Претседателот на Мадагаскар нашол скапоцен камен од 300 килограми во Претседателската палата - Канал 5

Свет

Претседателот на Мадагаскар нашол скапоцен камен од 300 килограми во Претседателската палата

Привремениот претседател на Мадагаскар, Мајкл Рандријанирина, кој минатиот месец ја презеде власта во оваа островска држава во Индискиот Океан, ѝ соопшти на јавноста дека во Претседателската палата е пронајден темен скапоцен камен тежок 300 килограм

Претседателот на Мадагаскар нашол скапоцен камен од 300 килограми во Претседателската палата

„Смарагдот во матрица“, прошаран со блескави зелени кристали, е прикажан вчеравечер во државната палата „Амбохикорохитра“ во главниот град Антананариво. Следи стручна проценка за да се утврдат големината и квалитетот на скапоценото богатство, пренесува српска „Политика“.

- Ова е национално богатство. Можно е да биде продадено, а министерот треба да ги објасни постапките што ќе следат за да се зголемат државните приходи... За тоа ќе има целосна транспарентност, изјави Рандријанирина.

Тој не изнесе детали за тоа како, кога и каде бил пронајден каменот, освен што рече дека „по нашето пристигнување го откривме ова неверојатно национално богатство“, како и оти не знае зошто било „донесено овде“. Министерот за рударство, Карл Андријампарани, додаде дека овој драгоцен камен е „сон на секој колекционер“.

- Смарагд со своја природна матрица е ретка појава. Засега нема официјални податоци за сличен камен некогаш документиран на Мадагаскар, рече тој.

Владата соопшти дека приходите од продажбата ќе одат во Државната благајна.

Мајкл Рандријанирина е водачот на воената побуна на Мадагаскар, во којашто беше соборен претседателот Анди Раџоелина. Тој на 15 октомври обзнани дека „ја презема позицијата претседател“ на земјата, како и дека вооружените сили ќе бидат задолжени за островот во Индискиот Океан 18 месеци до две години, пред да се одржат нови избори.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран планира атентат на еден од синовите на премиерот на Иразел Нетанјаху

Во дел од светските медиуми денес се појавуваат нови информации за атентатот врз Јаир Нетанјаху, синот на израелскиот премиер Бенјамин Нетанјаху, додека тој живеел на Флорида.

Иран планира атентат на еден од синовите на премиерот на Иразел Нетанјаху

Според порталот „Њузмакс“ (Newsmax), израелските разузнавачки служби ги известиле американските власти за ова кон крајот на минатата година.

Според извор запознаен со истрагата, ирански оперативци веќе биле во областа на Мајами и го следеле движењето на Јаир Нетанјаху, вклучително и во неговата резиденција во Халандејл Бич.

Јаир Нетанјаху (35), кој имаше постојано обезбедување од израелските служби, веднаш ја напуштил Флорида по предупредувањето и се вратил во Израел, оставајќи ги своите лични работи во САД, соопшти изворот.

Во понеделникот, во интервју за израелскиот Канал 14, израелскиот премиер потврди дека Иран се обидел да убие еден од неговите синови, но не прецизираше за кој син станува збор.

„Иран целеше кон еден од моите синови. Се обидоа да го убијат“, изјави Нетанјаху. Нетанјаху има двајца синови, Јаир и Авнер. Авнер живее во Израел, додека Јаир помина подолг период во областа на Мајами, каде што стана познат како конзервативен политички коментатор и јавен бранител на својот татко.

Израелскиот Канал 12 објави дека некои медиуми со месеци знаеле за планот за атентат, но дека неговото објавување претходно било спречено од воената цензура.

Тагови: Израел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Стојаноски: Пред почеток на учебната година Владата со конкретни мерки ги поддржува семејствата, ранци, тетратки, пенкала, моливи, боици по пониски цени

​Владата предводена од ВМРО-ДПМНЕ продолжува со конкретни мерки кои директно значат грижа и поддршка за граѓаните и за семејниот буџет.

Стојаноски: Пред почеток на учебната година Владата со конкретни мерки ги поддржува семејствата, ранци, тетратки, пенкала, моливи, боици по пониски цени

Во таа насока со почетокот и на оваа нова учебна година Владата донесе одлука за намалување на цените на училишниот прибор, мерка која ќе трае заклучно со 30-ти септември годинава.

Со одлуката трговците на големо се задолжуваат да ги намалат цените на училишниот прибор за најмалку 10%. Истовремено трговците на мало се задолжуваат да обезбедат намалување на цените од најмалку 15%.

Ова е конкретна и директна поддршка за семејствата во период кога родителите имаат зголемени трошоци за подготовка на своите деца за новата учебна година.

За семејствата со повеќе од еден ученик ова ќе значителна помош и заштеда на семејните буџети.

Мерката опфаќа широк спектар производи. Практично се што им е потребно на учениците за учебната година ќе можат да го набават со намалени цени почнувајќи од ранци и ташни, тетратки, блокови, колажи, моливи и пенкала, боици, пластелинни, теста за моделирање, фломастери, линијари и дидактички материјали, како и многу други производи неопходни за почетокот на учебната година.

Целта на Владата предводена од ВМРО-ДПМНЕ е јасна.

Родителите да можат да го обезбедат потребниот училишен прибор за своите деца по пониски и попристапни цени.

Ова е трета година по ред каде што пред почетокот на учебната година Владата воведува училишна кошничка со единствена цел да им го олесни месец септември на родителите и семејствата, да ги заштеди семејните буџети и да го заштити животниот стандард на граѓаните.

Септември и почетокот на учебната година треба да биде момент на среќа и убаво расположение како на учениците што се враќаат во училишните клупи, така и за родителите кои треба да ги подготват своите деца со сите потребни материјали за на училиште, а не моменти на грижа и на стрес како да се намерат трошоците.

Токму затоа Владата продолжува со политики кои носат конкретна корист за граѓаните и директно придонесуваат за заштита на животниот стандард.

YouTube video

Бојан Стојаноски, пратеник на ВМРО-ДПМНЕ

Тагови: Бојан Стојаноски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото:Иванка Трамп знае и да сурфа

Една од најмоќните жени во светот покажа скриен талент и ги воодушеви фановите на социјалните мрежи.

Фото:Иванка Трамп знае и да сурфа

Иванка Трамп замина на нов одмор со семејството, каде што ужива во своето омилено хоби, а фотографиите од одморот фуриозно се проширија на социјалните мрежи.

44 годишната Иванка која е ќерка на американскиот претседател Доналд Трамп, покрај тоа што привлекува внимание на јавноста со својот изглед, во последно време фасцинира и со своите спортски вештини.

Таа очигледно е љубител на адреналински возбудувања, бидејќи поголемиот дел од летото го помина сурфајќи, а својот талент го покажа и за време на семејниот одмор во Костарика, каде што често патува.

Претходно Иванка со семејството летуваше на Исланд, а сега, е време за нови авантури во потоплите краишта.

Иванка ги искористи брановите и ги покажа своите вештини на зелената даска, а притоа одлично се забавуваше со својот инструктор. Таа носеше горен дел од костим за нуркање и црн долен дел од костим за капење

Тагови: Иванка Трамп костарика

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер