Во текот на месец јули ќе бидат организирани осум регионални панел-дискусии и отчетни трибини низ државата, посветени на отчетот за првите две години од мандатот на Владата и придонесот на функционерите на Движењето ЗНАМ во реализацијата на владината програма.

„Европска ЗНАМ, Европска иднина, Европска Македонија“ не е само наслов на трибините, туку и јасен израз на визијата – Македонија како модерна европска држава со силни институции, владеење на правото, професионална администрација и одговорна власт која работи во интерес на граѓаните.

Оваа иницијатива претставува дел од заложбата за отчетност и отвореност кон јавноста.

Наместо политиката да се води зад затворени врати, излегуваме пред граѓаните за да дадеме отчет за сработеното, да ги слушнеме нивните ставови и да одговориме на сите прашања што ги засегаат. На овие панел дискусии говорници ќе бидат сите избрани и именувани функционери од редовите на Движењето ЗНАМ, предводени од претседателот на Движењето ЗНАМ за Наша Македонија, Максим Димитриевски.

Во нивната работа ќе се вклучат министрите, замениците министри, државните секретари, директорите и останатите носители на јавни функции од редовите на ЗНАМ, кои ќе дадат отчет за својата работа и ќе одговараат на сите отворени прашања од граѓаните во рамки на своите надлежности.

Секој од нив ќе има можност да ги презентира резултатите од својата работа, а граѓаните директно да поставуваат прашања и да добијат конкретни одговори за политиките, реформите и проектите што се реализираат во нивните области на надлежност.

Првата трибина ќе се одржи на 27 јуни во Скопје, во хотел Холидеј Ин, со почеток во 12:30 часот.

Во рамките на настанот ќе се одржи панел-дискусија на тема „Европска ЗНАМ, Европска иднина, Европска Македонија“, на која ќе учествуваат претседателот на Движењето ЗНАМ за Наша Македонија, Максим Димитриевски, генералниот секретар и министер за јавна администрација Горан Минчев и претседавачот на Централниот одбор и министер за правда Игор Филков.

Овие регионални панел-дискусии и отчетни трибини ќе бидат можност граѓаните непосредно да се запознаат со резултатите од работењето на институциите и придонесот на функционерите на ЗНАМ во спроведувањето на владините политики, но и да дадат свои предлози, сугестии и критики.

Веруваме дека довербата се гради преку работа, резултати и постојана отчетност пред јавноста.

Покрај активностите поврзани со регионалните трибини, Движењето ЗНАМ за Наша Македонија во наредниот период ќе реализира и сеопфатен процес на организациско зајакнување на партијата.

Во таа насока ќе започне формирањето на Клубот на жени на ЗНАМ и Клубот на млади на ЗНАМ, како важни столбови за поголема вклученост на жените и младите во политичкото дејствување и креирањето политики.

Истовремено, ќе биде спроведен процес на евалуација, координација и освежување на раководствата на општинските организации преку организирање изборни конференции во сите 53 општински организации на партијата.

Со ова дополнително ќе бидат зајакнати локалните структури, ќе се обезбеди уште подобра организациска подготвеност и ќе се создаде силна и функционална партиска мрежа подготвена да одговори на сите политички предизвици.

Крајната цел е Движењето ЗНАМ да биде целосно подготвено за следните парламентарни избори, кога и да се одржат, со јасна програма, силна организација и кадри кои уживаат доверба кај граѓаните. Затоа, ги покануваме граѓаните, сите членови на ЗНАМ, медиумите, граѓанските организации и сите заинтересирани активно да се вклучат во овие отворени форуми и заеднички да разговараме за предизвиците и перспективите на Македонија.

На прес конференцијата портпаролот на партијата, Никола Мемов беше запрашан која е генералната оценка на работата на функционерите од ЗНАМ, а особено на двата министири.

„Ние направивме анализа на работењето на нашите функционери и генералната оценка е дека се во рамките на спроведување на владината програма“.

Запрашан до каде се преговорите за владината реконструкција и дали се веќе договорени промените и ЗНАМ ќе го изгуби ресорот правда, протпаролот Мемов одговори:

„Ние имавме неколку средби на партиско лидерско ниво и преговарачките тимови работат во континуитет. На маса се сите отворени теми. Нема конечен договор за ниту едно прашање. Очекуваме разврска кон средината на следната недела“.

На прашањето што бара за возврат ЗНАМ за да го напушти ресорот правда и дали е точно дека се тоа МВР, финансии или одбрана, Мемов рече:

„Пред две години Движењето ЗНАМ – За Наша Македонија беше покането од страна на ВМРО-ДПМНЕ да учествува во владата со свои кадри, имајќи ги во предвид изборните резултати, но и кадровскиот потенцијал и искуство што може да го даде ЗНАМ во владата. Оттаму, ние не сме тие кои што бараа да влезат во владата. Ние бевме поканети да влеземе во владата“.

Запрашан дали се врши анализа на работата на секој министер одделно и дали е тоа можна причина за промена или се работи за некои други фактори, Мемов рече дека во разговорите се прави анализа и евалуација на работата на сите министри и додаде:

„Ова не е испитување и оценка на министрите на ЗНАМ од страна на ВМРО-ДПМНЕ. Значи, се прави анализа на работата на сите министри во владата и генерално работата на владата и спроведувањето на владината програма.

ЗНАМ во владата влезе не заради задоволување на лични амбиции и задоволување на кадровски решенија од ЗНАМ.

Ние влеговме во владата поради остварувањето на програмските определби, цели и принципи на ЗНАМ кои што се составен дел на владината програма.

Оценуваме дека во овој двегодишен мандат владината програма се спроведува со интензитет и на начин кој што сме го димензионирале на самиот почеток при влезот во владата“.

Центар за комуникации и аналитика На прашањето дали постои можност ЗНАМ да нема конечен договор со ВМРО и што тоа ќе значи, портпаролот Мемов рече дека сите опции се отворени.

ЗНАМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тони Наумовски е овогодинешниот добитник на престижната награда „Мето Јовановски“ за високо уметничко достигнување во уметноста на филмот за 2026 година, на петтото јубилејно издание на Фестивалот на балкански и медитерански филм „Преку езерото“ во Дојран.

-Секое признание значи, исполнува, мотивира, обрзува и е привилегија посебно кога тоа признание доаѓа од дома. Мето Јовановски е голем мајстор кој што играше во лига на светски шампиони. За жал никогаш немав прилика да соработувам со него но секогаш уживам, се радувам и му се воодушевувам на неговите маестрални актерски остварувања, вели Наумовски.

Тони Наумовски е единствениот македонски актер, но и еден од малкумината балканци кои во Њујорк имаат своја кариера во театар, на филм и телевизија. Tоа што актерот го живее таму, во рајскиот голем град, не може да се раскаже, треба да се одживее, да се преживее и да се живее, секој ден, секоја секунда и секој здив со кој се дише животот и прима духот на слободата за да се прави тоа што се мечтае со отворени очи. Или да се одигра на филм.

Тој тоа го направи во прво лице еднина во `„Мојот Њујорк“ каде се игра себе самиот, емигрант и лунатик. Да се биде на сцена, да се стои пред камера и да се живее шансата да се биде `„Ноќен агент“, да се биде Марко, да се биде Виктор во „Лос Кос“, да се дојде до „Крајот на играта“ како Иван Асланов, да се биде бедник и таксист „Тука денес“, да се биде Александар Леко и да и се служи на „Ѓоспоѓата Министерка“ ама и Ајнштајн во „Медени ноќи“, да се верува повеќе од Олег дека „Портокалово е новото црно“, во меѓувреме да се боксува и раскажува дома на своите дека животот „Не е американски филм“, да се биде војник кој умира од живот и бара лек „На терапија“, да се биде убав, ама и да се биде со лузна на лицете, да се биде во реалноста, да се врати во минатото, да одлета во иднината и да јава во светот на бајките. Тоа се неговите животи. Не внимавајте кога живеете! Според житието на Тони Наумовски, некои животи може и да се живеат.

Како да се прочита листата на животот на актерот Тони Наумовски одигран во повеќе од осумдесет карактери, во исто толку продукции на филм и телевизија, на повеќе од десетина јазици меѓу кои и неколку продукции во Македонија, татковината на татко му која тој ќе ја открива и препознава со секое негово враќање во потрага по духот на слободата кој, барем тоа нешто, духот во Тони Наумовски е во безгранични количини. Таа магија што Тони Наумовски во карактерот на Владимир ќе ја донесе со себе во неговата, но и во приказната за Лена во македонскиот филм „Лена и Владимир“ само минатата 2025 година ќе му донесе четиринаесет награди и исто толку номинации за актерско достигнување во уметноста на филмот на повеќе од осумдесет фестивали во Европа и Америка.

Тони Наумовски е актер кој е пример за желба, посветеност и бескрајна љубов кон уметноста на филмот, актер со иста дива сила и питома страст кон триаголникот на светот во кој тој е круг во правоаголната рамка на филмот во која стоеше и Мето Јовановски. Тони Наумовски е актер што игра со филигранска точност и одмереност на раскажувач на приказни и продавач на лосиони за растење на коса. Во иста приказна и во еден карактер што само уште еднаш, и во случајот на човекот Тони Наумовски потврдува дека она што во уметноста треба да им го дадеме на другите, во професијата актерство - може да се земе единствено од себе самиот.

Тони Наумовски е уметник кој има образование и знаење за животот и уметноста, не само за филмот, дури и повеќе отколку што му треба на актер кој знае до каде сака да стигне. Ама Тони Наумовски е актер кој не сака да знае каде почнува и каде завршува тоа што го сака - наспорти тоа што го има. Тони Наумовски е уметник, ама и занаетчија со совршена техника на говор, со атлетско тело на змија во кожа на лав и со поглед на дете што секој ден го бара патот од училиште до дома, затоа што актерството во уметноста на филмот е патување кое има само една цел – да продолжи зад следниот агол, зад следната средба со себе самиот, во улогата на некој друг, во потрага по патот до дома.

Тони Наумовски е актер кој во уметноста на филмот е почеток и крајот на патувањето кое сакаме никогаш да не заврши. Тони Наумовски е актер кој раскажува и кому му раскажуваме, пред и после приказната за тоа дека соништата се остваруваат. Бескрајно му благодариме за сите овие соништа и за сите патишта на сите актери во светот на уметноста на филмот. Добро дојде дома. Добродојде во светот на вљубениците на сликите што се движат преку морињата и преку езерото.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

На протестот беше изразено незадоволството поради кое вработените не добиле усогласување на платите согласно на минималната плата.

Протестот беше организиран поради игнорантскиот однос на работодавачот, кој и покрај барањето на Синдикатот, барањето потпишано од повеќе од 110 вработени и барањето од Синдикатот на работниците од трговијата ( СРТ), и покрај зголемувањето на минималната плата на национално ниво, платите на вработените останале непроменети, што директно влијае врз нивниот животен стандард и економска сигурност.

Вработените бараат усогласување на нивните плати за минимални 1.600 денари, а раководството одбива да го прифати барањето и покрај тоа што најголем дел од вработените се на минимална или блиску до минималната плата.

Сојуз на синдикатите на Македонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.