Прилепските мечкари пак ќе ги бркаат злите духови - Канал 5

Забава

Прилепските мечкари пак ќе ги бркаат злите духови

Нови кожи и сурати, вековна симболика. 

Прилепските мечкари пак ќе ги бркаат злите духови

Прилепските мечкари ја обновија маската. Ги шиеја кожите, ги подготвуваа страшните сурати. Сето мора да биде прецизно обликувано, стокмено, страшната маска на мечкарите мора да ја испрати вековната порака: да се исчистат гревовите, да се избркаат злите духови.

Ги посетивме за да го видиме процесот на шиење на костимите, на маските, подготовката која со радост ја исчекуваат по двегодишната пауза на Карневалот чија главна атракција се. И, велат, оригинална.

Тони Павлески, потпретседател на здружението „Прилепски мечкари" веќе 37 години е „мечкар". Прескокнал само две години и тоа кога бил во војска и за време на пандемијата. Го зачекавме со игла во раката. Ги шиеше кожите. Вели мора да се обновуваат најмалку по пет години.

– Се подготвуваме интензивно. Моментално ја подготвуваме облеката, Совреме почнавме, да стигнеме за Карневалот, зашто сме поголема група „мечки". Нѐ има вкупно 40 „мечки". Потребно е време и секој ден подготвуваме, „облекуваме" по две до три „мечки". Сета облека сами ја финансираме, без ничија помош. Се трудиме да ја одржиме традицијата. Кожите ги купуваме од прилепските откупни станици. Ги одбираме. Треба да бидат добри, квалитетни, поголеми, за да изгледаме автентично. Значи, секоја кожа не може да биде за „преправање". Битно е да е голема, волнеста, добро обработена. Една кожа ја купуваме 100 денари, а за да биде соодветна за коситимот, плаќаме уште 10 евра за подготвување. Знчи една кожа чини 12 до 13 евра. А еден костим чини околу 100 евра, со маската-суратот, но без ѕвонците. Со нив чини преку 250 евра. Инаку, костимите траат, минимум, 5 години, ако се одржуваат добро. За тоа мора да се води сметка, бидејќи ги нема. Нема кожи, зашто колку има помалку стока, помалку има и кожи. Традицијата е касапска и се трудиме да ја одржиме. Едноставно значи: бркање на злото и раѓањето на новиот живот. Па и, како што е ова време со ковидот, уште повеќе ни треба да го избркаме злото од нашите домови. Токму ковидот не спречи да се „преправиме". А многу ни недостасуваше „преправањето", маскирањето. јас се „преправам" веќе 37 години. Само две години сум „прескокнал": кога бев во војска и поради короната, објаснува Павлески.

Љупче Николоски во чиј дом три генерации се касапи, од дедото, преку татко му и самиот тој, ја продолжуваат традицијата. ја објаснува традицијата за Прочка.

-Дедо ми, татко ми, а и јас сум касап. Според прикажувањето, ние како касапи работиме преку целата година во кланица. Значи, преку целата година што работиме, што одземаме животи како касапи, но не да се изживуваме спрема добитокот, Прочка е за да си ги исчистиме гревовите. Во сабота, пред Прочка, шетаме кај сите касапи, ги покануваме. Во недела шетаме во домовите и нѐ пречекуваат. Адетот е: со самотоодѕвонување на ѕвонците, клопотарците, влегуваме во секоја куќа, касапска, може и друг да не повика, ако сакаме да им го избркаме злото. Оти ние си ги чистиме гревовите. Имаме околу 60 до 70 куќи кои треба да ги посетиме. А ние сме две групи со 40 до 50 мечкари. Поделени сме на различните делови од градот. парите што ќе ги собереме, наредниот ден, на „чисти понеделник" треба да почестиме за сите посен грав, раскажува Николоски.

Колку е пострашна маската, суратот, толку е пооригинална, поавтентична.

– Има заби од дива свиња, има телешки заби, опашка. На маската се монистра, парички, стари, од носиите. Колку е пострашна, маската-суратот е подобра. Потребно е што може повеќе да доловиме делови од животното, толку суратот е пострашен. И со клопотарците, ние ги бркаме демоните. И затоа сакаме да ја одржиме традицијата и да ја негуваме, вели прилепскиот мечкар Љупче Николоски.

Мечкарот Тони Павлески надополнува – маската, каде и да одиме е атракција.

-Секаде каде одиме, нашата маска е атракција. друга слична нема. Маската на Мечкарите е уникатна, неповторлива. Ете, државата, конкретно министерството за култура ја стави како нематеријално културно богатство. Сега работиме да биде заштитена и преку УНЕСКО, заклучува Павлески.

Кристијан Петрески се „преправа" во мечкар веќе 13 години. Гордост му е. Сака да ја задржи дедовската и прадедовската традиција.

– Јас сум од помладите генерации. 13 години се облекувам и се „преправам" како Мечкар. Тоа е вековна и најпозната традиција во Прилеп. Се придружувам и мојата желба е традицијата да опстои. Со маската сме учествувале на бројни меѓународни карневали во Словенија, во Бугарија, во Хрватска, во Грција. Оваа наша традиција ја нема на ниту едно место. Потребно е време да се сошијат кожите, да не направи тој „Комбилезон од кожи", време треба да се направат суратите, маската е специфична, вели Петрески.

Прилепските мечкари со радост се подготвени за карневалот Прочка каде се „главната атракција". Ќе се „преправат", ќе ги плашат лушето, ќе ги бркаат злите духови. Велат, во ова крајно немирно време, многу ни треба злото да го избркаме. Како никогаш досега. И да се слави новиот живот. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Ен Хатавеј во елегантен труднички стајлинг

Холивудската ѕвезда, актерката Ен Хатавеј во елегантен труднички стајлинг, а еден детаљ вреден 8.000 долари го привлече вниманието.

Фото: Ен Хатавеј во елегантен труднички стајлинг

Ен Хатавеј покажа уште еден труднички стајлинг кој остава без здив, и покрај сите критики што ја следат за време на оваа бременост.

Бремената Ен Хатавеј носеше чанта Bvlgari од 8.000 долари додека шеташе низ Њујорк и го покажуваше најновиот стил за бременост по патот. Актерката зрачеше со гламур во тиркизен велур ансамбл украсен со цветни детали, во комбинација со елегантни црни чевли со потпетици.

Ен, која е глобален амбасадор на италијанската модна куќа, носеше блескава чанта Serpentine Duo Top Handle, украсена со гравирани шари, објавува „Дејли меил“. Ѕвездата од „Ѓаволот носи Прада“, која ја објави својата бременост уште во јуни, изгледаше блескаво за време на излегувањето.

Ен е во брак со својот сопруг Адам Шулман од 2012 година и тие веќе имаат двајца синови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Откриени плановите на Пентагон: Се разгледува повлекување на 25.000 американски војници од Европа

Пентагон размислува за значително намалување на американското воено присуство во Европа, што би можело да опфати повлекување на десетици илјади војници.

Откриени плановите на Пентагон: Се разгледува повлекување на 25.000 американски војници од Европа

Пентагон размислува за значително намалување на американското воено присуство во Европа, што би можело да опфати повлекување на десетици илјади војници, како и на одредени авиони, бродови и друга воена опрема, објави „Ен-Би-Си Њуз“ (NBC News), повикувајќи се на американски и европски претставници запознаени со разговорите.

Според опциите што моментално се разгледуваат, од Европа би можеле да бидат повлечени околу 25.000 американски војници, што претставува речиси една третина од вкупните американски сили распоредени на континентот.

Сепак, некои сценарија одат значително подалеку, предвидувајќи намалување од дури 40.000 припадници на војската.

Соединетите Држави моментално имаат околу 80.000 војници во Европа. Доколку администрацијата на претседателот Доналд Трамп усвои една од порадикалните опции, тоа би претставувало едно од најголемите намалувања на американското воено присуство на европско тло од крајот на Студената војна.

Изгледите за толку значително повлекување предизвикаа загриженост кај европските сојузници, како и кај некои американски законодавци од двете партии.

Критичарите на ваквиот потег предупредуваат дека драстичното намалување на американските капацитети би можело да ја ослаби способноста на НАТО да ја одврати Русија, особено додека трае војната во Украина.

Германија, Италија и Шпанија – каде што се стационирани значителен дел од американските сили и воената инфраструктура – ​​се посочуваат како земји што би можеле најмногу да бидат погодени од евентуално намалување.

Разгледувањето на можноста за повлекување е дел од пошироката ревизија на американското воено присуство во Европа, иницирана од Пентагон во јуни.

Се очекува генералот Алексус Гринкевич, командант на американските сили во Европа и Врховен сојузнички командант на НАТО, да му претстави првична анализа на можните опции на секретарот за одбрана Пит Хегсет.

Според опциите што моментално се разгледуваат, од Европа би можеле да се повлечат околу 25.000 американски војници, што претставува речиси една третина од вкупните американски сили распоредени на континентот. Сепак, некои сценарија одат значително подалеку, предвидувајќи намалување од дури 40.000 припадници на војската.

Соединетите Држави моментално имаат околу 80.000 војници во Европа.

Доколку администрацијата на претседателот Доналд Трамп усвои една од порадикалните опции, тоа би претставувало едно од најголемите намалувања на американското воено присуство на европско тло од крајот на Студената војна.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Арина Сабаленка казнета поради своето однесување во финалето на УС Опен

Втората светска тенисерка Арина Сабаленка ќе мора да плати 7.500 долари поради своето однесување за време и по финалето на Грен слемот во Њујорк, Ју Ес Опен против Елена Рибакина. 

Арина Сабаленка казнета поради своето однесување во финалето на УС Опен

Белоруската тенисерка претрпе болен пораз во Њујорк, каде што ја пропушти можноста да ја освои третата последователна титула на УС Опен.

Рибакина победи со 6-4, 5-7, 6-2, а Сабаленка тешко се справуваше со емоциите по натпреварот.

Во текот на првиот сет, откако загуби поен, Сабаленка луто ја удри топчето кон трибините, поради што доби казна за неспортско однесување. Подоцна во мечот, таа повторно во гнев го удри топчето кон задниот дел од теренот, за малку погодувајќи еден снимател.

По последниот поен уследи вистински излив на гнев. Додека седеше на клупата, Сабаленка неколкупати силно го удри рекетот од земја, а потоа вербално го нападна снимателот што ѝ пријде по завршувањето на мечот.

Организаторите на УС Опен ѝ изрекоа парична казна од вкупно 7.500 долари на Сабаленка поради прекршување на правилата за однесување. Казната ќе биде одбиена од нејзината заработка на турнирот. Сабаленка пристигна во Њујорк како двократна бранителка на титулата и имаше можност да стане само третата тенисерка во „Опен ерата“ што освоила три последователни титули на УС Опен.

Сепак, Рибакина победи во три сета и го освои својот прв трофеј на овој турнир. Поразот имаше уште една последица за Сабаленка. Со оваа победа, Рибакина го презеде првото место на ВТА-листата, ставајќи крај на 99-неделното владеење на Сабаленка на врвот.

Тагови: Арина Сабаленка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер