Свет

Привремената влада во Венецуела отворена за соработка со САД

Новото привремено раководство во Венецуела сигнализираше дека е подготвено за соработка со САД, откако во саботата рано утрината беше соборен од власта, уапсаен и пренесен во САД долгогодишниот авторитарен лидер Николас Мадуро, јави ДПА.

„Ја покануваме американската Влада да соработува со нас врз агендата за соработка ориентирана кон заеднички развој во рамките на меѓународното право за зајакнување на трајниот соживот во заедницата“, изјави вчера Делси Родригез, привремена претседателка на Венецуела, во објава на Инстаграм.

Родригез првично зазеде поцврст став по нападот на САД.

„Нашите народи и нашиот регион заслужуваат мир и дијалог, а не војна“, напиша таа во пораката упатена до американскиот претседател Доналд Трамп. „Ова отсекогаш била пораката на претседателот Николас Мадуро и тоа е пораката на цела Венецуела во моментов.“

Таа повика на однос меѓу САД и Венецуела заснован на почит, суверена еднаквост и немешање.

САД нападнаа серија цели во Венецуела во саботата рано утрината, го заробија Мадуро и го отстранија од земјата. Тој треба да се соочи со судење во Њујорк по обвиненија за поврзаност со шверц на дрога.

Трамп објави дека САД привремено ќе ја „управуваат“ Венецуела, потсетува германската агенција.

Врховниот суд на Венецуела ја овласти потпретседателката Родригез привремено да ги преземе овластувањата на претседателот. Таа првично зазеде потврд став, барајќи ослободување на Мадуро и опишувајќи ја американската операција како кршење на Повелбата на ОН.

„Никогаш повеќе нема да бидеме робови“, рече таа, обраќајќи му се на Трамп, потсетува ДПА за првичната реакција на привремената претседателка на Венецуела.

Тагови: Венецуела

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски на потпишување договор за нова инвестиција

Премиерот Христијан Мицкоски денеска ќе присуствува на потпишување договор за нова инвестиција.

Договорот ќе биде потпишан во свечената сала на владата.

По потпишувањето предвидено е Мицкоски и претставници на „компанијата да одржат заедничка прес-конференција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Зеленски: Украина ќе ги продолжи нападите врз руските рафинерии

Украина ќе ги продолжи нападите врз руските рафинерии, изјави украинскиот претседател Володимир Зеленски во интервју за весникот „Фајненшл тајмс“.

– Забраната за напади врз рафинериите е укината. Завршивме со тоа, истакна Зеленски.

Претседателот на САД, Доналд Трамп на 11 октомври изјави дека е постигнато енергетско примирје меѓу Русија и Украина, кое ќе стапи во сила веднаш. Подоцна, Зеленски наведе дека Русија не го почитува примирјето и не ги почитува изјавите на американскиот претседател.

Тагови: Володимир Зеленски украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево со мала до умерена облачност и температура до 20 степени

Сончево со мала до умерена облачност. Ќе дува умерен до засилен ветер од северозападен правец, кој долж Повардарието ќе надминува брзина од 60 km/h. Минималната температура ќе биде во интервал од 0 до 9, а максималната ќе достигне од 12 до 20 степени.

Во Скопје, сончево со мала до умерена облачност. Ќе дува умерен, во делови од котлината повремено засилен ветер од северен правец. Минималната температура ќе се спушти до 6, а максималната ќе достигне до 15 степени.

ВРЕМЕТО ВО НАРЕДНИТЕ ДЕНОВИ

Следува период на променливо облачно и стабилно време, освен во петок кога ќе има слаби локални врнежи од дожд кои на повисоките планини ќе бидат од снег. Утре ќе дува засилен до силен ветер од северен правец, а од петок до крајот на периодов, ќе дува слаб до умерен северен ветер, кој ќе биде поизразен долж Повардарието.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.