Примил во станот 24 мигранти, а тие го “разочарале“ со својот однос - Канал 5

Примил во станот 24 мигранти, а тие го “разочарале“ со својот однос

Германецот Дирк Волц и неговиот партнер се одлучиле да направат добро дело и да им помогнат на тие кои се во неволја, па во својот домот примиле 24 бегалци.

Примил во станот 24 мигранти, а тие го “разочарале“ со својот однос
Меѓутоа, Дирк подоцна на Фејсбук го опиша искуството и животот со луѓето од Сирија, Авганистан и Ирак во малиот стан во Берлин.

Дирк укажа дека луѓето треба да бидат свесни за маките на луѓето кои доаѓаат од Блискиот исток.

„Во овие тешки времиња, мора некој им помогне. Јас и мојот партнер во јули се одлучивме да примиме 24 емигранти од Сирија, Авганистан и Ирак. Нашите ножеви и понатаму се во кујната, на истото место на кое ги оставив пред да дојдат нашите гости. Никогаш не ми беше потребен клуч за спалната соба, освен еднаш кога нашиот гостин од Авганистан посака да си поигра со нашите мачки. Четирите дебели, стари мачки беа среќни исто како и момчето. Сепак, да се вратиме на ножевите – тие се употребуваа само кога нашите гости јадае месо, а јас и Марио и понатаму сме тука“ – изјави Волц.

Тој објасни дека мигрантите не се опасни и дека сите тие ја почитуваат земјата во која дошле.

„Ниту еден муслиман не сакаше да не убие на спиење. Никој не спомна ништо за тоа што двајца мажи делат ист кревет. Никој, во ниту една смисла, не ги стави своите во однос на нашите, германски правила. Не запознавме ниту еден човек што се кае поради тоа што го напуштил својот дом. Единствено на што им замерувавме е тоа што користат многу сол и шеќер, па поради тоа моравме постојано да одиме во маркетите – нагласи Волц.

Волц е загрижен што добиле заканувачки пораки поради тоа што тој и неговиот партнер го прават за бегалците.

„Навистина е големо разочарување што секој ден добиваме многу закани, дури и на улица ни се закануваат со смрт. Наместо да се соочиме со кризата, ние се однесуваме како да не постои утре. Мислиме дека за исламот нема место во Германија, но ѓаволот е дел од секоја религија. Десет години се борев за моите геј права, многу повеќе отколку сега, но многу е веројатно дека некогаш и грешев, се е можно“ – заклучи Волц.

Тој наведе дека во моментот нема гости од Блискиот исток, но додаде дека набргу повторно ќе ја отвори вратата од својот дом за бегалците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Мицкоски: Денеска во Брисел остварив средба со Герт Јан Копман

Денеска во Брисел остварив средба со Герт Јан Копман, генерален директор на Генералниот директорат за проширување и источно соседство при Европската комисија, објави на совјот профил на Фејсбук, премиерот Христијан Мицкоски. 

Мицкоски: Денеска во Брисел остварив средба со Герт Јан Копман

Во фокусот на разговорите беа европската перспектива на Македонија, напредокот во реформските процеси и следните чекори во пристапувањето кон Европската Унија.

Нашата определба за членство во Европската Унија е јасна и недвосмислена. Македонија заслужува европска иднина, заснована на принципиелни односи, почитување и заштита на националните интереси, како и доследно спроведување на реформите во интерес на граѓаните.

Продолжуваме со посветена работа, исполнување на реформската агенда, одговорна политика и јасна визија за европска, стабилна и просперитетна Македонија, стои во објавата на Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Стапуваат на сила нови правила во Париз: Полицијата воведува забрана за собири во близина на училишта и факултети

Париската полициска управа, почнувајќи од денес па сè до петок, забрани ненајавени собири и протестни поворки во радиус од 100 метри околу десет средни училишта и пет универзитетски објекти во француската престолнина. 

Стапуваат на сила нови правила во Париз: Полицијата воведува забрана за собири во близина на училишта и факултети

Одлуката за забрана, донесена во неделата поради протестите, опфаќа одредени средни училишта во четвртиот, шестиот, осмиот, единаесеттиот, тринаесеттиот и седумнаесеттиот париски округ, пренесува денес BFM.

Забраната се однесува и на Техничкиот факултет при Универзитетот Сорбона, кампусот „Пари-Сите“ (Paris Cité), центрите „Рене-Касен“ и „Лурсин“ на Универзитетот Пантеон-Сорбона, како и на дел од Универзитетот Пантеон-Асас.

„Забележани се бројни инциденти и блокади во близина на одредени средни училишта и високообразовни институции во Париз и неговата околина, како дел од едно општествено движење чиј обем и насилство не стивнуваат“, изјави шефот на париската полиција, Патрис Фор, образложувајќи ја одлуката.

Како што појасни тој, овие инциденти резултирале со „уништување на јавен имот, пожари, сериозно насилство врз припадници на образовната заедница, како и судири со органите на редот“.

Тој додаде дека од почетокот на движењето во Париз се приведени 1.548 лица. Шефот на полицијата оцени дека блокадите се предводени „главно од малцинство ученици“, но дека тие ја ограничуваат слободата на движење на сите останати, како и основното право на образование.

„Тие го поттикнуваат гневот кај родителите на некои ученици, кои сакаат да се стави крај на блокадите, што доведе до тензии меѓу тие родители и мобилизираните средношколци“, заклучи тој. Во петокот, градоначалниците на осумте париски окрузи побараа од ректоратот да преземе мерки со кои ќе се овозможи обезбедување на влезовите во блокираните средни училишта, како и излезите од тие установи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Запален автомобилот на Александра Пријовиќ и Филип Живојиновиќ

Џип во сопственост на  мегапопуларната пејачка Александра Пријовиќ и нејзиниот сопруг, продуцентот и менаџер Филип Живојиновиќ бил запален во текот на ноќта на Бежанијска коса, пред нивниот семеен дом.

Запален автомобилот на Александра Пријовиќ и Филип Живојиновиќ

Драма во текот на ноќта во елитната населба во белград, Бежанијска коса, каде интервенирала полицијата и екипа на итната помош

Џип во сопственост на мегапопуларната пејачка Александра Пријовиќ и нејзиниот сопруг, продуцентот и менаџер Филип Живојиновиќ бил запален во текот на ноќта на Бежанијска коса, пред нивниот семеен дом.

Автомобилот бил паркиран во непосредна близина на куќата на Александра и Филип, а пламените јазици го зафатиле возилото што се наоѓало до џипот.

Полициските службеници набргу започнале со истрага и прибирање траги што би можеле да помогнат во расветлувањето на сите околности на овој инцидент.

Сега влезот во семејниот дом на Прија и Филип е обезбеден од припадници на полицијата, а ролетните на прозорците од куќата се спуштени. Засега сè уште нема официјални информации за тоа како се случил инцидентот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер