Природен серум за испукана коса – Неопходен е за време на летото, а нема да ве чини ништо - Канал 5

Забава

Природен серум за испукана коса – Неопходен е за време на летото, а нема да ве чини ништо

Се прави лесно и едноставно.

Природен серум за испукана коса – Неопходен е за време на летото, а нема да ве чини ништо

Негата на косата бара повеќе време и напор во летните денови. Сончевите денови ја црпат енергијата, а последиците од топлото време и морето може да остават траги врз косата. Секоја жена барем еднаш сигурно забележала дека после престојот на море косата трпи извесни промени и изгледа безживотно, со распукани врвови. Доколку имате проблеми со опаѓање на косата или мислите дека треба да го зајакнете коренот на косата, ви препорачуваме да пробате серум кој ќе ви го олесни секојдневието.

Најважно е што овој серум не е комплициран за правење, а не е ниту скап. Со малку труд ќе го подобрите изгледот на вашата коса.

Подготовка на домашен серум за нега на косата

За подготовка на овој серум потребен ви е ловоров лист, може да биде сув, кој веќе може да го купите во продавница, или свеж, нема да погрешите. Потребни ви се грст суви ловорови листови, една шака лаванда и исто толку рузмарин. Зовријте вода и со неа прелијте ги билките. Ваквата смеса ја оставате да отстои, а потоа ја процедувате. Серумот се нанесува на чиста, односно свежо измиена коса. После тоа, косата ја сушите како вообичаено.

Можете да го користите после секое миење, нема да погрешите.

За што е добар ловоровиот лист?

Ловоровиот лист содржи два отсто есенцијални масла. Покрај витамините А и Ц, има и бројни минерали како што се калиум, натриум, влакна, железо и магнезиум. Нискокалоричен е и често се користи во кујната како зачин. Ловоровиот лист на многу јадења им дава посебен вкус.

Исто така, постарите веруваат дека чајот од ловоров лист е добар за сува кашлица. Исечкајте 2-3 ловорови лисја, а потоа прелијте ги со вода и варете ги околу 10 минути. Течноста оставете ја да отстои покриена 10 минути, па процедете. Додајте малку сок од лимон и половина лажица мед. Ова може да го пиете неколку пати на ден.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Гори саудиски танкер полн со нафта, погоден е со ракета

Хутите објавија дека ги нападнале танкерите „Енселија“ (ENCELIA) и „Лајла“ (LAYLA) со повеќе балистички и крстосувачки ракети.

Гори саудиски танкер полн со нафта, погоден е со ракета

Јеменските Хути рано утринава соопштија дека извеле воена операција насочена кон два саудиски танкери за нафта, при што извештаите за поморска безбедност укажуваат дека еден од бродовите наведени од групата – танкерот „Енселија“ (Encelia) што плови под саудиско знаме – бил погоден во Црвеното Море.

Хутите објавија дека ги нападнале танкерите „Енселија“ (ENCELIA) и „Лајла“ (LAYLA) со повеќе балистички и крстосувачки ракети, тврдејќи дека пловилата ја прекршиле поморската блокада наметната врз Саудиска Арабија од страна на група поврзана со Иран.

Извор од областа на поморската безбедност соопшти дека танкерот „Енселија“ испратил повик за помош, пријавувајќи дека бил погоден од ракета додека се наоѓал во близина на надворешните граници на саудиското пристаниште Џизан во Црвеното Море и дека се запалил.

Британската групација за управување со поморски ризици „Вангард“ (Vanguard) соопшти дека саудискиот танкер „Енселија“ (Encelia) бил погоден од проектил од непознато потекло на десната страна, на околу 70 наутички милји југозападно од Ал Шукаик во Саудиска Арабија, во 20:00 часот по Гринич (GMT).

Тагови: Танкери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Заседаваше кризниот штаб за надминување на состојбата во Гостивар

Кризниот штаб бара решение за обезбедување технички исправна вода во Гостивар. 

Заседаваше кризниот штаб за надминување на состојбата во Гостивар

Водата и натаму е небезбедна за употреба, а залихи ќе се обезбедуваат со цистерни од околните општини, но и од Куманово, Кавадарци и Неготино.

Кризниот штаб усвои и низа дополнителни мерки за заштита на здравјето на граѓаните на Гостивар.

Во меѓувреме продолжува да се испитува квалитетот на водата, а на помош се испратени и екипи од скопскиот водовод.

Тагови: Гостивар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево со температура до 34 степени

Според Управата за хидрометеоролошки работи времето денеска ќе биде сончево, со мала до умерена локална облачност.

Сончево со температура до 34 степени

Ќе дува умерен, повремено засилен ветер од североисточен правец, особено долж Повардарието и во источните делови од земјата.

Утринските температури ќе се движат од 8 до 19 Целзиусови степени, додека максималните ќе достигнат од 24 до 34 степени.

Во Скопје ќе биде сончево со мала до умерена облачност, а ќе дува слаб до умерен северен ветер.

Утре под влијание на влажен бран се очекуваат повремени врнежи од дожд, кои локално ќе бидат пообилни и ќе надминат 15 литри на квадратен метар. Врнежите наместа ќе бидат проследени со грмежи и со засилен ветер, а температурите значително ќе опаднат.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер