Претседателот на Уставниот суд најавува нова ера на транспарентност и судски активизам - Канал 5

Македонија

Претседателот на Уставниот суд најавува нова ера на транспарентност и судски активизам

Уставниот суд и покрај притисоците и влијанијата остана цврст столб на правната држава, и неприкосновен чувар на Уставот.

Претседателот на Уставниот суд најавува нова ера на транспарентност и судски активизам

Претседателот на Уставниот суд, Дарко Костадиновски, на годишната прес-конференција работењето на Уставниот суд изминатата година го оцени како ефикасно и транспарентно, нагласувајќи дека во услови на динамични општествени политички процеси Уставниот суд и покрај притисоците и влијанијата остана цврст столб на правната држава, и неприкосновен чувар на Уставот.

Уставниот суд, според Костадиновски, одговорил на доверената задача професионално, независно, непристрасно.

-Наспроти конформизмот на претходните состави овој состав на Судот покажа судски активизам. Не чекаше некој друг му ја заврши работата, внесовме и применивме значајни реформи. Судот преку својата работа покажа дека правдата не смее да чека, изјави Костадиновски.

Во решавањето на предмети од високи јавен и општествен интерес, како измените на Кривичниот законик, Изборниот законик, но и други Уставниот суд, Костадиновски рече, за првпат во своето постоење ја штитеше уставноста во нејзината најширока можна интерпретација, односно покрај материјалната условност почна да ја цени и формалната уставност или поедноставно како Собранието ги носи законите, во каква постапка.

- Уставниот суд излезе од формализмот и започна нова ера во уставната правда односно почна да ги применува таканаречените метаправни аргументи во својата работа, што значи да ја оценува легитимната цел општествената оправданост и нужност, како и пропорционалноста на законските решенија во однос на целите што сакаат да се постигнат, рече Костадиновски.

Суштината на овие новини, според Костадиновски, е да ја унапреди уставно правната култура, да воведе уставна дисциплина меѓу државните органи, да ги штити трите власти од пречекорување на границите на нивните надлежности и изместениот баланс на спреги и кочници - со еден збор да го обезбеди владеењето на правото и да ја врати довербата во правната држава.

-Ценејќи низ призма на чувствителните предмети на одлуките кои ги донесовме, ќе кажам дека не беше лесно и едноставно, ниту пак одлуките секогаш беа примани со одобрување во јавноста. Но, при носење на одлуките секогаш се водевме по една единствена цел, а тоа е нашата лојалност кон Уставот наспроти сите останати политички, економски, партиски обиди влијанија, изјави Костадиновски.

Тој упати апели до Судскиот совет да постапи итно неодложно и во најбрзо можно време да предложи кандидат за уставен судија, до Собранието да постапи итно не одложно и во најбрзо време да предложи и да избере уставен судија и до политичарите да покажат повисоко ниво на уставно правна култура, да се воздржат од лесно посегнување по етикети и поделби, да покажат реална, а не декларативна посветеност кон владеењето на правото.

-До државните органи да се однесуваат дисциплинирано, да го почитуваат Уставот и да ги штитат гарантираните права на граѓаните. И конечно до сите граѓани ние сме институција која ќе ги штити вашите права и која нема да прави компромиси. Запомнете силата на Уставот лежи во одлучноста на секој еден од нас да го почитува Уставот, а посветеноста и одговорниот пристап кон владеењето на правото и правната држава, претставува денес чин на највисок патриотизам, која е наш долг за сегашните и идните генерации, изјави Костадиновски.

Довербата на граѓаните во Уставниот суд продолжува да расте што, како што рече Костадиновски, се потврдува и со тоа што годинава има оформено рекордни 306 предмети, од кои 271 се иницијативи и барања поднесени од граѓани, седум од политички партии, осум од државни институции, три од општини и два предмета оформени по сопствена иницијатива.

- Овие бројки ми овозможуваат да изразам задоволство од укажаната доверба, бидејќи станува се појасно дека граѓаните во Уставниот суд гледаат правно засолниште, институција во која можат да најдат заштитата, рече Костадиновски.

Уставниот суд годинава има решено 230 предмети, што е приближно како и минатата година и се издигнува на просекот во последните пет години.

-Најголем број од решените предмети беа формирани минатата година. Најстариот предмет кој овој суд го реши оваа година датираше 2017, а тоа е Законот за електронски комуникации. Исклучително сум задоволен што изминатата година беше година на значајни историски одлуки и новини во Уставен суд, на конкретен начин, во предметот за Законот за електронски комуникации и измените во КЗ ја применивме новината односно таканаречените интерпретативни одлуки со која Судот за да не создава правни празнини одлучуваше и го задолжи Собранието да постапува во согласност со нашите правни стојалишта, нагласи Костадиновски.

Судот, подвлече Костадиновски, не се двоумеше да поништува закон, како што е примерот со Законот за данокот да се солидарност и не се колебаше да одлучува по таканаречените сензитивни предмети, постапувајќи за платите на судиите обвинителите, за линеарното усогласување на пензиите, верските училишта, Законот употреба на јазиците описот итн.

-Оваа година не стави пред значајни уставноправни предизвици. Наша оценка е дека Судот го положи тестот на професионално одговорно непристрасно и независно постапување во периоди кога бевме напаѓани и етикетирани со непристојни квалификации, кога се вршеа притисоци и влијанија, кога се искажуваа лаги и манипулации насочени кон поединци и кон целата институција. Од такви моменти манифестиравме интегритет и кредибилитет, чувајќи ја нашата независност самостојност во делувањето. Сум кажал и ќе повторам, нервозата кај политичките фактори, кај државните органи, значи само едно дека Уставниот суд е на правиот пат и успешно си ја обавува својата надлежност, изјави Костадиновски.

Уставниот суд, според Костадиновски и со намален број на судии продолжи да ја унапредува транспарентноста преку постојано и информирање за сите предмети и активности, а особено со редовното одржување на брифинзи, интервјуа и прес-конференции и на судиите и јас лично како претседател.

-Ќе работиме на обезбедување на широка поддршка од сите политички чинители за да се донесат уставни измени, во кои ќе се предвиди уставен основ за двотретински закон за Уставниот суд, како и да се воведе уставната тужба. Имајќи предвид дека сите технички предуслови се исполнети, јас лично како претседател, ќе инсистирам овој состав на Судот но овозможи снимање и пренесување на седниците на судот во живо, со цел граѓаните да се запознат со работата на Судот непосредно и да разберат какви одлуки, и на каков начин ги носиме. Тоа единствениот начин и најсилниот аргумент граѓаните да ја вратат довербата во институциите на системот, порача Костадиновски.

Тагови: Дарко Костадиновски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

БМВ воведува технологија, со која се спречува отоврање врата пред велосипедистите

Возилата од серијата Neue Klasse на BMW воведуваат технологија која треба да спречи чести несреќи, како што е отворање на вратата пред велосипедист. 

БМВ воведува технологија, со која се спречува отоврање врата пред велосипедистите

Системот не само што дава звучно предупредување за опасност, туку може и привремено да го блокира отворањето на вратата ако процени дека тоа би предизвикало судир.

Нова, дополнително подобрена функција за предупредување за напуштање на лентата дебитира во новиот модел iX3 од 2027 година и користи странични радари за следење на сообраќајот. Доколку системот детектира возило или велосипед во опасна близина, електронската брава ќе го одложи отклучувањето додека не помине опасноста.

Споредба со конкуренцијата

Треба да се напомене дека БМВ не е првиот производител со ваков вид технологија. Lexus го претстави својот систем e-Latch на NX пред неколку години, кој спречува отворање на вратите кога сензорите за слепа точка детектираат сообраќај. Слични решенија нуди и Audi, чии системи можат накратко да го одложат или спречат отворањето на вратите ако детектираат возила или велосипедисти што доаѓаат одзади.

Уникатна интервенција во управувањето

Сепак, BMW истакнува дека друга функција на платформата Neue Klasse е моментално единствена на пазарот. Станува збор за систем за итна интервенција со волан кој може да заобиколи пречка без да ја напушти сообраќајната лента. Како примери, тие наведуваат ситуации во кои пешак неочекувано стапнува на патот или велосипедист со неосветлено светло одеднаш се појавува во услови на слаба видливост.

Нови системи за помош на возачот

Списокот на електронски помагала не запира тука. Автомобилот може самостојно да го сврти воланот за да избегне потенцијален страничен судир, додека системот за итно сопирање сега препознава и животни. Во случај возачот да стане неспособен да вози, системот Attentiveness Assistant презема одговорност.

Тој самостојно го запира автомобилот, ги активира сите индикатори за насока и автоматски ги повикува службите за итни случаи. Проблемот со случајно притискање на педалата за гас наместо сопирачката на паркингот е исто така решен. При брзини до 2 км/ч, ако пречката е во рамките на еден метар и возачот ненадејно и силно притисне на гаста, автомобилот ќе ја игнорира командата и ќе застане сам.

Помоќен хардвер како основа

Сите овие функции се овозможени од нов, водено ладен компјутер за помош при возење, чијашто моќ на обработка е околу 20 пати поголема од претходната генерација. BMW најавува дека овие системи постепено ќе бидат воведени и во други модели. По премиерата во моделот iX3, технологијата пристигнува и во моделите од серијата i3, X5 и 7.

Тагови: велосипедисти БМВ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп склучи голем нафтен договор со Венецуела

Американскиот претседател Доналд Трамп објави дека САД постигнале договор со Венецуела со кој ќе ѝ се даде мнозинска контрола врз повеќе од 65 милијарди барели докажани резерви на нафта. 

Трамп склучи голем нафтен договор со Венецуела

Тој го нарече „најголемиот договор за нафта во историјата на светот“.

Трамп напиша на Truth Social дека договорот е преговаран, по негова насока, од страна на американскиот државен секретар Марко Рубио, секретарот за одбрана Пит Хегсет и привремената претседателка на Венецуела Делси Родригез, со учество на приватниот сектор.

„Тие обезбедија мнозинска контрола на САД врз повеќе од 65 милијарди барели докажани резерви на нафта во Венецуела, без никакви трошоци за американските даночни обврзници“, напиша Трамп.

Тоа е една петтина од резервите на Венецуела

Венецуела има најголеми докажани резерви на нафта во светот, повеќе од 300 милијарди барели. Според објавените информации, новиот договор опфаќа 17 нафтени полиња со околу 65 милијарди барели, или околу една петтина од вкупните резерви на земјата.

Според американски функционер запознаен со договорот, САД ќе формираат нова компанија со неименуван приватен партнер за развој на полињата во период од 100 години. Венецуелската влада проценува дека договорот би можел да привлече околу 100 милијарди долари инвестиции во нафтената индустрија на земјата.

Трамп вели дека договорот ќе „ги удвои резервите на нафта во САД“, ќе ја зголеми понудата и ќе ги намали цените на горивата во САД на долг рок.

Вашингтон сака да го зголеми производството во Венецуела

Договорот доаѓа речиси девет месеци откако американските сили го соборија и затворија Николас Мадуро, по што Делси Родригез ја презеде власта. Вашингтон оттогаш се обидува да ги зголеми испораките на венецуелска нафта до американските рафинерии и да ги привлече американските компании во запоставениот енергетски сектор на земјата.

Венецуела моментално произведува околу 1,25 милиони барели сурова нафта дневно, многу помалку отколку што произведуваше пред неколку децении. Години на недоволно инвестирање, санкции и лошо управување сериозно ја оштетија нејзината нафтена инфраструктура.

Родригез го поздрави договорот, велејќи дека ќе има значително влијание врз економското закрепнување на земјата.

Трамп под притисок поради цените на горивата

Администрацијата на Трамп се стреми да ги зголеми залихите на нафта пред изборите за Конгресот подоцна оваа година, додека растечките цени на бензинот вршат политички притисок врз Белата куќа.

Во исто време, САД бараат начини за надополнување на стратешките резерви на нафта, а дополнителното производство во Венецуела би можело да помогне и во стабилизирањето на залихите за американските рафинерии.

Деталите за тоа кои приватни компании ќе учествуваат, како точно ќе изгледа „мнозинската контрола“ на САД и кога дополнителната нафта би можела да стигне на пазарот сè уште не се објавени.

Тагови: Венецуела Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Страшно невреме ја погоди Швајцарија: Деца бегаа со крвави глави, градот уништи автомобили (ВИДЕО)

Силно невреме вчера погоди многу делови од Швајцарија, предизвикувајќи огромни штети. 

Страшно невреме ја погоди Швајцарија: Деца бегаа со крвави глави, градот уништи автомобили (ВИДЕО)

Силни ветрови, обилни врнежи од дожд и град предизвикаа хаос на патиштата, аеродромите и градовите, а во еден случај група деца беа повредени од градот.

Група деца од градинка беа заглавени во шумата во близина на Сејсах кога беа зафатени од бура. Според читател на весникот „Блик“, неговата петгодишна ќерка и неколку други деца претрпеле повреди на главата од градот.

Бурата остави сцени слични на воена зона на неколку места. Во Нерах, парчиња град со големина на топчиња за пинг-понг паднаа од небото, носени од силни ветрови. Градот се насобрал толку многу што жителите одеа по мраз како да е снег.

Бројни автомобили беа уништени и во бурата. Градот ги скрши прозорците и фаровите, а многу сопственици пријавија вдлабнатини на покривот и хаубата.

Покривот на повеќекатница во Лауперсдорф беше исто така тешко оштетен. Градот скрши ќерамиди и остави голема дупка на покривот, додека изолацискиот материјал остана да виси од оштетената конструкција.

Камиони се превртеа, автопатот под вода

Бурата предизвика и сообраќаен хаос. Делови од автопатот А1 кај раскрсницата Бирфелд беа поплавени, додека неколку камиони се превртеа на излезот од Баден кон Магенвил.

Во Ванген во близина на Олтен, водата ја поплави улицата толку многу што автобус едвај можеше да помине низ поројот.

Уште подраматична сцена беше забележана во подвозникот во близина на Нидервенинген, каде што автомобил речиси целосно потона во водата.

Најголемиот двокрилен авион во светот, исто така, беше оштетен

Бурата силно го погоди и аеродромот Бирфелд. Неколку мали авиони и хангари беа оштетени, како и областа што веќе беше подготвена за Open Air Argovia.

Авионот Антонов Ан-2 на Здружението Старфлајт, кој во соопштението беше опишан како „најголемиот двокрилен авион во светот“, беше особено оштетен.

Штетата е толку голема што авионот нема да може да лета до Кирхберг како што беше планирано. Како резултат на тоа, панорамските летови за време на настанот Флугфест Кирхберг, кој се одржува на 29 и 30 август, се откажани.

Претседателот на Здружението „Старфлајт“, Нио Хелер, изјави дека „штетата е болна“, особено затоа што сè веќе било подготвено, но исто така нагласи дека најважно е што никој не е повреден.

Паднати далноводи и проблеми на аеродромот

Силните налети на ветер соборија дури осум бетонски столбови во близина на Бирфелд. Еден го оштети покривот на тениска сала, а друг оштети деловна зграда.

Во близина на Хенгарт, дрво падна на надземен далновод, додека друго дрво падна на далновод помеѓу Ебнат и Херблинген, предизвикувајќи 20-минутен прекин на електричната енергија.

Проблеми имаше и на аеродромот во Цирих. „Свис“ откажа вкупно 85 летови до и од Цирих до доцна попладне, додека бројни други летови беа одложени до три часа. Околу 11.200 патници беа погодени.

Авион на „Хелветик ервејс“ беше исто така оштетен кога, поради силни ветрови, скалите удриа во авион што веќе беше паркиран. Во тој момент немаше патници во авионот и никој не беше повреден.

Тагови: Швајцарија град

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер