Пресврт во случајот со Мадуро: САД ги повлекуваат обвинувањата за водење на нарко-картел - Канал 5

Свет

Пресврт во случајот со Мадуро: САД ги повлекуваат обвинувањата за водење на нарко-картел

Министерството за правда на САД се откажа од клучното и контроверзно обвинение што администрацијата на Трамп го користеше со години против венецуелскиот претседател Николас Мадуро - обвинувања дека тој е водач на нарко-картел.

Пресврт во случајот со Мадуро: САД ги повлекуваат обвинувањата за водење на нарко-картел

Министерството за правда на САД се откажа од клучното и контроверзно обвинение што администрацијата на Трамп го користеше со години против венецуелскиот претседател Николас Мадуро - обвинувања дека тој е водач на нарко-картелот познат како Картел де лос Солес.

Тоа обвинение беше основа на обвинението од 2020 година и послужи како оправдување групата да биде прогласена за терористичка организација, прво од Министерството за финансии во 2025 година, а потоа од Стејт департментот под водство на Марко Рубио, пишува „Њујорк тајмс“.

Сепак, латиноамериканските експерти долго време предупредуваат дека Картел де лос Солес не е вистинска организација, туку колоквијален термин измислен од венецуелските медиуми уште во 1990-тите за да се опишат корумпираните службеници кои заработуваат пари од трговијата со дрога.

Се чини дека Министерството за правда сега го прифати тој факт, објавувајќи изменето обвинение во саботата, по апсењето на Мадуро, кое премолчено ги корегира претходните обвинувања.

Иако обвинителите продолжуваат да го обвинуваат Мадуро за учество во заговор за трговија со дрога, тие го отфрлија тврдењето дека Картел де лос Солес е формална, хиерархиска група.

Ревидираното обвинение сега го опишува како „систем на покровителство“ и „култура на корупција“ поттикната од парите од дрога. Промената е најочигледна во бројките: додека старото обвинение се споменуваше Картел де лос Солес 32 пати, опишувајќи го Мадуро како негов лидер, новото го споменува само двапати.

Новата верзија тврди дека Мадуро, како и неговиот претходник Уго Чавез, учествувал во одржувањето и заштитата на овој корумпиран систем. „Профитот од трговијата со дрога и заштитата на партнерите во трговијата со дрога се слева кон корумпираните цивилни, воени и разузнавачки службеници од пониско и средно ниво, кои работат во систем на покровителство контролиран од оние на врвот - наречен Картел де лос Солес, или Картел на Сонцето, референца на ознаките на сонцето закачени на униформите на високите венецуелски воени службеници“, се објаснува во новото обвинение.

Тагови: Николас Мадуро

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер