АвтомобилизамПристигнува кинеската копија на Бугати, познато е дали ќе има V16 мотор (ФОТО)Пристигна нова најава за кинески автомобил.Кинескиот производител на правосмукалки Dreame Technology не се откажува од проектот за електричен автомобил кој изгледа речиси исто како Бугати Хирон. Автомобилската дивизија на компанијата, Dreame Auto, објави уште една слика од новитетот, и како и неколку рендери објавени минатата недела, и оваа изгледа како барем делумно да е генерирана со помош на вештачка интелигенција. И вестите не запираат тука. Според CarNewsChina, компанијата ги добила првите технички информации, како и веста за основање на нов бренд на луксузни автомобили кој треба да се натпреварува со брендови како Bentley и Rolls-Royce. Најновата слика, која е сè уште само рендер, а не фотографија од вистинскиот автомобил, го прикажува возилото, за кое се вели дека е внатрешно наречено „Dreame Bugatti“, овој пат со отворени врати. Веќе знаевме за четирите врати, а сега можеме да видиме дека задните врати се свртени наназад (т.н. самоубиствени врати). Сите четири врати се отвораат нагоре, а автомобилот воопшто нема централен Б-столб, што претставува дополнителен предизвик во однос на торзионата цврстина. Новите рендери на белиот модел покажуваат два отвори за вентилација на хаубата, по еден зад секој фар, а решетката на ладилникот е малку поширока и помалку заоблена. Според кинеската платформа Weixin, која се однесува на лице од компанијата, кога развојот ќе биде завршен, автомобилот ќе влезе во производство во 2027 година во објект веднаш до Gigafactory на Tesla во Берлин. Планирано е да биде достапен како целосно електрично возило и како хибрид со продолжен дострел, без V16 мотор. Премиерата и првата можност да се види автомобилот во живо ќе биде веќе во јануари следната година, кога компанијата ќе прикаже прототип од пред-производство на Саемот за потрошувачка електроника (CES) во Лас Вегас. Репликата на Bugatti е само почеток Амбициите на Dreame одат подалеку од копија на Bugatti. Истиот извор откри дека Dreame Technology има уште една дивизија. Dreame Auto ексклузивно ќе развива возила слични на Chiron, за кои основачот Ју Хао сака да ги сруши рекордите за брзина на хиперавтомобили. Друга дивизија, наречена Starry Sky Auto, веќе тестирала модели како што се Rolls-Royce Cullinan и разни Bentley-и за да го подготви развојот на четири луксузни возила на истата платформа. Според кинеските медиуми, на неодамнешен интерен состанок, основачот му рекол на тимот дека премиум моделите на Starry Sky Auto ќе бидат изградени на меѓуоскини растојанија од 3,2 до 3,3 метри. Тој исто така изјавил дека првиот модел мора да биде поголем по должина, ширина и висина од Li Auto L9, додека вториот мора да има „доминантен и робустен изглед“ и димензии барем како Rolls-Royce Cullinan. Исто така, се наведува дека Dreame Auto „собрал мултидисциплинарен тим кој опфаќа истражување и развој, производство и контрола на квалитетот, и вклучува клучни експерти за истражување и развој од оригиналниот сегмент на паметен хардвер на компанијата, како и експерти од традиционалната автомобилска индустрија“. Со цени што се проценува дека ќе достигнат до 83.000 американски долари, моделите на „Стари Скај Ауто“ нема директно да се натпреваруваат со возилата на „Бентли“ и „Ролс-Ројс“, туку ќе бидат насочени кон пазарот на електрични автомобили каде што веќе се натпреварува „Ксиоами“, чие деловно патување е нивна инспирација.Тагови: Бугати мотор Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
ЗабаваФото: Ревија на костими за капење на „Sports Illustrated Swimsuit“Списанието „Sports Illustrated Swimsuit“ секоја година организира ревија на костими за капење во Мајами. Учеснички во програмата се главно ѕвезди од реални шоуа, инфлуенсерки и дами од модната индустрија, така било и годинава. Меѓу многуте убавици кои прошетаа во минијатурно бикини по пистата беше и провокативната реалити ѕвезда Стаси Шредер. Станува збор за поранешната ѕвезда на реалното шоу „Vanderpump Rules“, која ги воодушеви многумина на модната ревија со својот атрактивен изглед и секси одење. Сепак, јавноста на социјалните мрежи не беше задоволна од нејзините вештини, па за кратко време Стаси стана предмет на потсмев и бројни критики. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиЕпидемиолошката состојбата во Гостивар останува стабилна – велат од министерството за здравство15:00Вечерва во 21 часот и 54 минути почувствуван земјотрес во Скопје и околината08:56 Од крушевската република до АСНОМ – денес се одбележува 2. август празникот што ги обединува историјата и идеалите15:00Мицкоски: Битката на оваа генерација е да ја победи омразата, цинизмот и талогот што ја трујат Македонија12:09Гостиварци сè уште чекаат питка вода: Мицкоски најавува резултати од хиперхлорирањето15:00
Од крушевската република до АСНОМ – денес се одбележува 2. август празникот што ги обединува историјата и идеалите15:00
Мицкоски: Битката на оваа генерација е да ја победи омразата, цинизмот и талогот што ја трујат Македонија12:09
Шоу бизФото: Секси русокосата не препушта ништо на случајностаАктерката и манекенка Брукс Надер не престанува да изненадува со своите провокативни изданија, а моментално ужива во Франција, од каде што доаѓаат и нејзините најнови фотографии.Моделот и актерка Брукс Надер ужива во топлотниот бран, со неа уживаат и нејзините следбеници кои желно ја очекуваат секоја нова објава на оваа контроверзна убавица. Неодамна таа престојуваше и на Јадранот – ги посети Хрватска и Црна Гора – а нејзините изданија од таму исто така оставија силен впечаток на социјалните мрежи. Сепак, таа подготви нешто ново за Франција, па најпрво позираше во кратки бели шорцеви и ѝ сврте грб на камерата, а иако не е првпат да покаже нешто повеќе, повторно ги воодушеви и изненади сите. Меѓу низата фотографии се најдоа и оние на кои Брукс носи кратки и длабоко деколтирани фустани, па нејзините бујни гради беа главна тема и на овој одмор. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
ФудбалВеќе 21 фудбалер се платени повеќе од 100 милиони евра за трансферДали фудбалерите навистина вредат толку многу? Веќе 21 фудбалер се платени повеќе од 100 милиони евра за трансфер, а Јан Диоманде би можел да биде следниот. Најголемиот трансфер што моментално се подготвува на пазарот е доаѓањето на Јан Диоманде од РБ Лајпциг во Реал Мадрид. Доколку трансферот се реализира, репрезентативецот на Брегот на Слоновата Коска ќе се приклучи кон ексклузивната група играчи за кои се платени повеќе од 100 милиони евра. Досега, 21 фудбалер ја достигнале таа вредност, почнувајќи од летото 2013 година, кога Реал Мадрид му плати на Тотенхем 101 милион евра за Герет Бејл. Оттогаш, трансферите со обештетувања од деветцифрени износи станаа многу почести и веќе не предизвикуваат толку многу полемики како порано. Доаѓањето на клубови во сопственост на држави и милијардери дополнително го зголеми бројот на вакви трансфери. Меѓу нив, се издвојува Пари Сен Жермен, кој во 2017 година ги сруши сите рекорди со плаќање 222 милиони евра за Нејмар, активирајќи ја неговата откупна клаузула од договорот со Барселона. Само неколку недели подоцна, ПСЖ го доведе и Килијан Мбапе од Монако за 180 милиони евра. Ако има еден клуб што доминира на оваа листа, тоа е Челзи. Во ерата на Роман Абрамович, а потоа под сопственост на Тод Боели, лондонскиот клуб донесе дури пет играчи за повеќе од 100 милиони евра: Морган Роџерс, Енцо Фернандез, Мојсес Кајсед, Ромелу Лукаку и Каи Хаверц. Клубови од Премиер лигата учествуваа во дури 11 од вкупно 22 трансфери вредни над 100 милиони евра. Шпанската Ла Лига, вклучувајќи го и евентуалното доаѓање на Диоманде, учествув во осум такви трансфери. Четири би му припаднале на Реал Мадрид, три на Барселона и еден на Атлетико Мадрид. Франција е претставена од ПСЖ, додека единствениот претставник на Серија А е Јувентус, поради Кристијано Роналдо. Покрај тоа што сè уште е најскапиот трансфер во историјата на фудбалот, Нејмар е и играчот за кого се издвоени најмногу пари во текот на неговата кариера. Барселона и ПСЖ заедно платија речиси 400 милиони евра за неговите трансфери. На второто место е Ромелу Лукаку, за кого клубовите издвоија вкупно околу 370 милиони евра, додека Кристијано Роналдо е трет со 247 милиони. Трансфери над 100 милиони евра: 1.Нејмар – 222 милиони евра (Барселона → ПСЖ) 2.Килијан Мбапе – 180 милиони евра (Монако → ПСЖ) 3.Александар Исак – 145 милиони евра (Њукасл → Ливерпул) 4.Морган Роџерс – 138 милиони евра (Астон Вила → Челзи) 5.Елиот Андерсон – 135 милиони евра (Нотингем Форест → Манчестер Сити) 6.Жоао Феликс – 127,2 милиони евра (Бенфика → Атлетико Мадрид) 7.Флоријан Вирц – 125 милиони евра (Баер Леверкузен → Ливерпул) 8.Енцо Фернандес – 121 милиони евра (Бенфика → Челзи) 9.Филипе Кутињо – 120 милиони евра (Ливерпул → Барселона) 10.Антоан Гризман – 120 милиони евра (Атлетико Мадрид → Барселона) 11.Џек Грилиш – 117,5 милиони евра (Астон Вила → Манчестер Сити) 12.Мојсес Каиседо – 116 милиони евра (Брајтон → Челзи) 13.Еден Азар – 115 милиони евра (Челзи → Реал Мадрид) 14.Ромелу Лукаку – 113 милиони евра (Интер → Челзи) 15.Кристијано Роналдо – 112 милиони евра (Реал Мадрид → Јувентус) 16.Сандро Тонали – 108 милиони евра (Њукасл → Тотенхем) 17.Пол Погба – 105 милиони евра (Јувентус → Манчестер Јунајтед) 18.Усман Дембеле – 105 милиони евра (Борусија Дортмунд → Барселона) 19.Џуд Белингем – 103 милиони евра (Борусија Дортмунд → Реал Мадрид) 20.Герет Бејл – 101 милион евра (Тотенхем → Реал Мадрид) 21.Каи Хаверц – 100 милиони евра (Баер Леверкузен → Челзи)Тагови: милиони Фудбал Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter