Примопредавање на јапонска донација во опрема за јавните здравствени установи - Канал 5

Здравје

Примопредавање на јапонска донација во опрема за јавните здравствени установи

Со овој настан, ја заокружуваме првата фаза од социо-економскиот гранд за медицинска опрема во вредност од 813 илјади евра. Ова е програма создадена од јапонската влада наменета за помош за пријателските земји.

Примопредавање на јапонска донација во опрема за јавните здравствени установи

Министерот за здравство, Беким Сали заедно со заменик претседателот на Владата за европски прашања, Бојан Маричиќ и амбасадорот на Јапонија, Хиронори Савада, денеска ги посетија Хируршките клиники по повод примопредавањето нова опрема од социо-економскиот грант од Амбасадата на Јапонија.

– Со овој настан, ја заокружуваме првата фаза од социо-економскиот гранд за медицинска опрема во вредност од 813 илјади евра. Ова е програма создадена од јапонската влада наменета за помош за пријателските земји. Поконкретно, станува збор за опрема наменета за третман на пост-ковид пациенти, која се состои од дефибрилатори, електро-кардиограми, анализатори за крв, централни монитори, мобилни рендген апарати, медицински фрижидери и мобилни ехо апарати. Оваа опрема е наменета за дел од универзитетските клиники и тоа Инфективната клиника, КАРИЛ и ГОБ „8 Септември", соопшти министерот за здравство Сали.

Тој посочи дека дел од опремата е веќе инсталирана и ставена во употреба во КАРИЛ и во Инфективната клиника, каде се третираат пациенти со специфична и комплексна пост ковид состојба. А до крајот на годината треба да пристигне и другата опрема која ќе биде инсталирана на другите клиники.

– Во следниот период очекуваме да пристигнат три дефибрилатори за КАРИЛ, Инфективна клиника и ГОБ „8 Септември", како и два мобилни ехо апарати за КАРИЛ и Клиниката за кардиологија, информира Сали.

Тој упати благодарност до јапонската амбасада, како и лично до амбасадор на Јапонија, за нивната несебична помош и заложба за унапредување на условите во јавни здравствените установи.

– Токму како резултат на успешната соработка со јапонската Влада изминатите три години се вложени повеќе од милион евра за нова опрема во јавни здравствените установи низ државата. Тоа претставува значително зајакнување на капацитетите на установите со нова најсовремена медицинска опрема како и, подигнување на квалитетот на здравствената заштита на повисоко ниво, рече Сали, кој истакна дека само заедно можеме да излеземе од ковид-кризата.

Вицепремиерот за европски прашања, Бојан Маричиќ истакна дека јапонскиот гранд е уште доказ за успешната и пријателска соработка меѓу Јапонија и Република Северна Македонија.

– Набавената медицинска опрема за клиниките од „Мајка Тереза" и за ГОБ „8 Септември" во износ од 813 илјади евра, носи директен бенефит за нашата земја и граѓаните, како помош за зајакнување на нашиот здравствен систем и унапредување на здравствените услуги кон нашите граѓани. Пандемијата со КОВИД-19 ја промени глобалната слика на светот, наметна нови правила и потврди дека блиската соработка меѓу земјите е единствениот начин за справување со глобалните предизвици, рече Маричиќ.

Тој потенцира дека Јапонија е наш традиционален поддржувач уште од осамостојувањето на државата.

– Јапонија е секогаш покрај нас кога ни е потребна помош, како што беше мигрантската криза, кога ни обезбеди 4,7 милиони евра, поплавите во Скопје во 2017 година, кога донираше опрема, како и сега во услови на пандемија. Преведено во средстава, тоа би значело вкупно околу 421 милион евра, пари на даночните обврзници на Јапонија, кои се имплементирани преку финансирање на разни проекти за подобрување на животот на нашите граѓани, рече Маричиќ, кој упати благодарност до Амбасадата на Јапонија, до јапонската Влада и особено до јапонскиот амбасадор во нашата земја Хиронори Савада.

Јапонскиот амбасадор, говорејќи на македонски јазик, истакна дека му претставува голема чест што присуствува на церемонијата на која тој ја предава донацијата, со која се зајакнува пријателството меѓу двете држави.

– Јапонскиот народ е среќен и горд што му помага на македонскиот народ да обезбеди подобри услови на граѓаните. Се надевам дека светот што побрзо ќе ја надмине пандемијата и нашите земји ќе имаат посилно партнерство на различни полиња, изјави јапонскиот амбасадор Савада, кој се заблагодари за организацијата на церемонијата за примопредавање на јапонската помош.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Петмина Срби во Холандија украле накит вреден 40 милиони евра и исчезнале- по нив трага и Европол

Холандската полиција ги објави имињата на петмина српски државјани осомничени за ограбување на скап накит на уметничкиот саем TEFAF во Мастрихт во јуни 2022 година, чија вредност се проценува на околу 40 милиони евра.

Петмина Срби во Холандија украле накит вреден 40 милиони евра и исчезнале- по нив трага и Европол

Холандската полиција ги објави имињата на петмина српски државјани осомничени за ограбување на скап накит на уметничкиот саем TEFAF во Мастрихт во јуни 2022 година, чија вредност се проценува на околу 40 милиони евра, а осомничените бегалци се наоѓаат во Ниш или во областа на Белград.

Четири мажи и една жена, на возраст од 41 до 50 години, се вклучени во европскиот список на најбарани бегалци, објавен од Европската полициска служба (Европол), објави холандскиот јавен радиодифузен сервис НОС.

Според холандската полиција, Србија не екстрадира осомничени во вакви случаи, поради што тие не можат да бидат уапсени на нејзина територија.

Осомничените Срби успеале да избегаат по грабежот и до денес не се уапсени, но полицијата, како што велат, ги добила нивните имиња, псевдоними, фотографии и информации за нивните можни локации за време на истрагата.

„Добивме информации за имињата, псевдонимите, фотографиите и локациите каде што може да се наоѓаат осомничените“, рече раководителот на истрагата, според холандските медиуми.

Минатата година, истражителите објавија фотографии од осомничените и дадоа информации за нивните движења пред и по грабежот.

Во меѓувреме, некои од украдените дијаманти се пронајдени и во Хонг Конг и Израел.

Европол моментално има 53 осомничени на својата листа за кривични дела извршени низ цела Европа.

Грабежот на саемот TEFAF во Мастрихт, еден од најпознатите меѓународни саеми за уметност и антиквитети, се случил во летото 2022 година, а вредноста на украдениот накит се проценува на околу 40 милиони евра.

Тагови: накит Срби

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Заврши големата африканска авантура- поминал 800 километри во кајак низ бури и дива природа (ВИДЕО)

Познатиот велшки истражувач Еш Дајкс (35) и неговиот тим завршија извонредна 18-дневна експедиција низ Конгоскиот басен, тестирајќи ги границите на човековата издржливост.

Заврши големата африканска авантура- поминал 800 километри во кајак низ бури и дива природа (ВИДЕО)

Познатиот велшки истражувач Еш Дајкс (35) и неговиот тим завршија извонредна 18-дневна експедиција низ Конгоскиот басен, тестирајќи ги границите на човековата издржливост, среќавајќи фасцинантен див свет и истакнувајќи ја важноста на зачувувањето на една од најважните природни области на планетата.

Замислете 18 дена патување со кајак на оддалечена африканска река, опкружена со густа дождовна шума, непредвидливо време и диви суштества што можат да се појават на секоја кривина. За авантуристот Еш Дајкс, ова не беше обично патување, туку патување кое бараше извонредна физичка и ментална сила.

@ash_dykes

800KM DONE! BUT PROJECT 6 IS ONLY JUST GETTING STARTED! 🛶🌍 18 days on the Sangha River, and what an experience it’s been! Still taking it all in, from the challenges we faced to the incredible wildlife, communities and everything we’ve experienced along the way. Now it’s time to get back to civilisation, celebrate this achievement and start preparing for what’s next! 😆 We’ve got SO much footage from this journey still to share, with Episode 2 coming very soon on YouTube! And of course… LOCATION 2 OF PROJECT 6! 👀🌍 A completely new challenge, a different part of the world and another mission to take on. The Congo Basin is complete. Five locations still to go! Where do you think we’re heading next? 👇

♬ original sound - ash_dykes

Во придружба на локалниот водич Обед Тембе Туџумвајр и снимателот Вил Перез, Дајкс пловеше речиси 800 километри по реката Санга, патувајќи од Централноафриканската Република до Република Конго.

Експедицијата беше првиот дел од „Проект 6“, амбициозен план што вклучува шест експедиции низ екстремни природни средини во период од 12 месеци.

За време на патувањето, членовите на тимот се соочија со бури, топлина, поплавени брегови и постојани каснувања од инсекти. Секој нов ден донесе различни предизвици.

Понекогаш, тие поминувале повеќе од 15 часа во кајаци, бидејќи не можеле да најдат соодветно место за застанување, објавува SA People News.

Сепак, напорот и исцрпеноста беа само дел од искуството. За време на авантурата, тие наидоа на горили, слонови, шумски биволи и нилски коњи, снимајќи го дивиот свет на еден од најважните африкански екосистеми од блиску.

Еден од најдраматичните моменти се случи кога експедицијата престана да комуницира! Поминаа 16 часа без контакт, што предизвика голема загриженост кај неговите соработници, но и кај милиони луѓе ширум светот кои ги следеа неговите авантури.

@ash_dykes And just like that, @Obed Temba ♬ See You Again (feat. Charlie Puth) - Wiz Khalifa

Иако Дајкс ја водеше експедицијата, успехот беше резултат на тимска работа. Локалниот водич Обед придонесе со вредно знаење за областа, додека снимателот Вил Перез го документираше нивното патување, соочувајќи се со истите тешки услови како и остатокот од тимот.

За време на експедицијата, тимот помина време и со членовите на заедницата Бака. Зад импресивниот пејзаж и физички тешкиот потфат лежи поголема приказна за Конго Басенот, еден од најважните природни екосистеми во светот.

Тагови: авантура кајак

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хакери ги објавија податоците на над 40.000 вработени во Министерството за внатрешна безбедност на САД

Антифашистичките активисти кои се спротивставуваат на администрацијата на американскиот претседател Доналд Трамп тврдат дека го хакирале Министерството за внатрешна безбедност на САД .

Хакери ги објавија податоците на над 40.000 вработени во Министерството за внатрешна безбедност на САД

Антифашистичките активисти кои се спротивставуваат на администрацијата на американскиот претседател Доналд Трамп тврдат дека го хакирале Министерството за внатрешна безбедност на САД (DHS) и објавиле база на податоци со имиња и официјални контакти на повеќе од 40.000 вработени во агенцијата, објави NBC.

Базата на податоци е објавена од непрофитната организација „Дистрибуирано негирање на тајни“ (DDoSecrets), наведувајќи дека податоците се обезбедени од хакерска група која се нарекува себеси Министерство за мир.

Меѓу нив има информации за 6.598 вработени во Службата за имиграција и царина (ICE), вклучувајќи неколку агенти за кои се вели дека работат на тајни мисии.

Анализата на NBC покажа дека базата на податоци содржи официјални е-адреси, телефонски броеви, локации и работни места, а новинарите ја потврдија точноста на некои од податоците.

Иако не се пронајдени приватни информации, објавувањето на идентитетот на вработените може да ја загрози нивната безбедност. Хакерите и DDoSecrets изјавија дека објавувањето на податоците е форма на протест против DHS и неговите операции за депортација.

Одделот не одговори на барањето за коментар. Според NBC, администрацијата на американскиот претседател Доналд Трамп била цел на повеќекратни хакерски напади во последните месеци. Коосновачката на DDoSecrets, Ема Бест, изјави дека организацијата подготвила планови за непредвидени ситуации поради чувствителноста на објавениот материјал.

Тагови: хакери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер