Природниот гас меѓу потреба и ризик: Како новата инфраструктура ја менува енергетската слика на Македонија? - Канал 5

Македонија

Природниот гас меѓу потреба и ризик: Како новата инфраструктура ја менува енергетската слика на Македонија?

Во фокусот на јавноста повторно е прашањето за иднината на гасната транзиција во Македонија. 

Природниот гас меѓу потреба и ризик: Како новата инфраструктура ја менува енергетската слика на Македонија?

Новата Анализа, што беше подготвена од страна на Центарот за истражување и информирање за животната средина Еко-свест -Скопје во партнерство со Регионалниот центар за истражување на енергетски политики од Унгарија, се осврнува на два големи инфраструктурни проекти: изградбата на новиот гасен интерконектор со Грција и планирањето на гасни електрани со комбиниран циклус во Битола и Неготино.

Главната цел на новиот гасовод Грција–Македонија е јасна: обезбедување на повеќе извори на снабдување и намалување на зависноста од единствената досегашна рута преку Бугарија. Со оваа врска, државата добива пристап до LNG пазарите и до гас од Азербејџан преку гасоводот ТАП, што значително ја подобрува енергетската сигурност.

Но, како што покажува Анализата, доколку паралелно се реализира изградбата на планираните гасни електрани, се очекува огромен раст на побарувачката за гас. Проекциите покажуваат потенцијален скок од сегашните приближно 3 TWh на околу 13 TWh годишно, што отвора низа прашања за идните трошоци и пазарната стабилност.

Ана Чоловиќ Лешоска, извршна директорка на Еко-свест, појасни дека Анализата се темелела на комплексно пазарно моделирање, користејќи го Европскиот модел за пазар на гас и оној за пазар на електрична енергија. Истражувачите, како што наведе Чоловиќ Лепоска, тестирале различни сценарија, вклучувајќи го и она со/без нов гасовод и електрани, како и променливи цени на гасот.

„Само со новиот гасовод, локалната цена на гасот се намалува за околу 1,5 евра за мегават-час. Доколку се изградат и гасните постројки, намалувањето е помало – само помеѓу 0,3 и 0,5 евра за мегават-час. Гасоводот ГР-МК се користи речиси до полн капацитет, но заради високата побарувачка, и стариот бугарски гасовод останува потребен“, објасни извршната директорка на Еко-свест.

Осврнувјќи се на електричната енергија, таа посочи дека моделирањето покажува краткорочна корист.

„Намалувањето на цената за потрошувачите е околу 10 евра за мегават-час во 2030 година. Меѓутоа, овој ефект е краткотраен и до 2040 година, намалувањето е речиси занемарливо, главно поради конкуренција, односно вклучувањето на други гасни централи во регионот. Искористеноста на македонските гасни постројки, иако висока на почетокот, драматично паѓа до 2040 година, загрозувајќи ја нивната профитабилност“, потенцираше Чоловиќ Лешоска.

Таа заклучи дека, доколку изградиме гасни електрани, но не се приклучиме на ЕТС системот на време, инвеститорите би можеле да лобираат за пролонгирање на нашето приклучување.

„Ова може да ја зајакне нивната профитабилност на краток рок, но резултатот е катастрофален: значително повисоки емисии на CO₂ и на локално и на регионално ниво“, поентираше извршната директорка на Еко-свест.

Системот за тргување со емисии (ЕТС) претставува клучен инструмент на Европската Унија за намалување на емисиите на CO₂ од индустриски и енергетски капацитети. Доколку Северна Македонија се приклучи на него, трошоците за работење на гасните електрани дополнително ќе пораснат, што ја намалува нивната економска оправданост.

Главната поента на анализата е јасна: иако додатната гасна инфраструктура обезбедува сигурност на снабдувањето, нејзината долгорочна одржливост е под сериозен знак прашање — и економски и еколошки.

Одлуката која патека ќе се избере – зголемена зависност од фосилни горива или побрза транзиција кон обновливи извори – ќе ја одреди насоката на македонската енергетска иднина.

YouTube video

Тагови: енергетска ефикасност Македонија природниот гас

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мечки влегуваат во дворови во Русија: 16 лица загинаа за еден месец

Според анализата на „CNN“ на извештаите од руските медиуми, само во септември најмалку 16 лица загинале во напади од мечки низ Русија.

Мечки влегуваат во дворови во Русија: 16 лица загинаа за еден месец

Најтешко погоден е огромниот регион Краснојарск во централен Сибир, каде што оваа година седум лица ги загубиле животите во напади од мечки.

Руското Министерство за природни ресурси и животна средина наведува дека во земјата годишно вообичаено се регистрираат меѓу 20 и 30 напади од мечки врз луѓе. Оваа година, мечките навлегле во населени места во повеќе од 40 руски региони.

Жена нападната веднаш откако излегла од својот дом

Минатата недела во регионот Краснојарск, мечка убила 51-годишна жена откако таа излегла од својата куќа. Два дена претходно, еден чувар загинал во напад на паркинг за камиони во шумска област.

Претходно во септември, биле пронајдени и телата на две постари жени кои одделно отишле да берат печурки, нивните повреди укажувале на напад од мечка.

Смртоносни напади се случиле и на други места во Сибир. Во Тува, таткото на рускиот НХЛ-играч Андреј Кузменко загинал во напад од мечка додека рибарел кон крајот на септември. Во август, во регионот Алтај, мечка искинала шатор, одвлечкала 29-годишна жена во шумата и ја убила.

Зошто се приближуваат до луѓето?

Експертите со кои разговараше „CNN“ наведуваат неколку можни причини за порастот на опасните средби во одредени делови на Сибир.

Зоолозите како клучен фактор го посочуваат исклучително слабиот род на борови јатки и шумски плодови, што им го отежнува наоѓањето храна на мечките пред зимскиот сон. Големите шумски пожари исто така уништиле делови од нивното природно живеалиште.

Во есенскиот период, мечките интензивно бараат храна за да натрупаат доволно масни резерви за зимскиот сон. Доколку нема доволно храна во дивината, тие сè почесто се приближуваат до населби, депонии за отпад и други локации каде што храната е лесно достапна. Експертите исто така предупредуваат дека ширењето на индустриските активности во претходно оддалечени природни предели ја зголемува веројатноста за средби меѓу луѓето и мечките.

Полициски часови и затворање на паркови

Во текот на изминатите два месеца, властите во најмалку десет региони низ Сибир и рускиот Далечен Исток ги предупредија жителите за зголемена активност на мечките.

Во делови од регионите Алтај и Бајкал се воведени ноќни ограничувања на движењето, додека властите во Краснојарск го затворија Националниот парк „Краснојарски столбови“ и популарната планинарска патека на гребенот Торгашински.

Регионалните власти исто така формираа мобилни ловни тимови и нудат парични награди за убивање мечки. Во регионот Краснојарск се нуди награда од над 35.000 рубљи – приближно 420 долари – за нивно отстрелување.

По смртта на еден турист во регионот Алтај, убиени се повеќе од 50 мечки, а издадени се дозволи за отстрел на уште 157. Властите во регионот Краснојарск најавија отстранување на повеќе од 180 животни кои се сметаат за потенцијално проблематични.

Експерти: Масовниот отстрел нема да го реши проблемот

Зоологот Сергеј Колчин смета дека, иако отстрелот на агресивна мечка што навлегува во населено место понекогаш е неопходна итна мерка, сепак предупредува дека масовното убивање животни нема да го намали бројот на инциденти на долг рок.

Според него, суштинскиот проблем е лесно достапниот отпад што ги привлекува мечките кон населбите. Ако се убие една мечка во близина на депонија, друга може едноставно да го заземе нејзиното место.

Како долгорочни решенија, експертите ги наведуваат подоброто обезбедување на отпадот, едукацијата на жителите за тоа како да се однесуваат во живеалиштата на мечките, како и употребата на електрични огради и други средства за одвраќање.

Извор: Индекс.хр

Тагови: мечки русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и релативно топло

Утрото ќе биде ведро и студено, а преку денот сончево и релативно топло. 

Утре сончево и релативно топло

Ќе дува слаб ветер од северен правец. Минималната температура ќе биде во интервал од -3 до 8, а максималната ќе достигне од 20 до 28 степени.

Во Скопје, сончево и релативно топло со слаб ветер од северен правец. Минималната температура ќе се спушти до 3, а максималната ќе достигне до 26 степени.

Во следните денови времето ќе биде релативно топло. До среда утрата ќе бидат ведри и студени, а во текот на денот ќе преовладува сончево време. Од четврток ќе има зголемување на облачноста и услови за локален дожд, a утринските температури ќе бидат во пораст.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Не е само „Volkswagen“: И моделите на овој бренд исто така може да имаат сериозен технички проблем

Германската управа за моторни возила (KBA) во петокот предупреди дека, покрај милиони возила на „Volkswagen“ и „Audi“ ширум светот, и околу 1,7 милиони возила на Шкода може да имаат потенцијално опасен дефект.

Не е само „Volkswagen“: И моделите на овој бренд исто така може да имаат сериозен технички проблем

Предупредувањето се однесува на потенцијално слаб шраф во механизмот за управување, кој е подложен на корозија. Во најлош случај, шрафот би можел да пукне, соопшти „KBA“.

Минатата недела, агенцијата објави дека сопствениците на 2,16 милиони возила на „Volkswagen“ – конкретно моделите „Tiguan“, „Touran“, „Golf Variant“, „Caddy“ и „Golf“ произведени помеѓу 24 септември 2013 и 1 јули 2024 година – треба да контактираат со сервисен центар за да се изврши проверка и евентуална замена на проблематичниот дел, пренесува „DPA“.

Истото важи и за моделот „Audi Q3“ произведен помеѓу 31 октомври 2017 и 23 мај 2024 година.

Истиот ден, групацијата „Volkswagen“ упати повик до сопствениците на овие возила да ги донесат на технички преглед.

Се чини дека и возилата на Шкода – кои исто така се дел од групацијата „Volkswagen“ – се погодени од истиот проблем со дефектниот шраф.

Истото важи и за засега неутврден број возила од шпанскиот бренд „SEAT“.

Меѓу моделите на Шкода, под лупа се „Kodiaq“, „Karoq“, „Octavia“ и „Superb“, соопшти „KBA“, без да прецизира датуми на производство.

Ова опфаќа околу 1,7 милиони возила ширум светот, вклучително и околу 370.000 во Германија.

Извор: Б92

Тагови: Volkswagen

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер