Претставата „12“ на МНТ прогласена за најдобра претстава на Фестивалот „5 РЕ“ - Канал 5

Култура

Претставата „12“ на МНТ прогласена за најдобра претстава на Фестивалот „5 РЕ“

За најдобра женска улога во претставата „Госпоѓа министрека“ наградена е Зорица Панчиќ, а за најдобра машка улога наградата ја доби Александар Крстиќ во претставата „Кој се плаши од Вирџинија Вулф". 

Претставата „12“ на МНТ прогласена за најдобра претстава на Фестивалот „5 РЕ“

На сцената на театарот „Јордан Хаџи Константинов-Џинот во Велес синоќа на свеченото затворање на фестивалот на комедијата „5 РЕ“, што се одржа по четврти пат, беа доделени наградите на фестивалот. Претставата „Покојник", на Црногорското народно позориште ја доби наградата за најдобра претстава по избор на публиката, додека претставата „12" на Македонскиот народен театар беше прогласена за најдобра претстава по избор на жири комисијата.

За најдобра женска улога во претставата „Госпоѓа министрека“ наградена е Зорица Панчиќ, а за најдобра машка улога наградата ја доби Александар Крстиќ во претставата „Кој се плаши од Вирџинија Вулф". Марија Новак доби награда за најдобра споредна женска улога во претставата „Секс, лаги и љубомора", а Сашо Тасевски за најдобра споредна машка улога во претставата „Фамилија Адамс". За најдобра режија наградата ја доби Синиша Ефтимов за претставата „12".

За наградите одлучуваше жири комисија составена од Александар Ѓорѓиев, Александар Ивановски и Миле Вратеовски.

Како што потенцираат од МНТ, во претставата „12“ извонредните актери Ѓорѓи Јолевски, Гораст Цветковски, Тони Михајловски, Никола Ристановски, Благој Веселинов, Александар Микиќ, Игор Џамбазов, Јордан Симонов, Нино Леви/Сенко Велинов, Оливер Митковски, Владо Јовановски и Сашко Коцев, досега ги освоиле домашниот и меѓународниот аудиториум со својата силна социјална порака и извонредната актерска игра, а овие награди се дополнителна сатисфакција за освојување на нови признанија.

Фестивалот „5 РЕ“ синоќа го затвори Сашко Коцев со својот стенд ап настап „Широк дијафазон“.

Фестивалот, што го организира ЗГ „Плус Публика“ со поддршка на Општина Велес, траеше од 27 март до 16 април и во негови рамки беа изведени десетина претстави на театари од земјава, Црна Гора и Србија.

Во рамките на фестивалот, за првпат беше прикажана дигитално реставрирана копија на филмот „Мис Стон“ снимен (1958) во режисерот Жика Митровиќ, филм во кој доајенот на македонската театарска сцена Петре Прличко во 1959 година ќе ја добие наградата „Златна Арена“ на фестивалот во Пула.

Тагови: 12 5РЕ МНТ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски крати пари за здравството додека не работат апарати, нема лекови и терапија – хаосот продолжува

Додека пациентите чекаат со месеци за дијагностика, апаратите и скренерарите не работат, терапиите доцнат, нема лекови Владата на Мицкоски со новиот ребаланс ги намалува парите за здравството.

СДСМ: Мицкоски крати пари за здравството додека не работат апарати, нема лекови и терапија – хаосот продолжува

Од капиталните инвестиции се кратат 100 милиони евра. Помалку пари се предвидуваат за болниците во Штип и Кичево, но и за ретки болести и за инсулин.

Власта ги намалува парите за здравјето на граѓаните, во услови кога здравствениот систем веќе е во хаос.

Три недели во Клиничкиот центар не работеше ниту еден компјутерски томограф.

Пациентите чекаат прегледи неопходни за навремена дијагноза и лекување.

ПЕТ-скенот, неопходен за онколошките пациенти, во изминатите две години е проследен со дефекти и прекини во работата. По последното пуштање во употреба работел само неколку дена, па повторно се расипал. Пациентите чекаат и по пет месеци за преглед од кој зависи понатамошното лекување.

Само минатата година биле дијагностицирани 1.000 нови пациенти со рак на дојка.

Наместо навремена дијагностика и сигурна терапија, онколошките пациенти во повеќе наврати остануваа со месеци без потребните лекови поради административна неодговорност и незаинтересираност на власта.

За овие пациенти секое одложување на прегледот или терапијата може да има животозагрозувачки последици.

Дел од клиниките работат со само една операциона сала, со недостиг на медицински персонал и со апарати чија исправност е неизвесна. Граѓаните редовно плаќаат здравствено осигурување, а потоа лутаат од една во друга болница и чекаат со месеци за основна здравствена услуга.

Во Гостивар 5.000 луѓе се отруја. До денеска нема одговорност, а јавноста сè уште нема објавени резултати за водата, нема Извештај ниту за Гостивар ниту за над 50 населени места.

Во 21 век, додека здравствените системи вложуваат во нови технологии и современо лекување, власта на ВМРО не обезбедува ни исправни основни апарати, редовна терапија и навремени прегледи.

Ова е потфрлање во најважната обврска на секоја влада – заштитата на здравјето и животот на граѓаните.

Мицкоски и Клековски не можат да побегнат за хаосот во здравството.

Клековски треба да поднесе оставка.

Скопје, 20.10.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Зеленски, пристигнува во Осло на разговори за војната во Украина и европската безбедност

Претседателот на Украина, Володимир Зеленски, пристигнува во Осло на разговори за војната во Украина и европската безбедност, соопштија норвешката влада и ко-домаќинот Финска.

Зеленски, пристигнува во Осло на разговори за војната во Украина и европската безбедност

Ројтерс вчера објави дека специјалниот претставник на Трамп, Стив Виткоф, ќе отпатува во Норвешка оваа недела на рунда преговори за прекин на војната во Украина и дека се очекува да присуствуваат Зеленски и европски претставници.

„ Зеленски побара од Норвешка и Финска да закажат состанок како дел од тековните дипломатски напори, во ова критично време за Украина“, изјави норвешкиот премиер Јонас Гар Стоере.

Финскиот претседател Александар Стаб изјави дека ќе присуствува на состаноци со Зеленски и Стоере за да разговараат за „нелегалната агресивна војна на Русија против Украина и целокупната безбедносна ситуација во Европа“.

Во изјавите од Норвешка и Финска не се споменуваат никакви американски или европски делегации.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Француските власти воведоа полициски час во Париз и други градови по викендот исполнет со немири и грабежи

Француските власти воведоа полициски час во Париз и други градови по викендот исполнет со немири и грабежи.

Француските власти воведоа полициски час во Париз и други градови по викендот исполнет со немири и грабежи

Во Париз, ограничувањата важат во делови од центарот.

Полициски час е воведен и во Марсеј, Бордо, Ница, Лион и Лил.За време на протестите уапсени се повеќе од 2.500 лица, а околу 1.000 полицајци се повредени.

Министерот за внатрешни работи на Франција призна дека полицијата изгубила контрола во некои градови.Протестите започнаа со барања за подобри услови во училиштата, а потоа се проширија.

Демонстрантите протестирале и против високите трошоци за живот и влошувањето на јавните услуги.

Премиерот Себастијан Лекорну им дозволи на градоначалниците да воведат полициски час каде што е потребно.владата најави финансиска помош за обновување на областите погодени од насилството.

Повеќе од 2.000 продавници и други бизниси претрпеле штети за време на немирите.

Според француската стопанска комора, штетите се проценуваат на стотици милиони евра.француските власти анализираат снимки од безбедносните камери за да ги идентификуваат одговорните за насилството.

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер