Прилепскиот музеј нуди раритетна етнолошката поставка - Канал 5

Прилепскиот музеј нуди раритетна етнолошката поставка

По повеќегодишна работа, прилепскиот Завод и музеј денеска и официјално ја отвори богатата и уникатна етнолошка поставка. 

Прилепскиот музеј нуди раритетна етнолошката поставка

Изложени се околу 300 предмети кои ја раскажуваат приказната за животот, работата и за секојдневието на прилепчани во периодот од 18, 19 и 20-тиот век.

Според етнологот Горан Цветкоски, отворањето на етнолошката поставка со раритетните предмети и фотографии кои го отсликуваат животот на нашите предци, дедовци и татковци и оставиле белег на денешното живеење е од огромно значење.

– Предметите со години се макотрпно прибирани. Некои се пронајдени, некои подарени од фамилии, трети се купени од музејот. Се потрудивме да ги изнесеме сите најзначајни предмети што го обележуваат нашето минато и, буквално, секој предмет зборува за себе, објаснува етнологот Цветкоски.

Поставката е поделена на три сегменти. Еден од сегментите е занаетчиството, кое е многу значајно за Прилеп затоа што ја претставувало најголемата и најразвиената стопанска гранка во надалеку познатата прилепска чаршија.

– Постоел и панаѓурот, познат надалеку. Апострофирани се најголемите и најзначајните занаети: казанџиски, кантарџиски, ковачки. Прилепските кантари многу биле познати, занаетчиите ги носеле до Истанбул, оти биле најквалитетни и најдобро изработени. И секој мајстор го обележувал својот кантар. Имаме и алати за нивното производство, додава Цветкоски.

Втор сегмент е кувенџискиот занает со кувенџиските украсни предмети, кои ги одредувале сталежот и имотната состојба на населението. Од овој сегмент има многу предмети, но се изложени само позначајните.

– Третиот сегмент е традиционалниот начин на живеење, преку орудијата за обработката на земјиштето, предмети за организирање на домаќинството. Имаме орудија за стрижење, обележување на овците, за жнеење. Целата поставка има огромно значење за нашиов регион, зашто ги опфаќа сите сегменти во кои семејството егзистирало, нагласува етнологот Цветкоски.

Според директорот на „Завод и музеј – Прилеп", Благоја Атанасоски, три години се работело на обликувањето на поставката.

– Пред две години добивме средства од Министерството за култура, а другото е набавено од средствата на Музејот. Задоволство ни е што може да го презентираме ова културно богатство, посебно дека по 65 години од Музејот, ние отвораме една богата етнолошка поставка, нагласи Атанасоски.

Прилепскиот музеј со отворањето на оваа раритетна етнолошка поставка го збогати изложбениот простор за претставувањето на културното богатство од Регионот. Ги има археолошката музејска поставка, лапидариумот со мермерни скулптури и пронајдоци од ископувањата, а како раритетни се и Музејот за тутун, спомен куќата на Кузман Јосифоски – Питу и меморијалниот музеј „11 Октомври". /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Десетици повредени во железничка несреќа во Прага: Се судрија два воза на влез во станицата (ВИДЕО)

Два воза се судрија утрово во близина на главната железничка станица во Прага. Според противпожарната служба, на местото на настанот се повредени десетици лица, од кои некои се сериозно повредени.

Десетици повредени во железничка несреќа во Прага: Се судрија два воза на влез во станицата (ВИДЕО)

Вклучени се сите служби за итни случаи и спасување. Железничкиот сообраќај на линијата во правец на Вишочани и Либња е прекинат. Ова е според информациите од службите за итни случаи, Управата за железници и Чешките железници, објави Блеск.

Несреќата се случила околу 7 часот наутро на мостот преку улицата Сејфертова, во третиот округ во Прага. Се судриле два патнички воза, кои се движеле со помала брзина. Според портпаролот на противпожарната служба во Прага, Мирослав Резач, несреќата не била катастрофална.

„Пожарникарите реагираат на местото на итната состојба како дел од второто ниво на тревога. Примарна задача е да се тријажат повредените“, рекоа пожарникарите. Според нив, немало потреба да се извлекуваат патниците од остатоците од возовите.

Повеќето луѓе претрпеле полесни повреди, но некои се потешко повредени.

„Евидентиравме неколку сериозно повредени лица кои беа во опасност да ги изгубат своите основни животни функции“, изјави портпаролот на прашката брза помош Карел Кирс за новинарите. Сите оние со сериозни повреди веќе се пренесени во болниците во Прага.

Десет екипи на брза помош и четири медицински екипи се на местото на настанот. Спасувачките служби имаат на располагање и специјално возило за евакуација.

„На местото на настанот е испратен и тим за посттрауматска нега за да им пружи психолошка поддршка на погодените од инцидентот“, соопшти противпожарната служба.

Министерот за транспорт Иван Беднарик, кој дојде на функцијата со поддршка на партијата СПД, ја опиша несреќата како многу сериозен инцидент. Според него, најважно е да им се пружи помош на повредените сега.

„Според најновите информации, сите патници од двата воза веќе требало да бидат евакуирани. Им посакувам на сите брзо закрепнување и им се заблагодарувам на спасувачките служби за нивните напори“, рече министерот, додавајќи дека Железничкиот инспекторат веќе ги истражува причините и околностите на несреќата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

СДСМ: Целосно разобличување на лагите на Кочовска и Мицкоски за долгот

Министерката Кочовска изјави дека во 2027 година има 2 милијарди евра доспен долг кој требало наводно да се врати.

СДСМ: Целосно разобличување на лагите на Кочовска и Мицкоски за долгот

Ова е уште една лага на Кочовска и Мицкоски која целосно ја разболичуваме.

Самата Кочовска во предлог Буџетот за 2027 година, на страна 16 и 17 го напишала следново:

„Отплатата на долгот во износ од 64,6 милијарди денари (од кои за надворешен долг 46,5 милијарди денари, за домашен долг 18,1 милијарди денари) ќе се финансираат преку домашно и странско задолжување.“

Значи самата Кочовска вели дека вкупно доспениот долг за 2027 е една милијарда евра.

Но и овие 1 милијарда евра, само 500 милиони се за еврообвзницата од 2023 година а друго се долгови на Мицкоски и Кочовска.

Го признава и самата Кочовска.

Е тука завршува приказната за старите долгови наследени од СДСМ.

Доаѓаме до клучното. Долговите се на Кочовска и Мицковски кои ги направиле последниве 2 до 3 години и тие сакаат да гои зголемат.

Мицкоски создаде долг од 4 милијарди евра за само 2 години, а сака дополнително да ги задолжи граѓаните за уште 2 милијарди евра во 2027 година.

Тоталното разобличување стои во самиот Буџет, на иста страница каде е наведено дека во 2027 -та Кочоска и Мицкоски ќе се задолжат 121 милијарда денари односно 2 милијарди евра, се наведеува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Актерката Лидија Вукичевиќ ја гаѓаа со јогурт пред влезот во српското Собрание- ова ѝ е трет мандат (ВИДЕО)

Пратеничката на СНС Лидија Вукиќевиќ беше полеана со јогурт, предизвикувајќи хаос пред влезот во Парламентот утрово, 17 ноември, пред почетокот на првата седница.

Актерката Лидија Вукичевиќ ја гаѓаа со јогурт пред влезот во српското Собрание- ова ѝ е трет мандат (ВИДЕО)

Додека идните пратеници минуваа низ кордон, актерката Лидија Вукиќевиќ беше полеана со јогурт по главата, објави Телеграф.

Патем, ова ќе биде трет мандат на Лидија во српскиот Парламент, овој пат како пратеничка од партијата СНС.

Актерката беше пратеничка два мандата:

- Од 2007 до 2008 година (7-ми состав)

- Од 2008 до 2012 година (8-ми состав)

Вкупно, таа помина околу 5 години како пратеничка (како членка на СРС) во тој период.

Денес (17 ноември 2026 година) се одржува конститутивната седница на новото свикување на Народното собрание на Србија, каде што таа повторно се појави како пратеничка, а нејзините мандати во новото свикување штотуку почнуваат да се потврдуваат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер