Култура

Претставата „Аида“ на затворањето на 45- Мајски оперски вечери

Со Вердиевата „Аида“ вечер во Македонската опера и балет ќе бидат затворени 45. Мајски оперски вечери. Оваа година во „Аида“ ќе настапат солисти од Турската државна опера од Истанбул. Режисер е Дејан Прошев, а диригент Вања Николовски-Ѓумар.

Насловната улога ќе ја игра Дениз Јетим, а во екипата се и: Ајше Озкан (Амнерис), Ефе Кислали (Радамес), Тунџај Куртоглу (Рамфис), Џенгиз Сајин (Амонасро), Драгољуб Бајиќ од Србија (Фараон), Надежда Рубен (Главна свештеничка), Марјан Николовски (Гласник).
Ќе настапат оркестарот, хорот и балетскиот ансамбл на Македонска опера и балет. Сценографијата е на Зоран Костовски, костимограф е Елена Дончева, кореограф - Снежана Филиповска.

Раководителот на маркетинг Горан Цветковиќ на денешната прес-конференција истакна дека годинава одбележуваат два јубилеи - 70 години од основањето на МОБ и 45 години Мајски оперски вечери. Додаде дека во изминатиот период се труделе да направат што побогата и поквалитетна програма.
Упати благодарност до Министерството за култура за поддршката на програмата и до актуелниот директор Игор Дурловски кој, како што рече, ни даде сила, а целото искуство кое го имаше стекнато во странство ни го пренесе и ни даде мотивација да ја направиме оваа куќа грандиозна. - Негова беше идејата да ја вратиме најмалата публика, да го формираме детскиот викенд и тоа даде сериозни резултати, рече Цветковиќ.

Уметничкиот раководител на операта Сони Петровски нагласи дека вечер публиката ќе има можност да ги види едни од најистакнатите турски солисти, како и нашиот композитор и диригент Вања Николовски-Ѓумар кој живее и работи во САД.

Тој информира дека по Мајските оперски вечери ќе имаат пауза од десетина дена, а на 12 јуни ќе имаат концерт во чест на професорот Коста Трпков во соработка со студентите од државните универзитети од Македонија и со студенти од Ниш. На 24 јуни МОБ ќе учествува на Скопско лето со едно од најпознатите дела на Моцарт, „Реквием“ каде како солисти ќе настапат Ана Дурловски, Благој Нацоски, Владимир Саздов... Со мјузиклот „Тајно моја“ ќе гостуваат на театарскиот фестивал „Војдан Чернодрински“ во Прилеп.

Уметничкиот раководител на балетот Олга Панго нагласи дека „Аида“ ќе биде на едно завидно ниво со гостите од Турција. Балетот на 13 јуни ќе ја изведе претставата „Црвена соба“, а на 30 јуни на Скопско лето ќе имаат премиера на претставата со работен наслов „Ла ла“ во кореографија на Саша Евтимова, а на музика на Драган Ѓаконовски - Шпато и со една нумера од Дуке Бојаџиев. Таа ќе биде изведена пред платото на МОБ. Балетот со „Дон Кихот“ на 5 јули ќе гостува во Пловдив, а на 14 јули со „Ла ла“ на Охридско лето. На 19 јули ќе бидат дел од Сплитско лето со „Црвената соба“.
Директорот на истанбулската опера Суат Арикан ги претстави солисти од Турската државна опера од Истанбул и додаде дека соработката ќе продолжи и во иднина. Најави дека македонските солисти ќе гостуваат кај нив.

На паузата на претставата „Аида“ ќе приреди коктел за сите присутни, а авиокомпанијата „Туркиш ерлајнс“ по случаен избор ќе му додели два билета на најсреќниот посетител.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Андоновски од Белград: Инвестициите во ИКТ-индустријата и технологијата го движат економскиот раст

Министерот за дигитална трансформација, Стефан Андоновски, учествуваше на економскиот форум BELTALKS 2026, кој вчера и денес се одржува во Белград, Република Србија, во организација на GLOBSEC.

Во рамки на форумот, министерот Андоновски беше говорник на панел-дискусијата „Градење економија заснована на вештачка интелигенција: податоци, инфраструктура и конкурентност“.

„Разговараме за иднината на регионот од економски аспект, а јас ги претставувам можностите за инвестирање во Македонија во областа на новите технологии и вештачката интелигенција. Имаме добар почеток, затоа што Македонија забележа раст на БДП од 3,7 проценти во првата половина од 2026 година и раст од 4,3 проценти во вториот квартал, во услови на ниска инфлација. Овој раст е воден и од инвестициите во ИКТ-индустријата и технологијата“, изјави Андоновски.

„Затоа сме тука – да отвориме нови можности за инвестиции во дата-центри, примена на вештачката интелигенција и развој на технолошки компании, како и да привлечеме што е можно повеќе компании, разновиден капитал и ново знаење во Македонија“, додаде министерот.

На панелот учествуваа и претседателката на Народното собрание на Република Србија, Ана Брнабиќ, претседателот на Стопанската комора на Србија, Марко Чадеж, и претседателот на Извршниот одбор на Yettel Bank, Александар Богдановиќ.

Дискусијата беше насочена кон можностите Западен Балкан да се позиционира како центар за иновации, дата-центри и нови технологии, како и кон значењето на дигиталната инфраструктура, енергетските капацитети, човечкиот капитал и поволното деловно опкружување за привлекување високотехнолошки инвестиции.

За време на форумот, министерот Андоновски даде изјава и за гледачите на Македонската радио-телевизија, во која се осврна на придонесот на ИКТ-индустријата во економскиот раст и на можностите за нови инвестиции во Македонија.

Во продолжение на форумот, министерот Андоновски ќе учествува и на затворената тркалезна маса „Еден регион, еден пазар? Трговијата, работната сила, инвестициите и иднината на регионалната интеграција“.

BELTALKS 2026 го отвори претседателот на Владата на Република Србија, Ѓуро Мацут, додека завршното обраќање е предвидено за претседателот на Република Србија, Александар Вучиќ. Форумот обедини високи политички претставници, носители на одлуки и претставници на деловната заедница од регионот и Европа.

Кабинет на Министер

Стефан Андоновски,

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Србин за малку ќе испаднеше од авион на Рајанер- од компанијата ги оспоруваат неговите тврдења

Авиокомпанијата „Рајанер“ објави дека ќе ги оспори тврдењата на патникот Љубиша Каровиќ дека дел од неговото тело бил надвор од авионот откако се скршил прозорец на летот од Грција до Германија во јули.

Во инцидентот, кој сега го истражуваат американските регулатори, 61-годишниот претприемач бил сериозно повреден, пишува „Гардијан“.

Адвокатот на српскиот претприемач тврди дека неговиот клиент морал да биде повлечен назад во кабината од други патници бидејќи неговата глава и десна рака биле исфрлени од отворот поради ненадејна декомпресија.

Шефот на „Рајанер“ ги негира тврдењата

Извршниот директор на „Рајанер“, Мајкл О'Лири, не се согласува со таа верзија. Тој им изјави на новинарите по годишното собрание на акционерите во Даблин дека компанијата ќе го побие таков опис на настанот. Тој рече дека Каровиќ „сигурно бил повлечен кон прозорецот, но не излетал низ него“.

„Тој не бил делумно низ прозорецот. Ниту еден дел од неговото лице не завршил надвор“, рече О'Лири. „Веруваме дека ниту еден дел од неговото тело не бил надвор од авионот, иако тој навистина бил повлечен кон прозорецот во многу драматични околности“.

Тој нагласи дека Србинот носел сигурносен појас и најави: „На крајот од процесот сигурно ќе оспориме дека тој или кој било дел од неговото тело бил надвор од прозорецот“. Сепак, додаде дека не се обидува да ја намали сериозноста на ситуацијата и дека компанијата ќе почека на резултатите од извештајот од Националниот одбор за безбедност во сообраќајот на САД (NTSB), кој ја води истрагата.

Улогата на сопругата во спасувањето

Самиот Каровиќ изјави во претходно интервју дека верува оти сигурносниот појас го држел во авионот додека ја губел свеста.

Неговата сопруга Светлана рече дека клучната улога во спасувањето ја одиграла друг патник додека го гледала својот сопруг кој бил „половина во авионот, а половина надвор од него“. Таа рече дека непознатиот патник, за кого веруваат дека е Албанец, „направил сè за да го внесе внатре“, а потоа успеал да го блокира отворот со куфер.

Тагови: Рајанер Србинот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Уапсени се 12 вочачи- 11 возеле без возачка дозвола

Лишени од слобода 12 возачи за „безобѕирно управување возило“, 11 возеле без возачка дозвола и еден под дејство на алкохол .

Во текот на изминатото деноноќие, на различни локации во државата, полициски службеници лишија од слобода 12 возачи поради сторено кривично дело „безобѕирно управување возило“ по член 297-а од Кривичниот законик. Од нив, 11 управувале возило без положен возачки испит и тоа: С.И.(24), Ф.Б.(24), Б.М.(21), Д.С.(20) и С.Р.(36) од Скопје, С.Ф.(30) од Зелениково, Џ.У.(34) од село во општина Чашка, О.Ф.(41) од крушевско, Ф.В.(24) и Д.М.(31) од Куманово и кумановско. Додека, С.А.(34) од кичевско возел без возачка дозвола и со брзина од 100 км на час на место каде што максимално дозволената брзина изнесува 40 км на час.

Од слобода е лишен и А.С.(37) од село во општина Илинден бидејќи возел под дејство на алкохол. По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.