Претстава за антисемитизмот триумфираше на „Тони“ наградите - Канал 5

Претстава за антисемитизмот триумфираше на „Тони“ наградите

„Леополдштад“ на Том Стопард, претстава за еврејско семејство и времето на Холокаустот ја освои американската театарска награда „Тони“ во најпрестижните категории на доделувањето во Њујорк.

Претстава за антисемитизмот триумфираше на „Тони“ наградите

Имено, пиесата освои четири награди, меѓу кои и за најдобра драма, што е уште една чест во долгата кариера на 85-годишниот британски драматург Том Стопард. Ова е петто „Тони“ признание за него, а тој ги работеше и сценаријата на оскаровските филмови „Бразил“ (1985) и „Вљубениот Шекспир“ (1998). „Леополдштат“ е едно од неговите „најинтимни“ дела... Имано, неговите баба и дедо починале во концентрациони логори.

Претставата ги доби и наградите за споредна машка улога - Брендон Урановиц, режисер - Патрик Марбер, како и за костимографија. Беше номинирана и за сценографија и за светло.

- Ме преплавија емоции кои чет-ботот не можеше да ги разбере!, се пошегува тој на сцената, на сметка на бумот на вештачката интелигенција, за којашто, нели, некои стравуваат дека ќе ја преземе уметничката креативност.

„Парада“, друго дело од областа на антисемитизмот, коешто раскажува за судењето и линчот на американски Евреин на почетокот на 20. век на американскиот југ, ја доби наградата за најдобар режисер.

„Тони“ за најдобар мјузикл - другата најпрестижна награда на вечерта, отиде во рацете на Кимберли Акимбо. Ова дело раскажува за тинејџерка која боледува од ретка болест поради којашто прерано старее.

Џоди Комер, позната од серијата „Убивајќи ја Ив“ ја доби наградата за најдобра глумица, за претставата „Прима фацие“. Претставата зборува за адвокатка која ги брани сексуалните престапници додека таа самата не се соочи со таков напад.

Од мај 2022. до мај 2023 година, со 40 нови продукции, театрите на Бродвеј привлекоа 12,2 милиони гледачи и остварија приходи од 1,5 милијарди долари. Во 2018. - 2019 година, Бродвеј привлече 14,7 милиони гледачи и донесе повеќе од 1,8 милијарди долари приход.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Вечерва на сцената на Македонската филхармонија два оркестра, два града

 „Профундис“ од Скопје и „Камерата“ од Нови Сад вечерва за првпат заедно на сцената на Македонската филхармонија, под диригентската палка на маестра Ѓурѓица Дашиќ

Вечерва на сцената на Македонската филхармонија два оркестра, два града

СКОПЈЕ, 19.11.2026: Вечерва, во 20:00 часот, во Големата сала на Македонската филхармонија, Камерниот оркестар „Профундис“ од Скопје и оркестарот „Камерата“ од Нови Сад ќе настапат како еден голем музички состав, под диригентската палка на маестра Ѓурѓица Дашиќ.

Музичарите од двата града ја споделуваат сцената во изведба во која оркестарот е вистинскиот главен актер. Наместо два ансамбли што настапуваат еден покрај друг, публиката ќе слушне една музичка целина, изградена од искуствата, изведувачките сензибилитети и уметничката енергија на двата оркестри.

„За мене, посебната вредност на овој концерт е во тоа што на сцената нема да имаме два оркестри кои само настапуваат еден покрај друг, туку два ансамбли кои преку заедничката работа создаваат една музичка целина. Соработката со Камерата ни овозможува да го прошириме музичкиот простор, да ја почувствуваме силата на поголемиот ансамбл и да создадеме изведба во која оркестарот е вистинскиот главен актер. Верувам дека публиката ќе ја препознае енергијата, посветеноста и музичката комуникација што стојат зад овој проект“, вели маестра Ѓурѓица Дашиќ, основач и диригент на „Профундис“.

Вечерната програма обединува четири дела од различни епохи и стилови. Публиката ќе ја доживее возвишената и полифонична звучност на „Фантазија на тема од Томас Талис“ од Ралф Вон Вилијамс, ритмичката динамика и современиот израз на „Последен круг“ од Освалдо Голијов и „Свита за гудачки оркестар“ од македонскиот композитор Стојан Стојков, а вечерта ќе ја заокружи темпераментната и виртуозна „Свита Кармен“ од Жорж Бизе, во оркестарска обработка на Родион Шчедрин.

Од суптилноста на музичките линии до ритмичката енергија и драматичните контрасти, секое дело носи поинаков предизвик и ја покажува ширината на изразните можности на заедничкиот ансамбл.

Со ваквите проекти, „Профундис“ продолжува да ја развива својата уметничка мисија, да воспоставува меѓународни соработки и да ја збогатува концертната сцена со внимателно осмислени музички продукции.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

ЕК предлага нов заем за Украина од 45 милијарди евра

Претседателката на Европската комисија, Урсула Фон Дер Лајен, предложи нов заем од 45 милијарди евра за Украина за 2027 година, обезбеден преку заедничко задолжување на ЕУ со гаранција од европскиот буџет.

ЕК предлага нов заем за Украина од 45 милијарди евра

Од пакетот, 25 милијарди евра би биле наменети за воени потреби, а 20 милијарди за буџетска поддршка. Средствата треба да покријат приближно две третини од очекуваниот финансиски недостиг на Киев од 70 милијарди евра следната година.

Според предлогот, Украина би го враќала заемот откако Русија ќе плати воени репарации. За одобрување е потребна едногласна поддршка од сите 27 членки, а противењето на Унгарија, Словачка, Чешка и Бугарија може да го забави договорот пред европскиот самит следната недела.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кривични пријави за два слуачи поврзани со силување деца

Полицијата поднесе кривични пријави за два случаи во кои биле силувани деца..  Едниот случај се случил во февруари 2026 година, а другиот во јули 2025 година.

Кривични пријави за два слуачи поврзани со силување деца

„СВР Скопје поднесе кривична пријава против П.Н.(49) од Скопје поради постоење основи на сомнение за сторено кривично дело силување на дете кое не наполнило 15 години. Во февруари 2026 година, пријавениот извршил полови дејствија врз малолетник“, соопшти полицијата. Втората пријава е поднесена протов двајца сторители.

„СВР Скопје поднесе кривична пријава против П.Н.(47) и А.Т.(62) од Скопје поради постоење основи на сомнение за сторено кривично дело силување на дете кое не наполнило 15 години. Во јули 2025 година, пријавените извршиле полови дејствија врз малолетник“, соопшти полицијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер