Шоу биз

Принцот Ендру би можел да добие забрана за лов на кралските имоти откако е откриен шокантен мејл со Џефри Епстајн

Принцот Ендру би можел да биде забранет од забавни активности како што се лововите на кралските имоти, откако еден шокантен мејл ја поби неговата изјава дека целосно го прекинал контактот со педофилот Џефри Епстајн.

Додека растат повиците Ендру да биде лишен од титулата војвода од Јорк, кралски извори откриваат дека забраната за неговото учество или организирање на ексклузивни собири е една од опциите што се разгледуваат.

Ова доаѓа откако весникот „Mail on Sunday“ објави силно компромитирачка порака што тој му ја испратил на американскиот финансиски магнат, во која му пишува „ние сме заедно во ова“, само еден ден откако весникот прв ја објави познатата фотографија на војводата со неговата наводна тинејџерска сексуална жртва, пренесува Дејли Мејл.

Ендру му напишал на Епштајн во февруари 2011 година дека е „загрижен“ за влијанието што откритијата ќе го имаат врз неговиот пријател, но го уверил расипаниот милијардер дека двајцата ќе „се издигнат над медиумскиот притисок“.

Можеби ќе ве интересира: Принцот Ендру продолжил со контактите со Епштајн и по прекинувањето на пријателството

Ова конечно ја побива изјавата на војводата од неговото озлогласено интервју за „BBC Newsnight“, во кое тврдеше дека „никогаш повеќе немал контакт“ со Епштајн откако биле фотографирани заедно во Централ парк во Њујорк во декември 2010 година.

Минатиот месец, „Mail on Sunday“ објави дека војвотката од Јорк му испратила на Епштајн топла порака во која го нарекла свој „величествен пријател“ – иако претходно им изјави на новинарите дека никогаш повеќе нема да има ништо со него.

Скандалот повторно го отвори прашањето за улогата и начинот на живот на Ендру, по тоа што покојната кралица му ги одзеде сите официјални кралски должности и правото на титулата „Неговото Кралско Височество“.

Сега извори за „Daily Mail“ изјавиле дека се разгледува можноста да му се забрани организирање ловови на кралските имоти.

Ендру беше фотографиран како организира лов во Виндзор во јануари 2024 година — само неколку дена по објавувањето на понижувачки судски документи поврзани со Епштајн, поради кои, наводно, се затворил сам во соба.

Тој и понатаму живее во својата вила „Royal Lodge“ со 30 соби, и покрај бројните јавни барања да биде иселен.

Сепак, се разбира дека војводата и војвотката од Јорк нема да бидат поканети на божиќните прослави на кралското семејство во Сандрингам.

Анкета на YouGov спроведена летово покажа дека две третини од Британците се за тоа Ендру да биде лишен од сите преостанати титули.

Иако пратеничката од Јорк, Рејчел Маскел, предложи закон кој би ѝ овозможил на монархијата да одзема титули, нацрт-законот не стигна до гласање пред општите избори.

Вчера Маскел повторно повика на прекин на врската меѓу градот Јорк и осрамотениот војвода, велејќи:

„Трагедијата е што жртвите страдаат секој ден, а секое ново откритие за оваа ужасна мрежа на злоупотреби и поврзаните со Епштајн го продлабочува нивното страдање. Искреноста и отвореноста очигледно недостигаат кај многумина, што само ја зголемува траумата на жртвите.

Додека војводата од Јорк го носи името на мојот град, таа титула не ги претставува вредностите на луѓето од Јорк. Затоа повикувам повторно на усвојување на ‘Законот за одземање титули’, за монархот да може да ја укине титулата директно или преку парламентарен комитет.“

Во мејлот што му го испратил на Епштајн ден по објавувањето на фотографијата на која е со 17-годишната Вирџинија Џуфре, Ендру напишал:

„Јас сум исто толку загрижен за тебе! Не грижи се за мене! Изгледа дека сме заедно во ова и ќе мора да се издигнеме над тоа. Инаку, остани во контакт – наскоро ќе играме повторно!!!!“

Историчарот А. Н. Вилсон изјавил за „Mail on Sunday“ дека однесувањето на Ендру претставува „можеби најтешката криза за кралското семејство по абдикацијата на Едвард VIII во 1936 година“.

Активистот Греам Смит од кампањата „Република“ повика полицијата и пратениците „целосно да ги обелоденат документите“ и „да спроведат комплетна истрага за тоа што навистина знаеле високите членови на кралското семејство“.

„Јавноста заслужува целосна, бескомпромисна истрага за оваа срамна приказна,“ додаде тој.

Ендру засега нема дадено коментар за објавениот мејл, а подсетуваме дека Епштајн беше пронајден мртов во својата затворска ќелија во 2019 година.

Во 2022 година, војводата постигна вонсудско порамнување од околу 12 милиони фунти со Вирџинија Џуфре – која се самоуби претходно оваа година – без да признае вина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Покачување на пензиите 16 пати, трета економија во Европа, прва по туризам… во која бајка живее Мицкоски?

Шефот на ВМРО-ОКГ повторно излезе пред камери и ја вклучи машината за бајки.

Овој пат пензиите му пораснале „16 пати“ повеќе отколку во времето на СДСМ, а граѓаните наводно живееле подобро отколку пред три години.

16 пати. Не процент. Пати.

Како да зборува за казино, не за држава. А со оглед дека Државната лотарија веќе му е приватна каса, речникот му е логичен.

Оттаму излегоа 5,5 милиони евра за прослава на независноста и концерт на Дејвид Гета, откако истиот човек претходно рече „нула денари“.

Нема провизии од Лотарија, вели. Ги нема затоа што повеќе не се кријат. Сега се викаат спонзорство, дивиденда и патриотизам.

Македонија кај него е економски тигар. Само народот тоа уште не го видел на сметката.

Затоа арамијата Мицкоски не го мери животот на граѓаните со паричник и фрижидер. Го мери со табла, како Вучиќ: црта стрелки нагоре, додека дома сметките одат нaгоре.

Веќе сме „меѓу првите“ во туризам и авиосообраќај, „трети“ по економија во Европа.

Тоа го нема во животот на граѓанинот. Тоа го има само на неговата табла.

Едно прво место не го кажува: први сме по срам поради него и по најниска плата во Европа - повторно поради него.

Реалната состојба е сосема спротивна од бајките на Мицкоски.

Во касата нема пари за достоинствени пензии, па се задолжуваат од недела на недела.

Парите се топат во криминални тендери и во спектакли. Дупката во ПИОМ зема замав. Вториот столб повеќе не е сигурност на работникот, туку резерва од која ВМРО-ОКГ сака да се нахрани - да ги одземе заштедите на граѓаните и да ги претвори во крпење на сопствениот дефицит.

Со пензиите си играат, а најранливите ги држат во страв. Класична десничарска банда: крупниот капитал се штити, сиромаштијата се украсува со бројки.

Ова не е економија. Ова е пропаганда на организирана криминална група која државата ја води како сопствен штанд, статистиката како рекламен постер, а Лотаријата како благајна за журки.

Пензионерот не живее во кабинетот на арамијата Мицкоски. Пензионерот живее во продавница, во аптека, на сметка за струја и во редици пред шалтер. А таму нема 16 пати ништо - освен повисоки цени. Таму има поскап живот и евтина лага.

Ако навистина се живее подобро, зошто шефот на бандата мора секој втор ден да го објаснува тоа со калкулатор и фломастер?

Луѓето што јадат не им треба предавање. Им треба намалување на цените, не бајка за пензии и диџеи платени од народна каса.

ВМРО-ОКГ го прави класичниот трик: укради го буџетот, укради ја Лотаријата, потоа укради ја и бројката.

Земи ја пензијата како ПР-алатка. Фрли ја вината на СДСМ. Прогласи победа. И барај аплауз затоа што граѓанинот добил парче од тоа што претходно му го зеле.

Нема 16 пати поголем раст. Има 16 пати поголем цинизам.

Нема подобар живот од пред три години. Има само режија на лагата.

Нема трета економија во Европа. Има прва банда на власт.

СДСМ нема да се расправа со бајките на Мицкоски, ќе ја расчисти маглата, затоа што граѓаните ја знаат вистината.

Граѓаните не гладуваат затоа што немале консултант.

Гладуваат затоа што ВМРО-ОКГ ја претвори државата во плен, Лотаријата во касичка, а премиерот во раскажувач на бајки.

Кога арамијата вели дека тече мед и млеко, проверете му ги џебовите. Медот е кај него. Сметката е кај народот.

СДСМ

Тагови: СДСМ

Македонија

13 возачи лишени од слобода за „безобѕирно управување со возило“ во изминатото деноноќие

Во текот на изминатото деноноќие, на територијата на целата држава, полициски службеници лишија од слобода 13 лица поради „безобѕирно управување со возило“.

Од нив, 11 возачи управувале возило без возачка дозвола, и тоа од Велес, Скопје и Прилеп.

Двајца возачи, од Куманово и Скопје, управувале возило под дејство на алкохол.

При преземање на мерки и активности, кај возач од Скопје кој управувал возило без возачка дозвола, било констатирано дека на патничкото моторно возило предната регистарска таблица не припаѓала на возилото.

По целосно документирање на случаите, ќе бидат поднесени соодветни кривични пријави.

Министерството за внатрешни работи продолжува со засилените контроли во сообраќајот, со цел санкционирање на несовесните возачи и спречување на однесувања со кои се загрозува безбедноста на сите учесници во сообраќајот. Почитувањето на сообраќајните правила и прописи, поседувањето важечка возачка дозвола и управувањето со возило во трезна состојба се основа за безбеден сообраќај.

Тагови: безобѕирно возење

Европа

Мелони повлекува црвена линија: „Не сум добрa за сите годишни времиња“

Италијанската премиерка Џорџија Мелони ги отфрли шпекулациите дека би можела да формира сојузи со политички сили кои се противат на воената помош за Украина.

Во интервју за италијанскиот весник „Ил Фодлио“, Мелони рече дека не е подготвена да се откаже од своите верувања за политичка или изборна корист.

„Џорџија Мелони сигурно не е подготвена да го стори спротивното од она што го направила или во што верува, заради политичка или изборна пресметка“, рече таа, одговарајќи на прашањето дали поставила јасни црвени линии за приклучување кон коалиција.

Нејзините зборови се предупредување до Роберто Ваначи, поранешен генерал кој стана екстремно десничарски политичар и отворен критичар на Европската Унија и воената помош за Украина.

❗️Meloni said in an interview with Il Foglio that support for Ukraine is not up for bargaining, even for political or electoral gain. She will not enter a coalition with those who vote against aid to Kyiv and will not change her position “for calculation.” Anyone looking for a… pic.twitter.com/ZEWHBghEqP
— 🪖MilitaryNewsUA🇺🇦 (@front_ukrainian) September 13, 2026

„Кој бара премиер кој се предомислува во зависност од тоа која партија го поддржува, секогаш и исклучиво за лична корист, треба да бара некој друг. Јас сум сериозна личност и не сум добра за сите годишни времиња“, рече Мелони.

Мелони ќе се соочи со гласачите на изборите следната година, откако штотуку стана премиер со најдолг мандат во италијанската историја. „За мене, во текот на овие години, од изборна гледна точка, ќе беше покорисно да не ја поддржувам Украина отколку да ја поддржувам неа. Не ја поддржував Украина за Киев, туку за Рим“, нагласи италијанската премиерка.

Тагови: Џорџија Мелони