Пригодна свеченост по повод наградата „11 Октомври" за животно дело на сликарот Кузманоски - Канал 5

Култура

Пригодна свеченост по повод наградата „11 Октомври" за животно дело на сликарот Кузманоски

Пригодна свеченост по повод наградата „11 Октомври" за животно дело на тетовскиот сликар Павле Кузманоски.

Пригодна свеченост по повод наградата „11 Октомври" за животно дело на сликарот Кузманоски

Во Тетово се одржа пригодна свеченост во чест на Павле Кузманоски, единствен тетовец меѓу годинашните добитници на највисоката државна награда „11 Октомври" за животно остварување во областа на културата, науката, уметноста и дејностите од јавен интерес. Во просториите на ОУ „Гоце Делчев" се одржа и културно-музичка програма со која воедно се одбележа и националниот празник 11 Октомври.

Иницијативата до Одборот за доделување на наградата ја поднесе Даријан Сотировски, тетовец и актуелен директор на Комисијата за односи меѓу верските заедници и религиозни групи.

Во иницијативата за доделување на државната наградата „11 Октомври" без знаење на уметникот, Сотировски образложува дека Павле Кузманоски по 82 години животен век, над 55 години врвна и плодна академска уметничка кариера, непроценливо важен уметнички опус со карактеристичен и уникатен израз кој останува како вредно македонско културно наследство заслужува да добие највисоко признание за своето животно дело во областа на уметноста од страна на својата држава.

-Делата на Кузманоски говорат дека ваквото животно признание треба да се поврзе и со славниот историски ден 11 Октомври – Денот на востанието на Македонија, бидејќи ова востание со сите свои дострели, успеси и нужни загуби е значаен мотив во неговото творештво и иницијалниот мотив за целата серија уметнички дела со меѓународна препознатливост „Сведоци". Кузмановски е еден од ретките македонски академски сликари чии дела ја следат бурната хронологија на општествените случувања еден долг временски период, тој е посветен и активен и во својата деветта деценија, срдечен колега, космополит и пацифист, педагог и вистински културен деец, се наведува во иницијативата.

Уметникот Павле Кузманоски се обрати на свеченоста заблагодарувајќи се за иницијативата.

-Знам дека Даријан измиантиве години интензивно го следеше моето творештво. Искрено оваа награда ме извади од нормалниот колосек на живеење, но од се срце благодарам на Даријан кој ја поттикна оваа иницијатива. Благордарам на сите кои реагираа на електронските медиуми и за пораките кои ги напишаа до мене. Се надевма дека со децениите ликовно творештво го оправдувам ова признинае. Со напор и труд ова е доказ дека се постигнуваат резултати. Се што правиме е да оставиме белег за наредните генерации, истакна Кузманоски.

-Денес не собира убав и голем момент кој ретко се случува во нашиот град со највисокото признание за животно дело. Државата награда е однос помеѓу сите нас и уметникот односно неговиот град и него самиот. Тој не задолжува со непроценливото културно наследство сите нас заедно. Ја заслужува иницијативата поради силно изразен морал, втор адут е врвното творештво, кое е веќе антологија. Трета работа е тоа што како народ сме родиле врни уметници, писатели, спортисти, а оваа награда говори токму тоа дека сме постоеле и ќе си постоиме, истакна иницијаторот Даријан Сотировски на свеченоста.

Павле Кузманоски е роден на 30 јуни 1939 година во Тетово. Своето стручно образование го започнал во 1959 година во Средното уметничко училиште во Скопје, а високото образование го стекнал како редовен студент на престижната Академија за применети уметности во Белград каде дипломирал со одличен успех во класата на еминентните уметници Винко Грдан, Рајко Николиќ и Аца Томашевиќ. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Предавство во УЕФА – Инфантино има нов најдобар пријател

Ситуацијата пред изборот за нов претседател на ФИФА полека се вжештува. Дали Џани Инфантино и понатаму ќе ја води светската фудбалска асоцијација ФИФА по неговите контроверзни одлуки во последниот период. 

Предавство во УЕФА – Инфантино има нов најдобар пријател

По низата погрешни потези на Џани Инфантино, се чини дека се зголемуваат шансите тој да биде сменет на гласањето во март.

Европските федерации, пак, не го послушаа Инфантино и застанаа на страната на УЕФА.

Сепак, една голема федерација – француската – би можела да ги изневери останатите и да застане зад Инфантино.

Филип Дијало, претседателот на FFF, досега јавно се воздржуваше од коментар за ова прашање и сè уште официјално не ја повлекол својата поддршка за Инфантино.

УЕФА стравува дека Франција ќе го изневери планираниот бојкот и дека Диало е „новиот најдобар пријател“ на Инфантино.

Во меѓувреме, француската територија Нова Каледонија, која главно гласа исто како Франција, објави соопштение во кое го поддржува Инфантино.

Новинарот Ромен Молина, во видеото насловено „Француско предавство“, истакнува дека Диало одлучува самостојно и дека останатите членови на Извршниот одбор на ФФФ не биле информирани. За да го замени актуелниот претседател на ФИФА, на УЕФА ќе ѝ бидат потребни 106 гласа против Инфантино од вкупно 211 членки. Европа има 55 членки.

Тагови: Инфантино ФИФА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: За две години просечната плата е зголемена за околу 9 000 денари

За две години просечната плата е зголемена за околу 9 000 денари, економските политики на Владата на ВМРО-ДПМНЕ даваат резултати.

ВМРО-ДПМНЕ: За две години просечната плата е зголемена за околу 9 000 денари

Владата предводена од ВМРО-ДПМНЕ води одговорни економски политики и стабилно управува со јавните финансии а мерките и политиките даваат конкретни резултати кои се мерливи а граѓаните ги чувствуваат во семејните буџети.

За само две години од владата на ВМРО-ДПМНЕ просечната нето-плата е зголемена од 40,496 денари на 48,779 денари, според податоците на Државниот завод за статистика. Тоа се околу 9 000 денари повеќе за работниците.

Номиналниот раст на платите во 2024та година изнесуваше 12,6%, а во 2025та година растот продолжи со 9,6%. Годинава се очекува дополнително зголемување поголемо од 8%.

За разлика од периодот на СДС кога имаше пад од 2,9 % во 2022 година, во 2024та година платите пораснаа за 8,8% а во 2025та година за дополнителни 5,3%.

Освен што растат платите, расте и реалната куповна моќ на граѓаните. Ова го потврдуваат и најновите податоци на Евростат каде мерено според куповната моќ потврдуваат дека вредноста на бруто минималната плата во Македонија во јули во 2026та година е повисока од сите земји на Западниот Балкан.

Ова се резултати што не може да ги анулира хистеријата на СДС со нивната реторика за наводни кризи и колапси. Сите релевантни институции потврдија дека платите во Македонија растат а кај граѓаните се слеваат повеќе пари за разлика од минатото.

Владата на ВМРО-ДПМНЕ останува посветена на привлекување на нови странски инвестиции, создавање на стабилна економска клима, раст на платите, отворање на нови работни места и подобрување на животниот стандард на граѓаните.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Што договараше Мицкоски „под радар“ на екскурзијата во Брисел?

Што точно договараше Христијан Мицкоски во Брисел додека беше на „екскурзија“ со семејството?

СДСМ: Што договараше Мицкоски „под радар“ на екскурзијата во Брисел?

Разговори што не се официјални. Средби што не се пријавени преку Министерството за надворешни работи.

Преговори за иднината на државата, без ниту еден претставник на Владата.

Како е можно премиерот на една држава да оди на „неофицијални“ разговори за клучното прашање - европската иднина на Македонија, без знаење и без учество на дипломатијата?

Како е можно шефот на државата да носи со себе сопруга и деца на средби од кои зависи судбината на два милиони граѓани?

Одговорот е еден и јасен:

Мицкоски ја третира Македонија како своја приватна сопственост.

Тој одлучува сам.

Тој преговара сам.

Додека Тимчо Муцунски зборува за разговори „под радарот“, Мицкоски тие разговори ги води лично, во семеен аранжман, далеку од очите на јавноста и институциите.

Ова не е државничка одговорност. Ова е приватизација на државата.

Граѓаните имаат право да знаат:

Што е договорено?

Што е прифатено?

Што е скриено?

Македонија не е приватна фирма на Мицкоски, иако тој ја гледа така.

И нејзината иднина не се договара на семејни екскурзии.

Скопје, 15.8.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер