Презентација на орото „Копачка“ и „Гласоечкото пеење“ во Словачка и во Бугарија - Канал 5

Култура

Презентација на орото „Копачка“ и „Гласоечкото пеење“ во Словачка и во Бугарија

Орото „Копачка“ од делчевско Драмче и „Гласоечкото пеење“ од Горни Подлог, како нематеријални културни добра од Македонија заштитени од УНЕСКО, годинава ќе бидат промовирани во Словачка и Бугарија на културни настани каде на иста сцена ќе настапат со состави кои негуваат европски нематеријални културни добра.

Презентација на орото „Копачка“ и „Гласоечкото пеење“ во Словачка и во Бугарија
Како што истакна Перса Стојановска, секретар на Здружението „Копачка“, соработката на триото Гавровски од Тетово и Здружението „Копачка“ од Драмче доби поддршка за реализација на овие проекти од Министерството за култура.

- Оваа година во соработка со триото „Гавроски“ од Тетово ќе учествуваме на традиционалните „Јаношикови денови“ кои ќе се одржат во август во Терхова, Словачка, каде ќе уествуваат европските нематеријални културни добра впишани во УНЕСКО. Потоа, како резултат на билатералната соработка на Македонија и Бугарија ќе организираме концерт под наслов „Промоција на Копачката и Гласоечко“ во Македонскиот културен центар во Софија. Овие два проекта ги работиме со Триото Гавровки од Тетово, рече Стојановска.

Таа додаде дека настапите на „Копачката“ во земјава и соседството и оваа година ќе бидат поддржани од ресорното Минситерство, а во рамките на програмата поддржан е и проектот „Копачката и соборите“

- Ние веќе неколку години работиме на истражувања на карактеристични изворни добра кои се белег за овој регион. Претходно трагавме по музичкиот инструмент ќемането, потоа по тамбурата, но оваа година сакаме да ја истражуваме темата за орото „Копачка“ и соборите. Тоа значи дека ќе ги истражиме варијантите на играта „Копачка“ што се изведува на соборите во Пијанец, бидејќи еден од најголемите предуслови за да биде впишано орото во УНЕСКО е токму тоа да биде живо, а дека е живо покажуваме ние во село Драмче на соборите. Но, орото се игра и на другите собори во Пијанец, така што ќе ги видиме и евидентираме варијантите на орото „Копачка“ и ќе направиме видеозаписи и каталог, рече Стојановска.

Здружението „Копачка“ ќе ја стартува 2017-та со промоција на монографијата од Димитар Узунски, „Копачката - чекор по чекор до УНЕСКО“ и документарниот филм „Копачката и УНЕСКО“, проекти кои се реализираа во текот на 2016 година. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

АД ЕСМ со демант до СДСМ: Нема доцнење на платите во ЕСМ, компанијата ги осудува обидите за внесување немир кај вработените

Платата за вработените во АД ЕСМ ќе биде исплатена во законскиот рок. 

АД ЕСМ со демант до СДСМ: Нема доцнење на платите во ЕСМ, компанијата ги осудува обидите за внесување немир кај вработените

Тековните административни усогласувања во компанискиот систем за исплата на личниот доход, се должат на едновремените барања од над 140 вработени за ажурирање и промена на нивните лични податоци, што наметна потреба од дополнително време за нивна техничка обработка и верификација до 06.11., со цел да се обезбеди сигурна и точна распределба на средствата.

Работењето на АД ЕСМ, кое изминатите две години минува низ интензивен процес на финансиска и техничко-технолошка консолидација, не треба во ниту еден случај да се поврзува со државниот Буџет, затоа што средствата за плати компанијата самостојно ги обезбедува без субвенции, за разлика од периодот 2021-2024 година.

Компанијата најостро ги осудува обидите на одредени политички партии за саботажа на енергетскиот сектор односно преку тенденциозно и лицемерно користење на вонредните административни прилагодувања - да создаваат лажен наратив и да внесуваат немир помеѓу вработените.

Во контекст на платите и надоместоците за вработените, би сакале да потсетиме дека е почнат процесот за зголемување на платите во АД ЕСМ согласно неодамна потпишаниот Колективен договор со репрезентативните синдикати. Исто така, на почетокот на јули е исплатен регресот за годишен одмор за 2026 година во 100% вредност, а последните две години вработените ја добиваат декемвриската плата пред почетокот на Новогодишните празници.

АД ЕСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Прогласена е вонредна состојба: Над 8.000 мигранти пристигнаа на шпански остров

Советот на шпанскиот остров Ел Иеро соопшти дека прогласил вонредна состојба за справување со миграциската криза, откако повеќе од 8.000 мигранти пристигнале на островот во Канарскиот архипелаг во последните пет недели.

Прогласена е вонредна состојба: Над 8.000 мигранти пристигнаа на шпански остров

Со декретот се бара и од владата на Канарските Острови и од шпанската држава да обезбедат дополнителен персонал и да спроведат систем на ротација за да им овозможат на членовите на Поморската служба за спасување, Здравствената служба на Канарските Острови, Државните безбедносни сили и Црвениот крст да бидат соодветно одморени, објави RTVE.

Претседателот на островскиот совет, Кабилдо, Алпидио Армас, рече дека вонредната состојба е прогласена за да „гарантира рамка за соработка со институциите за обезбедување на основните права“ и за пристап до буџетските ресурси потребни „за справување со овие непредвидени ситуации“.

Армас рече дека практично сите мигранти на островот доаѓаат од Сенегал.

Претседателот на Канарските Острови, Фернандо Клавихо, рече дека шпанскиот премиер Педро Санчез се обврзал итно да свика Комисија за имиграција и да ги зајакне ресурсите за здравствена заштита преку Државниот секретаријат за миграција. Декларацијата, исто така, предвидува воспоставување протоколи за координиран трансфер на мигранти на други острови со поголем капацитет и зајакнување на објектите за првичен прием на мигранти на островот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиевски: 130 години постоење на храмот ,,Свети Великомаченик Димитриј”, благодарам на честа!

Вчеравечер беше одбележана 130 годишнината од постоењето на црквата Свети Великомаченик Димитриј во Скопје. 

Ѓорѓиевски: 130 години постоење на храмот ,,Свети Великомаченик Димитриј”, благодарам на честа!

„Вечерва одбележуваме 130 години од изградбата на некогашниот Соборен храм.

Дом на верата во кој скопјани наоѓале утеха во тешките мигови, благодареле за радоста и се молеле за здравјето и мирот на своите најблиски.

Свето место што ја чува православната традиција и сведочи за духовната истрајност на нашиот народ.

Признанието кое вечерва го примив, како благодарност за помошта во реконструкцијата на придружните објекти на храмот, има посебно место во моето срце.

Ќе стои на почесно место на мојата полица, како едно од најдрагите признанија и како потсетник на обврската да го чуваме она што ни го оставиле нашите предци.

За мене, да се помогне е чест, но и одговорност пред генерациите што допрва ќе го пречекорат прагот на овој храм.

Им благодарам од срце на Архиепископот Охридски и Македонски г.г. Стефан, на отец Жарко и на свештенството на Македонската православна црква, за укажаната чест и за нивната посветеност во зачувувањето на верата, духовноста и заедништвото меѓу нашиот народ.

Нека уште многу векови овој храм биде полн со верници, со детски гласови и со искрени молитви.

Нека неговите камбани повикуваат на мир, љубов и добрина, а секој што ќе влезе во него нека пронајде утеха, надеж и сила.

Нека ни е вековит храмот „Свети великомаченик Димитриј“!

За многу години!“, објави на ФБ градоначалникот Орце Ѓорѓиевски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер