Придржувајте се до овие совети на стилистите и изгледајте добро во секоја прилика! (фото) - Канал 5

Здравје

Придржувајте се до овие совети на стилистите и изгледајте добро во секоја прилика! (фото)

Пронаоѓањето соодветни бои и нивно вклучување во гардероберот, може да биде предизвик ако не знаете на што треба да обратите внимание.

Придржувајте се до овие совети на стилистите и изгледајте добро во секоја прилика! (фото)

Правила во модата не постојат и можете да носите апсолутно што ќе посакате ако имате доволно самодоверба. Меѓутоа, доколку сакате да заблескате и да бидете забележани, треба да ја усогласите бојата на вашата гардероба со тенот и бојата на вашата коса.

Стилистката Кристина Ерлих, која работи со познатите дами, открива дека првото нешто што го прави со клиентите, кога станува збор за нивниот стил, е усогласувањето на бојата на гардеробата со бојата на тенот или косата на клиентот. Како што објаснува, тоа е исто како со шминката, усогласувањето на бојата на облеката со бојата на тенот е со цел да се истакне најубавиот дел од лицето на жената. Таа смета дека со соодветна облека и самодоверба секоја жена може да изгледа како милион долари.

Топол тон

Маслинест тен

Маслинестиот тен припаѓа на топлите тонови и може да има жолтеникав или златен подтон. Косата се движи од темно кафена до темно русокоса. Кога станува збор за накитот, стилистката Брит Теодора препорачува жолто злато бидејќи тоа најдобро прилега на топлите тонови. Кога станува збор за облеката, таа ги препорачува природните земјени тонови како кафената боја, длабоките црвени тонови и светло зелените нијанси.

Нејзиниот колега Филип Утер напоменува дека на топлите тонови на кожа, одлично одговара портокаловата, жолтата боја или златните нијанси. Не постои ништо конкретно што не е пожелно за личностите со топол тон на кожата, и доколку имате кожа со топол тон, инспирација во однос на боите на облеката, може да пронајдете кај познатите личности како Џенифер Лопез, Кејти Холмс, Џесика Алба и Бијонсе.

Ладен тон

Синкав подтон

Оваа група варира од многу светла до многу темна. Што се однесува до косата, со овој тен бојата на косата најчесто варира од изразено темно кафена или црна до светло русокоса. Според Теодора, од накит, оние кои припаѓаат на оваа група претпочитаат сребро, розово злато или комбинација од двете.

Стилистите напоменуваат дека пастелните бои можат одлично да прилегаат на овој тен на кожа, бидејќи бледилото ќе го освежат со помеки бои. Една од најпожелните е виолетовата, но исто така се препорачуваат сината, розовата, бледо жолтата или зелената боја. Стилистот Филип Утер препорачува лицата со изразито светол тен, да избегнуваат многу светли бои, како тиркизно сина и зелена боја како трева. Исто така не се пожелни јаките нијанси на портокалова и жолта боја. Меѓу познатите личности од оваа група се Никол Кидман, Минди Калинг, Вајола Дејвис и Кејт Бланшет.

Неутрален тон

Мешавина од топол и ладен тон

Неутрална боја на кожа не може прецизно да се одреди бидејќи е нешто помеѓу претходните два тона. Кога станува збор за косата, таа може да биде комбинација од русокоса со сивкасти прамени, или потопли тонови на кафена боја. Луѓето со ваков тен можат да комбинираат накит и не се ограничени само на еден тип. Неутралните бои најдобро одговараат на неутралниот тен. Меѓутоа, ако одлучите да додадете некои бои во вашиот гардеробер како белата или црвената, најдобро е да се решите за беж или темно црвена боја.

За оваа група се препорачуваат праска боја, пастелни нијанси на розова, божур розова, угасено сина, како и жад и камеја зелена. Премногу живи бои како црвената или жолтата не се соодветни за неутралниот тон на кожа. Ако сепак одлучите да носите, на пример, жолта боја, стилистите препорачуваат да изберете помека верзија, како на пример, боја на пченкарна свила. Селена Гомез, Амал Клуни, Анџелина Џоли или Џулија Робертс можат да ви послужат како инспирација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Мексико веднаш да ги запре колоните кои формираат инвазија на нашата земја

Американскиот претседател Доналд Трамп се закани дека ќе ги удвои царините за Мексико ако не ги спречи големите групи мигранти кои, според него, се движат кон границата со САД. 

Трамп: Мексико веднаш да ги запре колоните кои формираат инвазија на нашата земја

Во објава на неговата социјална мрежа Truth Social, тој тврди дека по поразот на републиканците на конгресните избори, повторно се случува „инвазија“ на САД.

„Еве нè повторно! Поради наводниот пораз на републиканците на конгресните избори - на кои ЈАС НЕ СЕ КАНДИДИРАВ - ИНВАЗИЈАТА на нашата земја повторно се случува“, напиша Трамп.

„Мексико мора да ги запре сега“

Трамп тврди дека во Мексико се формираат големи каравани мигранти и се движат кон Соединетите Американски Држави.

„Се формираат огромни каравани и започнуваат нелегална кампања низ Мексико. Многу луѓе во овие каравани се оние што разни земји не ги сакаат - „Испратете ги во Америка“, велат тие - но нема да бидат прифатени!“, рече тој.

Потоа му се закани на Мексико со економски мерки ако не ги спречи мигрантите. „МЕКСИКО МОРА ДА ГИ ЗАПРЕ СЕГА, а ако не го сторат тоа, царините за Мексико ВЕДНАШ ќе бидат ДВОЈНИ“, напиша американскиот претседател.

„Нема да има отстапки“

Трамп рече дека Мексико, гувернерот на Тексас, американската гранична патрола и Службата за имиграција и царина (ICE) биле информирани за неговото барање. Тој конкретно го спомена новиот гувернер на Тексас, кого го опиша како „многу либерален“. „Нема да има отстапки! Ви благодарам за вниманието“, заклучи Трамп. Трамп не даде докази во објавата за тврдењата за караваните со мигранти, ниту прецизираше за кои постоечки царини ќе се однесува најавеното удвојување.

Тагови: Доналд Трамп Мексико

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Инфлуенсерка открива како за една недела заработила 90.000 евра на Јутјуб (ВИДЕО)

Интернет ѕвездата Триша Пајтас откри дека за само една недела заработила дури 100.000 долари (околу 90.000 евра) на YouTube. 

Инфлуенсерка открива како за една недела заработила 90.000 евра на Јутјуб (ВИДЕО)

Таа ги откри овие информации за време на гостувањето во емисијата „Watch What Happens Live“ на Енди Коен, во која учествуваше во играта „Plead the Fifth“. Откако ја откри сумата, таа отсечно додаде: „Тоа беше добра недела“.

Пејтас, која е домаќин на подкастот „Just Trish“, објавува видеа на Јутјуб од 2007 година. Сепак, не заработувала секогаш толку многу. Во интервју за Polyester Zine во 2023 година, таа објасни дека нејзините приходи варирале многу, во зависност од тоа колку често објавувала содржина и на кои платформи била активна. Инфлуенсерката, исто така, се потсети на периодот кога снимала видеа секој ден и заработувала значително повеќе.

YouTube video

Од mukbang до Холивуд

Триша Пајтас се занимавала со различни видови содржини низ годините. Таа е позната по нејзините вирални мукбанг видеа, во кои јаде големи количини храна пред камера, но и по нејзините музички видеа и влогови за секојдневниот живот. Повеќе од 20 милиони луѓе ја следат на различни социјални мрежи.

Во последните години, нејзината кариера се прошири и надвор од социјалните мрежи. Покрај водењето подкаст и снимањето ASMR видеа, претходно беше активна на платформата OnlyFans, се појавуваше на телевизија и се обидуваше да глуми.

За време на нејзината кариера, таа се појави во повеќе од 50 телевизиски и филмски проекти, вклучувајќи ги „Saturday Night Live“, „Celebrity Big Brother UK“ и „America's Got Talent“. Најавени беа и нејзините улоги во сериите „Hacks“ и „Euphoria“.

Во интервју за британскиот Vogue во 2024 година, таа откри дека реинвестира голем дел од својата заработка во снимање содржини. Како што рече, трошела десетици илјади долари за продукција на раскошни видеа.

Семејство и нови мемоари

Големи промени се случија и во нејзиниот приватен живот. Во декември 2021 година, таа се омажи за израелскиот уметник и фотограф Мозес Хацмон, кој редовно ѝ се придружува во водењето на подкастот „Just Trish“. Двојката има три деца: ќерката Малибу Барби, родена во септември 2022 година, ќерката Елвис, родена во мај 2024 година, и синот Аквамен Мозес, роден во јули 2025 година.

Порано оваа недела, Пајтас објави и мемоари од 368 страници со наслов „Плачење на кујнскиот под“. Во книгата, таа го опишува растењето во Илиноис, обидите да успее во Холивуд, контроверзиите што следеа по нејзината интернет кариера и нејзините проблеми со менталното здравје. Таа, исто така, пишува за тоа како со текот на времето пронашла стабилност во семејниот живот.

Тагови: инфлуенсерка Јутјуб

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Руте: Русија месечно губи повеќе војници, отколку САД за време на целиот Виетнам (ВИДЕО)

Русија губи повеќе од 40.000 војници во Украина секој месец, вклучувајќи мртви и тешко ранети, изјави генералниот секретар на НАТО, Марк Руте. 

Руте: Русија месечно губи повеќе војници, отколку САД за време на целиот Виетнам (ВИДЕО)

Тој истакна дека оваа бројка е споредлива со вкупните американски загуби во текот на 14-те години од војната во Виетнам. Руте го изјави ова во говорот на форумот „Атлантска иднина“ што се одржа вчера, пренесува Украинска правда.

Споредба со Виетнам

Руте објасни дека рускиот претседател Владимир Путин не успева да ги постигне своите цели на бојното поле, наведувајќи ги огромните човечки загуби што Русија ги претрпува во последните месеци како причина.

„Соединетите Американски Држави изгубија 56.000 луѓе во Виетнам за 14 години. Тука, Русија има 40.000 мртви или тешко ранети само за еден месец. Првите податоци за октомври покажуваат дека овој број би можел да надмине 50.000. Педесет илјади за само еден месец“, рече Руте.

Напади врз цивили и хибридна војна

Генералниот секретар на НАТО смета дека Путин, откако не успеа на фронтот, се свртел кон напади врз цивили за да ја скрши волјата на Украина за борба. Тој рече дека Русија ги таргетира украинските градови со ракети и беспилотни летала и се обидува да уништи клучна инфраструктура пред зимата.

„Русија, исто така, ја интензивираше својата кампања на непријателски активности низ Европа. Путин се обидува да нè подели, да ги дестабилизира нашите општества и да ја наруши нашата поддршка за Украина преку палежи, инциденти со беспилотни летала, кибернапади и други злонамерни дејствија. Но, да бидеме јасни - тој не успева. Ние одговараме на секој руски хибриден напад врз нашите земји со испраќање уште поголема помош на Украина“, рече тој.

Проценки за вкупните загуби

Алијансата претходно процени дека Русија имала повеќе од 50.000 жртви само во септември, од кои 28.000 биле убиени, што е значително повеќе од загубите на украинските вооружени сили. Според проценка објавена ова лето, НАТО верува дека Русија изгубила повеќе од 1,4 милиони војници од почетокот на инвазијата.

Тагови: Марк Руте русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер