Претставата „И коњите ги убивааат, зар не?" е најдобра на МТФ „Војдан Чернодрински“. - Канал 5

Култура

Претставата „И коњите ги убивааат, зар не?" е најдобра на МТФ „Војдан Чернодрински“.

Претставата „И коњите ги убивааат, зар не?" на битолски театар е најдобра на 55 МТФ „Војдан Чернодрински".

Претставата „И коњите ги убивааат, зар не?" е најдобра на МТФ „Војдан Чернодрински“.

Претставата „И коњите ги убиваат, зар не?" на битолскиот театар е најдобра претстава во целина на годинашниов 55 Македонски театарски фестивал „Војдан Чернодрински", а Мартин Кочовски ја има наградата за најдобра режија на оваа претстава.

Ова е одлуката на фестивалското жири во состав Ѕвездана Ангеловска, актер и режисер, Бајруш Мјаку, актер и театрологот од Србија Александар Милосављевиќ.

Жирито одлучи да ја награди и претставата „Мојот маж" на Драмски театар од Скопје за севкупен уметнички ангажман и резултат на авторот и на актерите.

Актерот Јордан Симонов е добитник на наградата за најдобра машка главна улога за улогата на Филип во претставата „Мој термин" на Македонскиот народен театар, а Наталија Теодосиева има остварено најдобра главна женска улога, со улогата на неколку ликови во претставата „Мојот маж" на Драмски театар.

За најдобра машка епизодна улога, наградата „Димче Трајковски" му е доделена на Горан Стојаноски за улогата на Силвестер во претставата „Крик за љубов" на охридскиот театар, а актерката Гентијана Рамадани за најдобра епизодна женска улога за улогата на Ина во претставата „Мурлин Мурло" на албанскиот театар.

Сабина Мемиши е добитник на наградата за млада актерка за улогата на Олга во претставата „Мурлин Мурло", а наградата за најдобар млад актер „Трајко Чоревски" ја доби Исидор Јованоски за улогата на Оливер Глембај во претставата „Глембаеви" на прилепскиот театар.

Наградата за најдобра сценска драматизација им се доделува на Нела Витошевиќ и Викторија Рангелова–Петровска за драматизација на колажот од раскази на Румена Бужаровска во претставата „Мојот маж" на Драмски театар. Најдобра е сценографијата на Ивана Кнез за претставата „Глембаеви" на прилепскиот театар, а костимите на Роза Трајчевска–Ристоска се најдобри за претставата на Драмски „Мојот маж".

Фестивалското жири наградата за кореографија и сценски движења му ја додели на Игор Киров за претставата „Едип коментари" на штипскиот театар, а групата Фолтин ја доби наградата за најдобра музика за претставата на битолскиот театар „И коњите ги убиваат, зар не?".

На годинашниов Фестивал најдобар рекламен материјал направи Борче Димитријоски за претставата „Едвард раце ножици" на Театарот за деца и младинци.

Наградите ќе бидат доделени вечер во прилепскиот народен театар. Во чест на наградените првенците на Драмски театар ќе го изведат омажот „Драмски за Конески" за великанот на македонскиот јазик, литература и култура Блаже Конески. Со тоа ќе биде затворен годинашниов 55 Македонски театарски фестивал „Војдан Чернодрински".

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Халанд играл болен против Англија?

 Норвешката ѕвезда Ерлинг Халанд играше во четвртфиналето на Светското првенство против Англија со вирус, тврди поранешниот напаѓач на Челзи, Тони Каскарино.

Халанд играл болен против Англија?

Каскарино изјави дека за време на полувремето од натпреварот меѓу Англија и Норвешка – во кој „Гордиот Албион“ победи со 2:1 по продолженијата – добил порака од сигурен извор дека Халанд пред натпреварот се борел со вирус и дека влегол во игра во таква состојба.

„Физички не изгледаше добро. Излезе од игра, а не се работеше за повреда. Претпоставувам дека она што го слушнав беше точно. Боледуваше“, изјави Каскарино, пренесува „ТокСпорт“ (TalkSport).

Халанд го одигра својот најлош натпревар на Светското првенство против Англија, едвај ја допре топката покрај голманот на Англија, Марк Гехеј, и Џон Стоунс, изгледајќи чудно, а теоријата за вирусот звучи сосема реално.ж

Четири дена пред натпреварот помеѓу Норвешка и Англија, се појави информација дека вирусот ја „покосил“ соблекувалната на Викинзите, но потоа, се разбира, не беше објавено кои играчи „паднале“. Сега се покажува дека вирусот ја заразил и најсилната алка во норвешкиот тим, кој не успеа да ја продолжи бајката на Викинзите на Светското првенство и да го одведе својот тим до полуфиналето. Халанд остана на теренот до крајот на првото продолжение, по што беше заменет од тренерот на Столе Солбакен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

„Фокус“: Во Скопје е запален автомобилот кој го користеше екс-судијата Ѓоко Ристов

Во скопската населба Тафталиџе ноќеска целосно изгоре патнички автомобил, кој, според неофицијални информации што ги објави Фокус, го користел судијата Ѓоко Ристов.

„Фокус“: Во Скопје е запален автомобилот кој го користеше екс-судијата Ѓоко Ристов

Министерството за внатрешни работи информира дека ноќеска околу 02:50 часот, во СВР Скопје било пријавено дека на територија на карпош, било опожарено патничко возило „пасат“ со скопски регистарски ознаки, сопственост на Ѓ.Р..

„Од пожарот биле оштетени и патничко возило „фолксваген туран“, патничко возило „сангјонг“ и деловен објект.. Огнот бил изгаснат од екипа на бригадата за противпожарна заштита Скопје. “ велат од МВР.

Ѓоко Ристов е поранешен судија во скопска апелација, против кого се води судски случај за пронајдените 350.000 евра заѕидани во семејната куќа во неготино.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мисајловски во увид на градежните активности во касарната во Ќојлија

Мисајловски во увид на градежните активности во касарната во Ќојлија, градежни инвестиции на армиските објекти низ повеќе касарни.

Мисајловски во увид на градежните активности во касарната во Ќојлија

Министерот за одбрана Владо Мисајловски денеска (13 јули) во армиската касарна во Ќојлија изврши увид на градежните активности кои во моментов се реализираат на објект во оваа касарна. Проектот тежи 10,7 милиони денари, обезбедени со буџетот на одбраната. Овој објект минатата година доби целосно нова кровна конструкција.

Мисајловски при увидот порача дека прекинува праксата на неинвестирање во армиската инфраструктура и дека посветеноста кон менување на состојбите може да се види и преку објектот во касарната во Ќојлија каде се врши целосна внатрешна реконструкција – прозори, врати, подна облога и реконструкција на сите санитарни јазли во објектот.

„Моментално присутни во сите касарни...Се работи и во Велес, се заменуваат покривите насекаде во касарните, правиме нови капацитети во Прилеп согласно модернизацијата, посебни капацитети за тие возила, исто така за артилеријата итн. Се надевам дека набрзо и во Штип ќе дојдете да видите дека целосно направивме таму целосно нови објекти, но продолжуваме и со нови технички документации за следната година“, рече министерот. Додаде дека приоритетите се поставуваат од страна на Армијата и дека ќе се инвестира согласно одбранбениот буџет кој ќе продолжи да расте.

Министерот истакна дека во моментов се работи, а ќе се започнат активности и на дополнителни големи инфраструктурни зафати низ сите армиски касарни, како и Воениот стадион, Военомедицинскиот центар, Домот на Армијата, Воената академија.

Изминатиот период реализирани се дваесетина инфраструктурни проекти во вредност од над 3,1 милиони евра, додека во фаза на реализација се пет проекти во повеќе касарни со вредност од над 850.000 евра. Во овој момент идентичен проект како оној во касарната во Ќојлија се реализира и во велешката касарна.

Во Ќојлија, министерот ги посети и припадниците на Инженерскиот баталјон кои се стационирани во оваа касарна. Армиските инженерци неодамна добија и нова инженериска механизација пристигната во рамките на првиот пакет поддршка преку Европскиот мировен фонд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер