ЕвропаПретседателот на словенечкиот парламент најави референдум за излегување од НАТОПретседателот на словенечкиот парламент, Зоран Стевановиќ, изјави дека неговата партија Ресница ќе инсистира на организирање референдум за излгување на Словенија од НАТО .Претседателот на словенечкиот парламент, Зоран Стевановиќ, изјави дека неговата партија Ресница ќе инсистира на организирање референдум за излгување на Словенија од НАТО додавајќи дека ќе го исполни ова предизборно ветување - јави националното радио „РТВ Сло“. Во интервјуто Стевановиќ најави и можна скорешна посета на Москва со цел, како што рече, „обнова на мостовите меѓу Истокот и Западот“. Ресница, чиј лидер е Стевановиќ, има пет пратенички места во 90-члениот словенечки парламент, конституиран по изборите од 22 март. На 10 април, при конституирањето на парламентот, тој беше избран за претседател со тајно гласање, со поддршка од 48 пратеници. Стевановиќ нагласи дека Словенија треба да води самостојна и суверена политика и да соработува со сите држави, особено со големите сили, но без тоа да значи потчинетост. - Добри односи со сите, но во интерес на Словенија. Апсолутно ќе се спротивставуваме на вмешување во воени и дипломатски конфликти на други држави бидејќи од тоа Словенија нема корист. Им ветивме на граѓаните референдум за излез од НАТО и ќе го организираме - истакна тој додавајќи дека ставовите на партијата се „прословенечки“. Тој оцени дека граѓаните треба да го имаат „последниот збор“ поради што партијата го избрала слоганот „Власт на народот“. - Политиката не треба да се плаши од референдуми. Тие не се проблем, туку коректив на политиката, а поголемото учество на граѓаните значи и поголема доверба во системот - рече Стевановиќ додавајќи дека довербата во моментот е ниска. Според него, зголемувањето на бројот на референдуми не е проблем, но потребно е да се развијат технолошки решенија, вклучително и електронски референдуми, кои би биле поевтини и побрзи за утврдување на волјата на граѓаните. Во однос на евентуален референдум за излез од Европската Унија, Стевановиќ оцени дека таква иницијатива нема да добие поддршка бидејќи „Словенија има повеќе придобивки од членството“. - Љубљана треба повторно да стане главниот центар за донесување одлуки за Словенија, а не Брисел - нагласи тој. Тој додаде дека Ресница ќе поддржи и референдум за излез од Светската здравствена организација како дел од предизборните ветувања. Стевановиќ истакна и дека партијата ќе го поддржи оној кандидат за премиер кој ќе ги прифати нејзините програмски определби, но повтори дека нема да поддржи влада составена од двете главни политички сили - либералното „Движење Слобода“ и конзервативната Словенечка демократска партија. - Нема да отстапиме од подобрувањето на животниот стандард, транспарентноста и борбата против корупцијата. Тоа се нашите клучни принципи за кои нема преговори. За сè друго може да се разговара - рече тој. Ресница, заедно со коалицијата меќу Нова Словенија и демократите, формира десноцентристички трет блок во парламентот. Поддршката од 48 пратеници за изборот на Стевановиќ за претседател беше оценета од медиумите како „коалиција на оние што сакаат“, но тој негира дека во моментот се разговара за формирање влада. - Имаме веќе неколку планирани посети, меѓу првите се Скопје и Копенхаген. Сакам да градиме мостови и да соработуваме со сите држави, без оглед на поделбите меѓу Истокот и Западот. Планирам набргу да ја посетам и Москва - додаде Стевановиќ.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
СветШвајцарија на референдум: Се гласа за план за ограничување на населението на 10 милиониШвајцарија денес ќе бара на референдум одговор на прашањето – може ли една држава да постави фиксна граница на бројот на жители?Гласачите ќе излезат на гласачките места за да одлучат за предлогот населението да се ограничи на 10 милиони жители. Овој потег го поддржа десничарската швајцарска народна партија, која го опишува како „иницијатива за одржливост“ насочена кон намалување на притисокот врз домувањето, јавните услуги и животната средина. Швајцарската влада, сите други поголеми партии, деловните лидери и синдикатите го нарекоа предлогот „иницијатива за хаос“, тврдејќи дека ќе ги лиши болниците и хотелите од многу потребниот кадар. Швајцарија инаку има над 9 милиони жители, од кои дури 27% се странциТагови: референдум Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
МакедонијаРасчистен случајот со оштетување канделабра во парк на подрачје на општина КарпошНа 12.06.2026 во 21:30 часот во Полициската станица Карпош е извршен разговор со 48-годишник од Скопје. Имено, по преземени мерки и постапување по пријава од општина Карпош, полициски службеници од СВР Скопје - Полициска станица Карпош дојдоа до сознание дека на 11.06.2026 во 21:30 часот на ул."Волгоградска", во близина на фитнес игралиштето, неговиот 13-годишен син оштетил и откорнал канделабра за улично осветлување. По целосно документирање на настанот ќе бидат поднесени соодветни пријави. Тагови: мвр Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МакедонијаМицкоски на пуштање во употреба на Дом за стари лица во ИлинденДенес во 12:00 часот претседателот на Владата на Република Македонија, Христијан Мицкоски ќе присуствува на пуштање во употреба на Дом за стари лица „ПУСЗ Оаза by Adora“ во Општина Илинден.За време на настанот предвидено е премиерот Мицкоски да даде изјава за медиуми .Тагови: Христијан Мицкоски Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter