Приведен директорот на Комунална хигиена, Сабахaдин Рустеми - Канал 5

Македонија

Приведен директорот на Комунална хигиена, Сабахaдин Рустеми

СВР Скопје Единицата за Економски криминал попладнево одзема дополнителна документација и лиши од слобода две лица кои ги сомничи за состојбите со непостапувањето во врска со ѓубрето во град Скопје.

Приведен директорот на Комунална хигиена, Сабахaдин Рустеми

По неколку неделниот хаос со ѓубрето во Скопје и по инспекциските надзори паднаа првите апсења – приведени се две лица од КХС, посочија од обвинителството, а според извори на Канал 5 од истрагата станува збор за директорот на претпријатието Сабахадин Рустеми и уште едно лице од раководството. Од ОЈО Скопје посочија дека двајцата се сомничат кривичното дело – загрозување на животната средина и природата со отпад. Дополнително, прибрана е дополнителна документација.

-По наредба на ОЈО Скопје, полициски службеници преземаат дејствија за обезбедување на докази. Приведени се двелица од раководството на ЈП Комунална хигиена – Скопје, во врска со сомненија за кривично дело 230 од кривичниот законик. - ОЈО

Набргу по апсењето на директорот Рустеми, пристигна реакција и од градоначалничката Арсовска на социјалните мрежи и со соопштение до медиумите. Таа во својата објава вели дека премиерот Мицковски и МВР со апсењето на директорот сеат страв пред вториот изборен круг. Таа за состојбите го обвинува УО на КХС, односно претседателката Јулијана Спировска, која вели дека три години ги опструира сите набакви и работата на прептријатието.

Но, институционалниот одговор засега не ја менува состојбата. Поразени и понижени – вака го опишуваат чувството скопјани од сликата која периодов владее со Скопје. полните контејнери и просторот околу нив и натаму остануваат на секој чекор во „метрополата“ – па граѓаните веќе состојбата ја коментираат и со шегување.

-Прекрасно изгледа, одлично – ова е круната на се/.Бидејќи тука живеам, на приземјето сум, ова е многу убаво, како доаѓа, филм да се снима./. Се чуствувате ли поразен како скопјанец од сликата што ја гледаме изминативе денови? Многу, многу. Лоша слика, поразена, понижена/Јас сум роден во Скопје, вака ѓубре немало никогаш, никогаш, јас еве 80 години ќе наполнам. Нормално е во 2025 вака да ни изгледаат улиците? Не, ова е лудница.

Ако смрдеата изминативе денови беше само во околината на контејнерите сега може да се почуствува и подалеку.. Дождот само дополнително ја влоши состојбата..

-Дождот изминатите два дена можеби ја изми прашината од улиците, но сето она што е во контејнерите и околу контејнерите, се разлеа по нив..

Сепак, дождот на виделина извади уште една поразителна слика – вака изгледа денеска реката која е испеана во бројни песни и е дел од државниот грб. Во Вардар која никогаш не изгледал повалкан се слеваат илјадници шишиња и секакви предмети – кои тешко можеа да ги избегнат и речните птици. На што личи Вардар ќе се види и надвор од државава низ објективот на туристите.

-Работам во областа на туризмот, со странски туристи работат, велат повалкан град во светот не сме виделе.

Ваквиот став може да се забележи и кај странските блогери кои изминатиов период го посетиле Скопје и каде го коментираат отпадот кој е на секој чекор.

YouTube video

Тагови: Град Скопје ѓубре Конунална хигиена

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Мајка лажела дека нејзиниот син има рак и собрала 358.000 евра донации- детето со години мислело дека е болно

Неименуваната жена тврдела дека нејзиниот син имал рак и врз основа на таа приказна, собрала 358.000 евра донации. Таа ги признала злосторствата за кои е обвинета пред Покраинскиот суд во Гисен.

Мајка лажела дека нејзиниот син има рак и собрала 358.000 евра донации- детето со години мислело дека е болно

„Сите злосторства се признаваат без никакви ограничувања. Ова важи и за фактичката состојба и за износот на поединечните износи“, рече нејзиниот адвокат.

Сè започнало по прегледот

Зборувајќи на суд, адвокатот на одбраната додаде дека неговиот клиент засега нема да одговара на прашања, но дека жали за тоа што се случило, објавува Шпигел.

Обвинителството ја товари 42-годишната жена за 13 точки од обвинението за измама заради лична корист, како и за две точки од обвинението за фалсификување документи.

Според обвинението, злосторствата се извршени помеѓу септември 2021 и октомври 2024 година.

Според обвинението, детето имало помеѓу пет и осум години во времето на наводните злосторства. За време на дерматолошки преглед, утврден е наод, кој, сепак, се покажал како нормален и не барал медицински третман.

Жената наводно патувала со својот син во клиника во Швајцарија, каде што лекарите дошле до истиот заклучок.

После тоа, според обвинението, таа почнала да измислува приказна за болеста на својот син.

Според обвинението, жената тврдела дека момчето страда од малиген меланом на кожата и дека итно му е потребен скап и редок третман во Соединетите Американски Држави.

„Тогаш била разоткриена конструкцијата на лагата“

Според обвинението, таа ја раскажала истата приказна на своето семејство, но и во медиумите и на онлајн платформите.

Повиците за помош предизвикале сочувство и голем интерес, рече обвинителот. Граѓаните и непрофитните организации наводно донирале десетици илјади евра за да му помогнат на детето.

Според обвинителот, дури и самото момче верувало дека има рак.

Случајот бил откриен кога неговиот лекар дознал за апелите за собирање средства преку социјалните медиуми и ги контактирал надлежните органи.

„Тогаш била разоткриена измислицата на лаги“, рече обвинителот.

Потоа детето било ставено под заштита на надлежните органи.

Иако жената ги призна делата за кои е обвинета, се очекува судската постапка да продолжи со изведување на докази. Планирано е, меѓу другото, да се сослушаат повеќе од 20 сведоци.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Путин дознал зошто шефот на ЦИА пристигнал во Москва и веднаш го откажал состанокот, јавуваат руските медиуми

Директорот на ЦИА, Џон Ратклиф, пристигна во Москва на 25 август на средба со Владимир Путин, но рускиот претседател ја откажа средбата во последен момент. 

Путин дознал зошто шефот на ЦИА пристигнал во Москва и веднаш го откажал состанокот, јавуваат руските медиуми

Путин ја донесе одлуката откако ги дозна вистинските причини за посетата на Ратклиф, изјави извор близок до Кремљ за независниот руски медиум „Агентство“.

Ратклиф се сретна со шефот на руската Служба за надворешно разузнавање (СВР) Сергеј Наришкин и шефот на Федералната служба за безбедност (ФСБ) Александар Бортников во Москва. Американскиот функционер го повика руското раководство што поскоро да преговара за прекин на војната со Украина. Неговата порака беше дека воената и економската состојба на Русија се влошува и дека е подобро Кремљ да постигне договор сега отколку да чека неговата позиција дополнително да ослабне.

Информациите од еден од овие состаноци стигнаа до Путин, кој потоа ја откажа претходно закажаната средба со Ратклиф. Според изворот, Путин претходно го расчистил својот распоред за средбата.

Американска проценка на ситуацијата во Русија

Њујорк тајмс објави дека Ратклиф му дал на Бортников „мрачна проценка“ за позицијата на Русија во војната и повикал на мировни преговори. Извор од агенцијата коментирал дека пораката на директорот на ЦИА звучела како „Володимир Зеленски веќе да стоел на ридот Поклонаја и да гледал низ двоглед кон Кремљ“.

Истиот извор додал: „Сите разбираат дека тоа не е така. Се чини дека Ратклиф го пропуштил обраќањето“. Останува нејасно дали ставот на директорот на ЦИА го одразува официјалниот став на целата Бела куќа.

Цел на тајната посета

Посетата на Ратклиф на Москва е првата посета на шефот на американска разузнавачка агенција на Русија од почетокот на инвазијата на Украина. Патувањето не беше јавно објавено и се одржа во тајност. Кремљ официјално потврди дека Путин не се сретнал со Ратклиф, но дека американскиот функционер разговарал со претставници на руските разузнавачки служби.

Западните медиуми шпекулираат за неколку можни причини за посетата, од охрабрување на мировните преговори и предупредување на Москва да не ги напаѓа членките на НАТО, до барање за намалување на соработката со Иран.

Американскиот портал „Аксиос“ пишува дека Ратклиф предложил и трилатерален состанок на претседателите на САД, Русија и Украина. Кремљ одговорил дека таков состанок е можен, но само со цел „финализирање на договорот“.

Тагови: Владимир Путин москва

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Мел Гибсон се извини поради потегот на сцена, што ја подели јавноста: Неодговорна глупост (ВИДЕО)

Мел Гибсон се извини откако неговиот потег на состанокот со обожаватели во Торонто предизвика реакции.

Мел Гибсон се извини поради потегот на сцена, што ја подели јавноста: Неодговорна глупост (ВИДЕО)

Во саботата, актерот накратко имитираше толкувач на знаковен јазик на сцената, што многумина го сметаа за потсмев. Сè се случи на FanExpo Canada, а видеото од тој момент набрзо се прошири на социјалните мрежи, пишува People.

Гест што предизвика критики

Гибсон, 70, учествуваше на панел во Торонто во сабота, 29 август. На видеото може да се види дека кога излегува на сцената, тој застанува до толкувачот на знаковен јазик и накратко ги повторува движењата на рацете пред да седне.

Видеото набрзо предизвика бројни реакции на социјалните мрежи, а некои корисници го опишаа неговиот потег како „разочарувачки“ и „суров“.

Се извинува за „неодговорната глупост“

Актерот и режисер го објави ова во понеделник, 31 август, во изјава за People. „Кога одеднаш ќе се најдете на сцената под рефлекторите, понекогаш вашиот ум талка и имате момент на спонтана, непромислена глупост“, рече Гибсон.

„Не ми беше намера да повредам никого и им се извинувам на сите што беа вознемирени од моите постапки“, додаде тој.

Тој зборуваше и за нови филмови

За време на панел-дискусијата, Гибсон разговараше за својата долга кариера и филмови како „Лудиот Макс“ и „Смртоносно оружје“ со модераторот Лиам Кроули. Тој се осврна и на продолженијата на неговиот библиски филм „Страста“ од 2004 година, кој треба да се вика „Воскресението Христово“.

Оскаровецот е сè уште активен пред камерите. Минатата година ја имаше главната улога во филмот „Сезона на лов“, а меѓу проектите што сè уште го чекаат се трилерите „Кањонот“ и „Којот“.

Премиерата на првиот дел од филмот „Воскресението Христово“ беше најавена за 6 мај 2027 година, додека вториот дел треба да пристигне во кината на 25 мај 2028 година.

Тагови: Мел Гибсон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер