Претставата „Лов на дива свиња“ утре премиерно во Подгорица - Канал 5

Култура

Претставата „Лов на дива свиња“ утре премиерно во Подгорица

По успешната праизведба летово на сцената во Македонскиот народен театар, претставата „Лов на дива свиња“ утре премиерно ќе се одигра пред публиката во Градското позориште Подгорица, а на 8 септември е закажана и првата реприза.

Претставата „Лов на дива свиња“ утре премиерно во Подгорица

Од МНТ информираат дека „Лов на дива свиња“ е современа драма и симбиоза на два авторски текста потпишани од Марија Сарап – „План Б“ и „Лов на дива свиња“. Претставата се занимава со интимна и силна исповед за жените, кои преживуваат семејно насилство и фемицид, нивната борба за себеидентификација и начините на кои се соочуваат во токсичните околности каде што се губат себеси. Делата на Сарап, општо земено, се карактеризираат со длабока психологизација на ликовите и истражување на социјалните и семејните теми, често фокусирајќи се на женските перспективи и нивните борби во патријархалните општества.

Претставата ќе се игра двојазично – на македонски и на црногорски јазик, а сензибилитетот на актерите од двете земји ѝ носи дополнителна динамика и културна тежина.

Претставата е копродукција меѓу Македонскиот народен театар, Градското позориште Подгорица и Здружението за развивање уметност и културна соработка „Арт Медиа“ од Скопје. Во претставата играат актери од двете земји: Ана Стојановска, Искра Ветерова-Славенска и Мина Јелушиќ-Јериниќ од Македонија, како и Ѓоргије Татиќ и Вукан Пејовиќ од Црна Гора.

Марија Сарап е современа писателка од Црна Гора, која од неодамна е уметнички директор на Црногорско народно позориште. Поплавска е македонска режисерка што на нашата публика ѝ донесе значајни претстави и долгогодишен соработник на МНТ, каде што ги постави мјузиклите „Чикаго“, „Мама миа“, „Архангелот над Скопје“ и многу други.

Режисерката Поплавска која е претседател на „Арт медиа“, иницираше театрите на двете земји да потпишат Меморандум за соработка, а во јуни годинава директорите на двете театарски институции, Никола Кимовски на МНТ и Сандра Вујовиќ на Градско позориште Подгорица, по потпишувањето, решија веднаш да започнат со реализација на претставата „Лов на дива свиња“, што е првиот заеднички проект. Со тоа започнува културната размена што предвидува развој на современата театарска сцена во регионот, поинтензивна соработка и нови регионални иницијативи меѓу Македонија и Црна Гора.

-Ова е приказна за демоните што ги ловиме цел живот во себе и се обидуваме да ги избркаме од себе за да бидеме подобри луѓе, вели Сарап.

Режисерката Поплавска додава дека се работи за „Женска тема со јасна порака, приказна за семејно насилство и семејни тајни, демони што се пренесуваат во фамилијата. Оваа претстава е женски крик на сите оние што доживеале дел од она што ние го поставивме на сцената. Претставата ја отвора темата фемицид и истовремено е апел до сите засегнати институции. Мисијата сме ја постигнале, доколку барем некој во публиката одлучи да каже: Доста е!“, истакнува Поплавска и додава: „Со оваа претстава создадовме простор каде што актерите, без разлика на националноста и јазикот, заедно креираат искрена, силна и емотивна приказна. Радоста, енергијата и креативноста се чувствуваа на секоја проба и изведба.“

Во претстојниот период, претставата ќе продолжи да се изведува на сцените на Македонскиот народен театар и Градското позориште Подгорица, со ангажман на две технички екипи, додека актерите ќе патуваат на релација Скопје – Подгорица. Соработката меѓу двете институции ја поттикнува долгорочната културна размена и заедничкото творештво на современи автори и уметници од регионот. Покрај изведбите што се планирани во Македонија и Црна Гора, „Лов на дива свиња“ ќе учествува и на регионални и меѓународни фестивали, каде што ќе продолжи да ја пренесува својата универзална порака. Проектот е одличен пример за значењето на уметничката соработка и создавање заедничка театарска сцена, која ги надминува границите и промовира важни општествени теми.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Нисан учи од Кинезите: Развојот на нов автомобил сега трае двојно пократко!

Новата генерација на Нисан Скајлајн е развиена за само 26 месеци.

Нисан учи од Кинезите: Развојот на нов автомобил сега трае двојно пократко!

Нисан значително го скрати времето потребно за развој на нови модели, а компанијата признава дека голем дел од својата инспирација ја пронашла во начинот на кој работат кинеските производители.

Компанијата претходно потрошила околу 50 месеци развивајќи целосно нов автомобил, додека овој период сега е скратен на 37 месеци. Некои модели можат да се развиваат за само 30 месеци, што е за околу 40 проценти побрзо од претходно.

Еден од најдобрите примери е новата генерација на моделот Скајлајн, чиј развој е завршен за само 26 месеци.

Кинескиот рецепт за побрз развој

Казујуки Јамагучи, извршен директор на Нисан, вели дека компанијата повеќе нема време за долгорочни процеси и инсистирање на совршенство во секој детаљ.

Наместо да развива неколку различни дизајнерски решенија, Нисан сега ги групира моделите во семејства со заеднички технички основи. Ова овозможува дел од работата да се користи повторно, а развојот станува многу побрз.

Дигиталните технологии исто така играат голема улога. Нисан сè повеќе користи вештачка интелигенција, дигитални близнаци, виртуелна реалност и виртуелно тестирање, што ја намалува потребата од физички прототипови.

Компанијата ја промени и организацијата за развој. Наместо повеќе менаџери кои можат да имаат различни мислења и да го забават процесот, главната одговорност сега е на директорот на програмата, додека главниот инженер е одговорен да се осигура дека автомобилот ги исполнува поставените цели.

Кинезите се уште се побрзи

Иако Нисан постигна голем напредок, сè уште не може да го следи темпото на кинеските производители. Тие можат да развиваат нови модели за само 18 до 24 месеци.

Јамагучи верува дека дел од разликата произлегува од различната деловна култура. Кинеските компании можат да работат практично нон-стоп, додека таков начин на работа во Јапонија не е можен.

Затоа, Нисан се обидува да го забрза развојот без да жртвува квалитет, бидејќи, како што вели компанијата, брзината на лансирање нови производи на пазарот стана прашање на преживување.

Извор: Б92

Тагови: Нисан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Црвен аларм во Грција поради шумски пожари

Денес во Атика и неколку други региони во Грција беше издадена црвена тревога за шумски пожари, а властите го кренаа нивото на подготвеност на највисоко ниво.

Црвен аларм во Грција поради шумски пожари

Денес во Атика и други региони на Грција беше издадена црвена тревога за шумски пожари, објави Генералниот секретаријат за цивилна заштита на Министерството за климатска криза и цивилна заштита.

Државниот апарат е ставен во висока оперативна подготвеност поради опасноста од пожари, објави „ERT News“. Црвената тревога за шумски пожари е издадена за регионот Атика, вклучувајќи ја Китера, како и регионалните единици Коринт, Арголис, Аркадија и Лаконија.

Истата тревога е издадена и за регионот Крит и регионалните единици Беотија, Фтиотида и Евија.

Во северниот Егеј, црвената тревога се однесува на регионалните единици Лезбос, Хиос, Самос и Икарија, како и на Кикладите во јужниот Егеј.

Активирањето на црвената тревога за пожар значи дека националниот механизам за цивилна заштита е ставен во целосна мобилизација, со распоредување на потребниот персонал, опрема и ресурси за справување со потенцијални пожари.

Фото: ВИ

Тагови: грција пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Со нетрпение го чекаме Мицкоски од екскурзија

Брисел е многу популарна дестинација за летување, особено за екскурзии.

СДСМ: Со нетрпение го чекаме Мицкоски од екскурзија

Екскурзија е организирано патување на група луѓе - најчесто ученици или студенти, заради учење, запознавање нови места, култура, историја… или во овој случај, заради одмор и политичко препакување.

Со нетрпение го чекаме враќањето на Христијан Мицкоски.

Одвои осум дена. Остануваат уште седум.

Четири дена Брисел - „стручна екскурзија“.

Таму, како што доликува на сериозна стручна посета, ќе се запознава со фабрики, институции и, секако, со Европската комисија. За да стекне практични знаења за… францускиот предлог.

Ќе почекаме да се врати.

Па сите да научиме дека францускиот предлог воопшто не е лош.

Исто како што од Мицкоски научивме дека НАТО не е лош - напротив, феноменален.

Исто како што од Мицкоски научивме дека Преспанскиот договор е ремек-дело на дипломатијата и многу други убави работи.

Ќе треба само малку повеќе време гласачите на ВМРО да го сфатат тоа.

Затоа што до вчера Мицкоски ги учеше сосема спротивно, додека клечеше и ветуваше само за да дојде на власт.

Единствена трајна последица од тоа патриотско клечење во претходната кампања е што сега го болат колената.

Затоа и го зеле седиштето 11D - да може да ги испружи.

Со нетрпение го чекаме.

Ќе имаме многу да учиме.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер