Претседателката Сиљановска-Давкова со порака за мир и европска иднина во Новата 2026 година - Канал 5

Македонија

Претседателката Сиљановска-Давкова со порака за мир и европска иднина во Новата 2026 година

„Лично, секому од вас, му посакувам Нова година каква што најмногу сака! “

Претседателката Сиљановска-Давкова со порака за мир и европска иднина во Новата 2026 година

Посакувам Новата година да биде време на исчекор кон траен светски мир, потпрен на меѓународното право и на меѓународните институции, сакам ние да се вдомиме во Европската Унија, решени да живееме во амбиент на владеење на правото, демократија, економски просперитет и здрава животна средина, порача претседателката Гордана Сиљановска-Давкова во честитката за Новата 2026 година.

- Лично, секому од вас, му посакувам Нова година каква што најмногу сака! Среќна Нова 2026 година, сакани деца, среќна Нова година почитувани млади, среќна Нова година почитувани граѓани, порача таа.

Во својата новогодишна честитка, претседателката Гордана Сиљановска-Давкова се наврати на главните обележја на годината што изминува, оценувајќи ја 2025 како година исполнета со промени на меѓународната сцена и значајни процеси во земјата.

Таа потенцира дека светот ќе ја памети годината по драматичните промени во меѓународниот поредок, незамисливите војни со бројни човечки жртви, забрзаната милитаризација, како и по растечките климатски, еколошки и енергетски кризи. Според неа, дополнителен предизвик претставувале маргинализираните меѓународни институции и суспендираното меѓународното право.

Осврнувајќи се на надворешната политика, претседателката истакна дека земјата се водела согласно европските безбедносни и политички стандарди, позиционирајќи се како „видлив и почитуван актер“ на меѓународната сцена. Во поглед на евроинтеграциите, како што наведе, фокусот во текот на 2025 година бил ставен на исполнување на Копенхашките критериуми.

На домашен план, Сиљановска-Давкова ја оцени 2025 како година на почеток на клучни процеси.

- Дома, 2025-та беше година на почеток на реформи во правосудството, отворање битка со корупцијата и криминалот, креирање национална развојна стратегија, воспоставување нови стратешки партнерства во функција на економски и други реформи, инфраструктурна офанзива, долгорочно решавање на енергетското прашање, системско решавање на соработката со дијаспората, рече Сиљановска-Давкова.

Како најтежок момент за сите граѓани, претседателката ја посочи трагедијата во Кочани, нагласувајќи дека оваа болка ќе остане присутна засекогаш. Таа порача дека обврска на државата и општеството е да не ги заборават семејствата на загинатите и повредените, но и да се обезбеди правда.

-Нивната немерлива жртва мора да нè направи подобри луѓе, како и да создаде политички и правен систем што нема да дозволи нови невини жртви“, истакна претседателката во својата порака, порача таа.

Тагови: Гордана Сиљановска-Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Четворица под истрага, пукале со три пиштоли и пушка на семејна прослава

Четири лица се осомничени за пукањето на семејната прослава во Добри Дол гостиварско, што се случи на 31 јули.

Четворица под истрага, пукале со три пиштоли и пушка на семејна прослава

За време на прославата, осомничените со три пиштоли и една пушка пукале во воздух, со што, ги довеле во опасност животите на поголем број присутни. Постапката е поведена по поднесена кривична пријава од страна на МВР. Од ОЈО Гостивар наведуваат дека поради опасност од бегство на осомничените, меѓу кои еден кој има македонско и словенечко државјанство, доставиле предлог за определување притвор.

Од МВР претходно сопоштија дека привеле шест лица , а едно било повикано на службен разговор во врска со пукањето. За време на претресите на повеќе локации во Добри Дол, полицијата пронашла и одзела оружје и муниција

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се уште трае борбата со огнената стихија во кавадаречко

Се уште трае борбата со огнената стихија во кавадаречко. 

Се уште трае борбата со огнената стихија во кавадаречко

Пожарот е активен и гори ниско стеблеста шума , а голем дел е изгаснат ова утринава за Канал 5 го изјави директорот на Дирекцијата за заштита и спасување Стојанче Ангелов кој информираше дека активен пожар има и во Прилепско.

Се вложуваат максимални напори за локализирање и отсекување на огнената линија, со цел да се заштити секој објект и да се спречи понатамошно ширење на пожарот. Се интервенира во два правци кон селото Дреново кон Ќесендре и кон селото Раец.

Во Кавадарци на терен се ангажирани сирте ресурси од општината , а помага и дел од месното население.

Поставено е и амбулантно возило со доктор, стационирано во селото Дреново, како превентивна мерка за здравствена заштита на жителите, информира градоначалникот Митко Јанчев.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Денес сончево и многу топло

Времето денес ќе биде сончево и многу топло со мала локална облачност. 

Денес сончево и многу топло

Ќе дува слаб до умерен променлив ветер. Минималната температура ќе биде во интервал од 10 до 20, а максималната ќе достигне од 33 до 40 степени.

Во Скопје, сончево и многу топло со слаб променлив ветер. Минималната температура ќе се спушти до 17, а максималната ќе достигне до 38 степени.

Во наредните денови продолжува периодот на сончево и многу топло време со дневна температура која во некои места ќе надмине 40°C. Од четврток до крајот на седмицата во попладневните часови ќе има услови за локален развој на нестабилна облачност со краткотраен пороен дожд и грмежи.

Тагови: Сончевo УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер