаѓа во две бои, зелена и црна, а на задната страна има декорација во форма на лист марихуана. Ремените се прилагодливи и погодни за различни големини на телото.

„Треба да ме ангажирате како плус сајз модел за ова“, „Врискам, плачам, купувам“, „Едвај чекам“, „Сакам“, „Ми требаат“, „Ве молам донирајте за оние од нас кои не можеме да си ги дозволиме“, , „Слатко“ се дел од коментарите на објавата на брендот на Инстаграм.

Sheytan е лансиран во јули 2023 година, така што брендот е сè уште млад.

"Никој не ги знае роковите што си ги поставивте за себе! Бидете трпеливи, дури и ако тоа значи да направите нешто подоцна за да го направите производот совршен", рече Миа Калифа, пренесува HypeBae.

Македонија

БУГАРИЈА: Системската медиумска манипулација кај дел од бугарските медиуми продолжува

Кога човек ќе помисли дека има некаква позитивна промена во бугарскиот мајнд сет кај дел од нивните медиуми визави Македонија, веднаш истите медиуми се демантираат преку нивните лаги и манипулации.

Бугарскиот портал Faktor.bg со самосатисфакционен наслов објави тешка лага која наводно се појавила во последниот извештај на Американскиот Стејт департмент за Македонија за 2023 год во кој се вели:

„Стејт департментот го попари Скопје: во Република Македонија има систематско насилство врз Бугарите“

па продолжуваат со сочна лага за наводен цитат од овој извештај во кој велат:
„Во Република Македонија има систематско расно и етничко насилство и дискриминација врз Бугарите. Така се вели во извештајот на Стејт департментот за човековите права кај нашиот југозападен сосед за 2023 година“

Ова е крајно манипулативен екстракт од делот за „Системско расно ИЛИ етничко насилие и дискриминација“
Во извештајот на Стеј Департментот Бугарите во Македонија се споменуваат само во овој дел и тоа:

„Министерот за правда ги затвори бугарските културни клубови „Цар Борис III“ и „Иван (Ванчо) Михајлов“, повикувајќи се на законот од 2022 година со кој се бара од организациите именувани по фашистички поддржувачи или соработници да си ги сменат имињата. Во февруари, по препорака на Комисијата за антидискриминација, обвинителството во Битола отвори прелиминарна истрага за клубот „Иван (Ванчо) Михајлов“ поради говор на омраза. Претседателот на клубот беше обвинет за поттикнување етничка и расна омраза и нетолеранција и ширење расизам и ксенофобија.

Две лица се обвинети за нанесување тешки телесни повреди на Христијан Пендиков, кој се саморегистрирал како Бугарин, по национална и етничка основа на омраза.“
Во текстот на овој бугарски медиум воопшто не се нотира дека е затворен клубот Ванчо Михајлов а спрема неговиот претседател покренато е обвинение за ширење на расна и етничка нетолеранција како и ксенофобија.“

Како што се наближуваат двојните избори во Македонија на 8ми мај, нервозата кај официјална Софија и дел од нивното медимското миље драстично расте, па затоа се сретнуваат вакви манипулативни и клеветнички текстови во кои не се штеди ниту Америка ниту Македонија.

Линк до извештајот на Американскиот Стејт Департмент за Македонија ( страна од 33-35 )
Веста објавена во бугарски Фактор

притисни ентер