Пристигна новиот Рено Еспејс- хибриден СУВ што го произведуваат роботи (ВИДЕО) - Канал 5

Автомобилизам

Пристигна новиот Рено Еспејс- хибриден СУВ што го произведуваат роботи (ВИДЕО)

Renault премиерно го прикажа долгоочекуваниот семеен теренец со до седум седишта.

Пристигна новиот Рено Еспејс- хибриден СУВ што го произведуваат роботи (ВИДЕО)

Иако се рангира како шеста генерација на Espace, освен името, двата модели ќе имаат малку заедничко. Точно, Espace сè уште е најголемиот и најудобниот модел во гамата, а можеби Renault е единствениот кој, дури и во SUV сегментот, успева да земе барем дел од придобивките од концептот на minivan.

Со должина од 4,72 метри, новиот Espace не е мал, но сепак е за забележителни 14 сантиметри пократок од претходникот. Во исто време, производителот нагласува дека сега има уште повеќе простор за патниците. Поточно, патниците во вториот ред имаат до 32 см простор за колената, а доколку се избере верзијата со третиот ред седишта, на оние во задниот дел сепак ќе им бидат доволни 12,8 см.

Се разбира, ова е Renault, така што придобивките како што се склопувачките потпирачи за грб и надолжно подвижните седишта остануваат на новата генерација. Што се однесува до багажникот, капацитетот на верзијата со пет седишта е дури 777 литри, а со сите седум седишта, 159 литри. Непотребно е да се каже дека седиштата се преклопуваат во рамен под.

Не треба да трошите многу зборови за дизајнот. На прв поглед тие се како X-Trail и Qashqai кај Nissan, а овде се споредуваат со Austral. Во споредба со претходната генерација, новиот Espace има помали надворешни димензии, полесен е за 215 kg и е опремен со ефикасен E-Tech сериски-паралелен хибрид со моќност од 200 КС.

Да, можеби најголемото изненадување е опсегот на моторот. Се нуди една опција, а тоа е хибрид. Гореспоменатиот E-Tech 200 нуди комбинација од 1.2 турбо трицилиндричен бензински мотор (130 КС, 205 Nm) и два електромотори, главниот со 70 КС и 205 Nm и електричниот стартер-генератор со 25 КС и 50 КС. Li-ion батеријата е дел од 400V мрежата и нуди капацитет од 2 kWh.

Оваа моторизација значи спринт до 100 km/h за 8,8 секунди, средно забрзување од 80-120 km/h за 6 секунди и максимална брзина од 175 km/h.

YouTube video

Производителот тврди дека до 80 отсто од времето во градот се вози на електричен погон со до 40 отсто помала потрошувачка на гориво. Конкретните податоци говорат за просечни 4,6 l/100 km и автономија поголема од 1100 km. Да речеме и дека е базиран на CMF-CD платформата и е опремен со 27 системи за помош при возење, вклучувајќи ги MULTI-SENSE и 4CONTROL Advanced, системот за контрола на управувањето на четири тркала на Renault.

YouTube video

Новиот Espace се произведува во реновирана фабрика во Паленсија, која неодамна инсталираше 400 нови роботи (покрај 900-те постоечки). Нарачките почнуваат оваа пролет, а цените се уште не се дефинирани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Потврден е идентитетот на жртвите од пожарот во Шпанија; повеќето се странци.

Шпанските власти по обдукциите потврдија дека дванаесет од тринаесетте жртви на смртоносниот шумски пожар што ја зафати Андалузија биле странски државјани.

Потврден е идентитетот на жртвите од пожарот во Шпанија; повеќето се странци.

Пожарот избувна минатиот четврток војугоисточна покраина Алмерија, област популарна кај странските жители по должината на медитеранскиот брег, објави „Еуроњуз“.

Официјалното соопштение укажува дека седум жртви биле од Обединетото Кралство, три од Белгија и по една од Франција и САД. Последната, тринаесетта жртва била шпански државјанин. „Тринаесетте починати вклучуваат осум жени и пет мажи, сите возрасни“, додаде телото одговорно за идентификација.

Во меѓувреме, Интегрираниот центар за податоци (CID) објави дека бројот на случаи на исчезнати лица се зголемил на десет по новиот извештај за две лица. Пожар уништи седум квадратни километри Пожарот, разгорен од силни ветрови, се запалил кога далновод паднал на патот.

Пламените јазици проголтале шуми и вегетација - кои се претвориле во суво гориво поради екстремно високите температури - оставајќи ги живописните рурални населби опустошени. Површина од приближно седум квадратни километри изгоре во пожарот, еден од најсмртоносните во Шпанија во последните години.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Седница за опозициски прашања во Собранието

Собранието денеска ќе ја одржи 111. седница, на чиј дневен ред се вкупно 22 точки, меѓу кои и Законот за изменување на Законот за аудио и аудиовизуелни медиумски услуги во трето читање.

Седница за опозициски прашања во Собранието

На денешната собраниска седница, на дневен ред се и опозициските пратенички прашања.

Пред пратениците се и Законот за изменување на Законот за Царинската тарифа, во трето читање, Предлог на законот за соодветна и правична застапеност во второ читање, Предлог на законот за високото образование, Предлог на законот за изменување и дополнување на Законот за државните награди, Предлог на законот за обезбедување на квалитет во високото образование и науката, Предлог на законот за научноистражувачката дејност, сите во прво читање, Предлог на законот за изменување и дополнување на Законот за студентскиот стандард и Националната стратегија за спречување на корупцијата и судирот на интереси 2026-2030 година, Предлог на закон за изменување на Законот за супервизија на осигурување, и двата по скратена постапка, Предлогот на завршна сметка на Буџетот на Република Македонија за 2025 година.

Тагови: Собранието

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

СП2026- Полуфинале :Фаворизираната Франција немоќна пред фуриозната Шпанија

Европскиот шампион Шпанија е првиот финалист на 23 фудбалски Мундијал во Северна Америка.

СП2026- Полуфинале :Фаворизираната Франција немоќна пред фуриозната Шпанија

Во премиерното полуфинале во Далас црвената фурија одржа вистински час по супермодерн фудбал и без многу мака ја декласираше фаворизираната Франција со 2-0.

Најдобриот напад на Мундијалот беше неможен пред најдобрата одбрана на првенството, Шпанија останува со само еден примен гол во досегашниот тек од шампионатот.

Франција важеше за фаворит на овој натпревар, како и на многу претходни, сè додека топката не тргна од центарот... Од првата до последната минута, на теренот во Далас постоеше само еден тим, оној на Шпанија.

Головите вредни второ финале за Шпанија во историја ги постигнаа Микел Ојарзабал од пенал во 22-рата минута и Педро Поро во 58- минута.

Црвената фурија со докторска игра по целиот терен го матираше „најдобриот француски тим на сите времиња“.

Шпанија сега на финалето во Њу Џерси на 19 јули ќе го очекува победникот од вечерашната полуфинална пресметка меѓу бранителот на светскиот трон Аргентина и европскиот вицешампион Англија.

Тагови: СП2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер