Пресуда против Трамп: Виновен по сите обвиненија - Канал 5

Свет

Пресуда против Трамп: Виновен по сите обвиненија

За прв пат во американската историја, поранешен претседател е осуден на кривично дело. 

Пресуда против Трамп: Виновен по сите обвиненија

На пет месеци пред изборите во САД, судот во Њујорк го прогласи Доналд Трамп за виновен по сите 34 точки од обвинението за фалсификување на деловни записи, односно на фактури, ваучери и чекови пред претседателските избори во 2016 година за да го купи молкот на порно ѕвездата Сторми Даниелс со која имал наводна сексуална средба. Дванаесет члената порота одлуката ја донесе по само два дена, а самиот Трамп, целиот процес обвини дека бил политички монтиран.

-Вистинската пресуда ќе биде на 5-ти ноември од народот. И тие знаат што се случи овде и сите знаат што се случи овде. Имате јавен обвинител поддржан од Сорос со целата работа. Ние не направивме ништо погрешно. Јас сум многу невин човек. Ова беше направено од администрацијата на Бајден со цел да се повреди противкандидат, политички противник и мислам дека тоа е срамота. Ова беше наместена одлука уште од првиот ден со конфликтен судија на кој никогаш не требаше да му се дозволи да го суди овој случај. Никогаш.- Доналд Трамп – Поранешен претседател на САД

Јавниот обвинител кој го покрена и водеше случајот против Трамп пак, веднаш потоа порача дека не треба да се прави дистинкција помеѓу Трамп како поранешен претседател и било кој друг кој се огрешил пред законот.

-Иако овој обвинет можеби не е како ниту еден друг во американската историја. Ние пристигнавме на ова судење и конечно денеска до оваа пресуда, на ист начин како и секој друг случај што доаѓа низ овие врати на судот - следејќи ги фактите и законот.- Алвин Брег – Јавен Обвинител

Ситуацијата покрај во судницата се вжешти и пред судот каде голем број про и анти Трамп демонстранти на различен начин ја дочекаа одлуката.

-Чувството е добро, правдата е задоволена. / Оди во затвор, оди во затвор. / Се надевам дека ова ќе биде почеток на крајот за овој скитник. / Срамота е ова што се случи тука. Не гласав за него првиот пат, сега ќе гласам. / Се чувствувам многу тажно за Америка. / Дури и Трамп да оди во затвор, излезе или добие кауција, сите пак ќе гласаме за Трамп. Тоа нема да ми го промени мислењето. Како ќе би го промени мислењето?

Адвокатскиот тим на Трамп најави дека ќе ја обжали пресудата, со која на поранешниот претседател му се заканува затворска казна до 20 години, но според правните експерти може да се соочи и со условна казна, парична или општо-корисна работа. Судијата Хуан Мерчан одлуката ја закажа за 11 јули, но каква и да биде, нема да има законски пречки за неговата кандидатура на Претседателските избори.

-Не е готово и овој случај и покрај тоа што пресудата беше донесена денеска, најверојатно ќе се влече низ судскиот систем со месеци, ако не и години. Веројатно е дека доколку има казна, а тој е веќе избран за претседател, неговиот правен тим ќе даде аргумент дека било која казна со која треба да се соочи ќе треба да се одложи до завршување на мандатот, а има милион причини зошто тоа ќе биде добра идеја како аргумент. - Грег Хенинг – правен експерт

Американскиот устав не забранува затвореник или некој кој е на условна казна да се кандидира за функција или да стане претседател, а дел до правните експерти во САД, велат и дека постои опција доколку Трамп стане претседател да може да се помилува самиот себеси, но конечна одлука за тоа ќе треба да донесе Врховниот суд. Републиканецот инаку се соочува и со два други судски процеси, за лошо постапување со доверливи документи и за упадот во американскиот Капитол.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Марк Закерберг го разби најголемиот мит за создавањето на Фејсбук

Марк Закерберг, основачот на Фејсбук, откри што, според него, филмот „Социјалната мрежа“ целосно го пропуштил. Тој исто така откри дека го погледнал само еднаш. 

Марк Закерберг го разби најголемиот мит за создавањето на Фејсбук

Еден од најбогатите луѓе на светот, Закерберг, чие богатство денес се проценува на околу 189 милијарди долари, го основал Фејсбук во 2004 година од студентска соба на Харвард, кога имал само 19 години, пишува Унилад.

Филмот од 2010 година е еден од првите големи холивудски филмови што го прикажуваат подемот на модерна технолошка компанија.

YouTube video

Го следи Закерберг од неговите студентски денови и раскинувања, преку создавањето на Фејсбук, до правните спорови што следеа по неговиот метеорски успех, вклучувајќи го и судирот со ко-основачот Едуардо Саверин.

За време на гостувањето во емисијата „The Colin and Samir Show“, Закерберг изјави дека го гледал филмот само еднаш, и тоа заедно со вработените во неговата компанија.

„Знаев дека сите секако ќе го гледаат, па решивме да одиме заедно. Беше прилично необично искуство“, рече тој.

Тој призна дека авторите на филмот точно погодиле некои детали, како на пример облеката што ја носел во тоа време, но смета дека целосно погрешно ги прикажале неговите мотиви.

„Најголемиот проблем беше што филмот сугерираше дека го создадов Фејсбук за да освојам девојка. Тоа едноставно не е точно“, рече Закерберг, додавајќи дека бил во врска со својата сегашна сопруга Присила Чан уште пред да го започне Фејсбук.

Закерберг исто така се осврна на една од најраспространетите приказни за создавањето на социјалната мрежа. „Со текот на годините, на интернет се создаде цела митологија за тоа како настанал Facebook.

Луѓето го поврзуваат Facemesh – мала, шегаџиска страница што ја направив – со Facebook, само затоа што и двете имиња го содржат зборот 'face' (лице). Сепак, Facemesh беше шега и немаше никаква врска со Facebook“, објасни тој.

Тој додаде дека и денес, повеќе од две децении подоцна, луѓето му зборуваат за тоа како Facebook бил создаден како сајт за оценување на изгледот на другите луѓе.

Според Закерберг, Facebook уште од самиот почеток бил замислен како многу поголем и посериозен проект отколку што е прикажано во филмот. Од своето основање, компанијата ги презеде Instagram и WhatsApp, а во 2021 година, целата компанија го промени своето име во Meta.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Кучето на Крис Браун ја каснало куќната помошничка. Пејачот мора да плати милиони отштета!

Светската музичка ѕвезда Крис Браун ќе биде посиромашен за дури 13 милиони долари поради совјот домашен миленик какваскиот овчар .

Кучето на Крис Браун ја каснало куќната помошничка. Пејачот мора да плати милиони отштета!

Американскиот пејач Крис Браун ќе мора да ѝ исплати на својата поранешна домашна помошничка речиси 13 милиони долари отштета откако поротата го прогласи за одговорен за нападот на неговото куче во кој жена добила сериозни трајни повреди на неговиот имот во 2020 година, објави BBC News.

По двонеделно судење во Лос Анџелес, поротата пресуди во корист на Марија Авила, која беше нападната од кавкаскиот овчар на Браун, тежок 90 килограми.

Според пресудата, Браун и неговата компанија Black Pyramid LLC мора да ѝ платат 12,9 милиони долари за небрежност. на судскиот процес Авила сведочеше дека кучето, по име Хад, ѝ откинало „големи парчиња кожа“ додека таа го празнела ѓубрето во неговиот дом во калифорнискиот град Тарзана. Нападот, рече таа, резултирал со трајно обезличување на лицето, лузни, губење на видот и оштетување на нервите.

За време на судењето, беше слушнато сведочење дека Браун избегал од местото на настанот наместо да се јави на 911 или да ѝ помогне на повредената жена. Тој ги оставил своите вработени да се грижат за Авила, а на поротата ѝ било кажано дека тоа го сторил бидејќи се плаши од „медиумски циркус“ ако неговиот глас се слушне на повикот за итни случаи или ако бил присутен кога пристигнала полицијата.

Браун му рече на судот дека се подготвувал да се истушира ​​кога слушнал куче како ржи. Се симнал долу и ја нашол Авила како лежи неподвижна, покриена со „многу крв“. „Крвта ме исплаши“, рече тој, додавајќи дека бил „во шок“ и го послушал советот на својот менаџер да го напушти имотот пред да пристигнат службите за итни случаи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Фото: Меси претресен на аеродром во САД

Еден од најдобрите свтески фудбалери во историјата, волшебникот од Аргентина, Лионел Меси доживеа необично искуство на аеродром во САД, каде што беше темелно претресен пред летот за Мајами.

Фото: Меси претресен на аеродром во САД

Аргентина во петок навечер во Мајами го игра шесаесеттина финалниот дуел против Зеленортските Острови на Мундијалот, што значеше дека „Гаучосите“ мораа да патуваат до Флорида од нивната база во Канзас Сити, Мисури.

Поради строгите мерки на аеродромите, дури и Лионел Меси се увери како изгледаат безбедносните процедури во САД.

Обезбедувањето на аеродромот темелно го претресе куферот на Лионел Меси, а користеа и детектор за метал за да проверат дали можеби подготвил нешто за шверцување во авионот. Погледнете како изгледаше тоа:

Меси само се насмеа на ова и постапи според упатствата на обезбедувањето; не сакаше да прави драма, но сепак е малку неверојатно што на летот кон Мајами – каде што со години игра фудбал и им носи радост на навивачите – мораат од глава до пети да го претресуваат најдобриот стрелец на светските првенства во историјата.

Токму затоа Соединетите Американски Држави важат за добар организатор, но не и за идеален домаќин на Светското првенство, бидејќи многу од мерките што ги презедоа досега делуваа непотребно. Инаку, доколку Аргентина продолжи понатаму, ќе игра против подобриот тим од дуелот меѓу Австралија и Египет.

Тагови: Лионел Меси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер