Претседателот на Собранието, Африм Гаши, во работна посета на Вашингтон - Канал 5

Македонија

Претседателот на Собранието, Африм Гаши, во работна посета на Вашингтон

Во овој дел од агендата Гаши бил придружуван од потпретседателот на Собранието, Антонио Милошоски, како и од владината делегација на Република Македонија, во чиј состав се министрите Стефан Андоновски и Златко Перински.

Претседателот на Собранието, Африм Гаши, во работна посета на Вашингтон

Претседателот на Собранието на Република Македонија, Африм Гаши, престојува во работна посета на Вашингтон, САД, каде што оствари низа средби со високи претставници на американските институции и на меѓународни организации во рамките на зајакнувањето на билатералните односи и меѓупарламентарната соработка.

Гаши, како што соопшти собраниската прес-служба, остварил средба со членката на Конгресот на Соединетите Американски Држави, Клаудија Тени, копретседателка на парламентарната група за Македонија во Конгресот. За време на средбат, соговорниците разговарале за стратешкото партнерство меѓу Македонија и Соединетите Американски Држави засновано на заеднички демократски вредности, како и за значењето на улогата на американскиот Конгрес во развојот и стабилноста на регионот.

Гаши ја истакнал посветеноста на Македонија како членка на НАТО, при што ја нагласил и важноста на американското лидерство во зачувувањето на евро-атлантската безбедност, особено на Западен Балкан.

Во продолжение на посетата претседателот на Собранието остварил средби и со директори на меѓународни организации, кои со години ги поддржуваат демократските процеси и институционалниот развој на Собранието на Република Македонија, односно со претставници на IRI и NDI.

На средбата со Даниел Твајнинг, претседател на Меѓународниот републикански институт (IRI), и Стивен Никс, директор за Европа и Евроазија, се разговарало за досегашната соработка и за стратешкиот дијалог меѓу Македонија и САД.

На средбата со Тамара Витес, претседателка на Националниот демократски институт (NDI), и Скот Бејтс, регионален директор за Европа и Азија, се разговарало за вредноста на долгорочната соработка меѓу Собранието и NDI. Гаши изразил благодарност за проектите насочени кон зајакнување на независноста и парламентарниот капацитет, дигитализацијата, транспарентноста и приближувањето на Собранието до граѓаните, вклучително и програмата за парламентарна поддршка, која со години дава видливи резултати.

Гаши на сите средби високо ја оценил континуираната поддршка од американските партнери за унапредување на демократските стандарди потврдувајќи ја повторно подготвеноста на Собранието на Република Македонија за продолжување и продлабочување на соработката во функција на зајакнување на демократијата, стабилноста и подоброто претставување на граѓаните.

Во овој дел од агендата Гаши бил придружуван од потпретседателот на Собранието, Антонио Милошоски, како и од владината делегација на Република Македонија, во чиј состав се министрите Стефан Андоновски и Златко Перински, како и генералниот секретар на Владата, Игор Јанушев.

Како што соопшти собраниската прес-служба, за време на посетата Гаши ќе учествува на Националниот молитвен појадок (National Prayer Breakfast), а покрај многуте средби со значајни институционални претставници, се очекува да се обрати на Форумот за безбедност во американскиот Конгрес, како и да учествува на панел-дискусијата на конференцијата Balkans Forward Summit, организирана од Атлантскиот совет.

Тагови: Африм Гаши

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ-Филипче и Заев да одговорат дали знаеле за сомнителните трансакции од 110 милиони евра од Венецуела преку Еуростандард банка

СДС и Венко Филипче што со демагогии, лаги, манипулации и хистерија сакаат да предизвикаат страв и несигурност кај граѓаните, на македонската јавност им должат одговори за пропаста на Еуростабдард банка и за можноста за „перење“ пари.

ВМРО-ДПМНЕ-Филипче и Заев да одговорат дали знаеле за сомнителните трансакции од 110 милиони евра од Венецуела преку Еуростандард банка

Филипче заедно со својот ментор Зоран Заев должат јасни, јавни и недвосмислени одговори дали знаеле за трансферот на 110 милиони евра сомнителни пари од Венецуела во Македонија и дали некој од тогашната власт имал каква било улога или влијание во реализацијата на овие трансакции?

Станува збор за сериозни наводи за финансиски трансакции реализирани во 2019 година преку Еуростандард банка, во периодот кога Зоран Заев беше претседател на Владата, а Венко Филипче министер за здравство.

Особено загрижува фактот што трансакциите биле поврзани и со земји како Русија, Белорусија и Србија, што отвора дополнителни прашања за потеклото на средствата, нивната намена и политичките и финансиски влијанија.

Значи, каде се Филипче и Заев, таму има и руски, и белоруски и српски влијанија, а секогаш на штета на државните интереси.

И поаѓајќи од себе, кај СДС и Филипче проработува Фројд и мислат дека сите како нив и постапуваат со задни намери, за лични интереси.

Но, разликата е јасна и сите ја гледаат. Сега имаме одговорна власт која ги штити финансискиот систем, банките и граѓаните, а не власт како таа на СДС која банкротира банки и штедачите ги остава без своите пари.

Има голема разлика, не сме сите исти.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претседателката Сиљановска-Давкова ќе учествува на Самитот за климатски промени (COP31) во Анталија

Претседателката Гордана Сиљановска-Давкова, денеска во Анталија, Република Турција ќе учествува на Лидерскиот самит во рамките на 31. Конференција на страните (COP31) на Конвенцијата на Обединетите Нации за климатски промени.

Претседателката Сиљановска-Давкова ќе учествува на Самитот за климатски промени (COP31) во Анталија

Предвидено е претседателката да се обрати на првата пленарна сесија за шефови на држави и влади, како и на дијалогот на високо ниво, посветен на транзицијата кон чиста енергија и електрификацијата. Таа ќе оствари билатерални средби со дел од учесниците на самитот.

Во состав на македонската делегација на COP31 се министерот за животна средина и просторно планирање, Муамет Хоџа и министерката за енергетика, рударство и минерални суровини, Сања Божиновска.

Тагови: Сиљановска - Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Во полиција задржан романскиот возач на камионот по верижните судири на автопатот „Тракија

Бугарската влада го прогласи 11 ноември за ден на национална жалост по вчерашната трагедија во која во верижен судир на автопатот „Тракија, загинаа 11 лица, а 51 лице се повредени.

Во полиција задржан романскиот возач на камионот по верижните судири на автопатот „Тракија

Романскиот возач на камионот, кој учествувал во еден од двата верижни судири на автопатот „Тракија“ во бугарија, е задржан во полиција.Тој веќе бил сослушан, а се очекува повторно да даде исказ во текот на денот.Засега не е утврдено како се движел камионот непосредно пред несреќата.

Според првичните информации, видливоста на автопатот нагло се намалила.Полицијата проверува дали камионот се движел со мала брзина или се вклучувал од споредна лента.Во двата верижни судири, во близина на клучката Зимница, учествувале вкупно 86 возила.Во правец кон Бургас се судриле 63 возила, а кон Софија уште 23.

Бугарските истражни органи најавија дополнителни вештачења за утврдување на причините за несреќата .

Тагови: Бугарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер