47 лица се приведени а 17 полициски службеници се повредени по синоќешните протести во Белград на кои повикаа од „Студентите во блокада“ а кои завршија со инциденти и судири со полицијата.

Како што пренесуваат српските медиуми немирите почнале по завршување на протестот кога луѓето си заминувале во близина на Пионерскиот парк и српското Народно собрание каде вообичаено се собираат поддржувачите на власта.

Жандармеријата веднаш интервенирала откако според медиумите значително се зголемило полициското присуство. Неколкумина млади луѓе биле соборени откако фрлале шишиња со вода кон Жандармеријата, кога таа почнала со интервенција, а дел од насобраните фрлале и факели.

Полициски кордон бил поставен и на улицата Крал Милан, а дошло до судир меѓу полицајците и демонстрантите на аголот со улицата Кнез Милош.

Протестите се одржаа на четири локации а најголемиот собир беше на плоштадот Славија под мотото „ Ти и јас, Славија, затоа што студентите победуваат“ и беше повторено барањето за вонредни избори.

„Изборите се неопходен чекор, ајде така да кажеме. Но не знам што ќе излезе од тоа. Се зависи од тоа колку лажат. Мора на избори а мораме и вака.“

„Првин ова да се реши на реални и праведни избори. Да се не краде и да не се „мати“. Не викам само оваа власт, се крадеше сто години наназад, не можам да се помирам 64 години на нон стоп некој краде, на тоа треба да се спротиставиме. Оваа младина е вистинско нешто и ние треба да застанеме позади нив и конечно ситуацијата да се помести од „мртва точка“.“

„Проблемот е страв, преплашеност, корупција, незаинтересираност, нестручни луѓе, одвратни и злобни луѓе на многу важни позиции кои и не сакаат да ги извршуваат и не знаат да си ја вршат работата.“

Дојдов за да видат колку не има, колку има незадоволни граѓани и дека е стварно крајно време да се распишаат избори и се што е проблем да се поправи и да се направат едни фер и коректни избори

Српскиот претседател Александар Вучиќ, кој моментално е во официјална посета на Кина, исто така се огласи за настаните во Белград. Тој ги повика студентите на дијалог но и порача дека неговиот мандат наскоро ќе истече и оти може да поднесе оставка.

„Како претседател на Србија ги повикувам на дијалог, мислам дека тоа е поважно од партиските прашања, поважно е нашите политички препукувања и верувам дека можеме да дојдеме преку разговор до решение кое ќе значи смирување на тензиите. Наскоро ми истекува мандатот и јас не можам, можеби ќе поднесам оставка.“

Вторито петкогидшен мандат на Вучиќ како претседедател истекува следната пролет, а според неговите најави, оваа есен ќе се одржат предвредвремени парламенатрни изброри. Со најавата за можна оставка, се потврдуваат предвидувањата на тамошните аналитичари дека Вучиќ на тие избори ќе ја предводи листата на СНС во обид да ја задржи власта и да биде премиер.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.