Култура

Прилеп е подготвен за Прочка

Прилеп е подготвен за 12. меѓународен карневал „Прочка 2013“. Карневалските свечености почнуваат уште во петок за во недела да се одржи големото меѓународно дефиле на маските, беше соопштено на денешната прес- конференција во локалната самоуправа.

-Карневалот е еден од најголемите културни брендови на Прилеп. Тој е спој на традицијата и на модерното, на вековните обичаи, посебно обележје на градот и околината. Годинава очекуваме огромна посетеност и многу маскирани, вели Снежана Ристеска, советник за култура.

В петок е големата изложба на маски на учениците од прилепските училишта во Домот на културата „Марко Цепенков“. Во сабота во центарот на градот е големата парада на мажоретки, кловнови, жонглери, пантомимичари, а во недела на булеварот ќе дефилираат како што се очекува околу 3.000 маскирани. Досега веќе околу 2.000 се пријавиле.

-Очекуваме гости од сите македонски карневалски градови и од странство. Од Корча Албанија, од Шабац, Лесковац, Нови Сад, Врњачка Бања, Бања Ковиљача сите од Србија, четири групи од Хрватска од кои две од Брач и по една од Лудбрег и Ријека, од Разлог Бугарија, за првпат од Птуј Словенија. Годинава за прв пат ни доаѓаат гости од Воден, Грција. Токму таму прво утре „Прилепските мечкари“ ќе заминат во посета. На дефилето в недела ќе бидат прогласени најдобрите поединечни и групни маски. Ќе се доделат 15 награди, изјави Ристеска.

Претседателот на карневалот Ванчо Георгиев нагласи дека карневалот ќе трае и во понеделник кога гостин ќе биде и претседателот на федерацијата на европските карневалски градови Ван дер Крон, а според традицијата на гостите ќе им се служи посен касапски грав за ручек.

Инаку, неодамна „Прилепските мечкари“ беа во словенечкиот град Птуј каде најпознатата маска - мечкарите ја доби првата награда на фестивалот.

Прилеп за годинашниов карневал Прочка очекува близу 30.000 гости и посетители.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во болница почина убиецот од Полска

Напаѓач кој во саботата уби шест лица во Краков, Полска, при смртоносен напад на главниот градски плоштад, почина во болница, објави новинската агенција Ројтерс, повикувајќи се на полициски извори.

24- годишниот убиец бил прогласен за мртов во 4:30 часот наутро.

„Уште од самиот почеток, неговата состојба беше многу сериозна, критична. Се водеше постојана борба за спасување на животот на овој човек, и покрај злото што го стори. Тој имаше најмалку три операции“, стои во соопштението.

Нападот на Главниот плоштад во Краков се случи во саботата, околу 15 часот. Дваесет и четиригодишен маж со автомобил влета на плоштадот и почна да пука кон луѓето што се наоѓале таму. Шест лица загинаа, а 16 беа повредени, меѓу кои и полицајците што интервенираа, како и самиот сторител.

Напаѓачот беше застрелан за време на размена на оган со полициски службеници и е приведен. Околностите на нападот и мотивот на сторителот се предмет на тековна истрага во која се вклучени обвинителството и специјалните служби.

Истиот ден, во семејната куќа на Михал О. на улицата Тилна во Островјец Свјентокшиски, полициските службеници пронашле тела на три лица, членови на семејството на напаѓачот. Станува збор за 53-годишен татко, 52-годишна мајка и 21-годишна сестра.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

АЛТА банка ги зголемува лимитите на платежните картички и отвора два нови шалтера во Тетово и Струмица

Од денеска, клиентите на АЛТА банка ќе можат да располагаат со поголем износ од своите средства.

Неделниот лимит за подигање готовина од банкомат и плаќање со платежни картички се зголемува од 10 на 15 илјади денари. Истовремено, се проширува и мрежата за шалтерска исплата. Од денеска ќе бидат отворени и шалтери и во тетово и во струмица, каде што клиентите кои немаат платежни картички ќе можат да подигнат до 20 илјади денари во период од две недели, исто како и во експозитурата во Битола.

Олеснување, како што најави гувернерот Трајко Славески, ќе има и за идните приливи. Платите, пензиите и социјалните трансфери кои допрва ќе легнуваат на сметките на клиентите, доколку доаѓаат од институции или компании кои имаат сметки во други банки, ќе можат да се повлекуваат во целост..

Тагови: Алта банка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Променливо облачно со повремени локални врнежи од дожд

Времето денес според УХМР ќе биде променливо облачно со повремени локални врнежи од дожд.

Променливо облачно со повремени локални врнежи од дожд. Ќе дува слаб до умерен ветер од југоисточен правец, поизразен долж Повардарието.

Минималната температура ќе биде во интервал од 2 до 8, а максималната ќе достигне од 9 до 14 степени.

Во Скопје, променливо облачно со повремени врнежи од дожд со слаб интензитет. Ќе дува слаб ветер од променлив правец. Минималната температура ќе се спушти до 6, а максималната ќе достигне до 12 степени.

ВРЕМЕТО ВО НАРЕДНИТЕ ДЕНОВИ

Од вторник следува период на променливо облачно и потопло време. По одделни котлини ќе има услови за појава на утринска магла. Локални врнежи од дожд ќе има кон крајот на седмицата. Ќе дува слаб до умерен, а во петок повремено засилен до силен ветер од јужен правец.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.