Прес на шефот на Делегацијата на ЕУ со Вучиќ по предавањето на годишниот Извештај на ЕК - Канал 5

Балкан

Прес на шефот на Делегацијата на ЕУ со Вучиќ по предавањето на годишниот Извештај на ЕК

Шефот на Делегацијата на Европската унија во Србија, Андреас фон Бекерат, денеска изјави дека општиот заклучок од извештајот за напредокот на Србија на европскиот пат е дека реформите се забавени.

Прес на шефот на Делегацијата на ЕУ со Вучиќ по предавањето на годишниот Извештај на ЕК

Тој денеска му го предаде извештајот за напредокот кон ЕУ на српскиот претседател Александар Вучиќ , по што на прес конференција додаде дека тој документ не е критички документ, туку огледало што покажува каде има напредок и на што треба да се работи.

Шефот на ЕУ делегацијата во Србија додаде дека е забележан напредокот на државата во усогласувањето со надворешната и безбедносната политика во ЕУ, напредокот во процесот на избор на членови на Советот на Регулаторното тело за електронски медиуми и активната работа за измена на Законот за Избирачкиот список.

Како што рече, потребен е дополнителен напредок во судството и владеењето на правото, а од Србија се очекува итно да го сврти падот на слободата на изразување и академската слобода.

Напредокот во владеењето на правото и нормализацијата на односите со Косово ќе продолжат да го одредуваат целокупното темпо на напредокот на Србија, рече Фон Бекерат и потсети на потребата од исполнување на договорот со Приштина.

Тој додаде дека одговорните за настаните на северот од Косово во 2024 година мора да бидат гонети.

Фон Бекерат, исто така, нагласи дека проширувањето на ЕУ е геополитички императив што треба да ја направи Унијата посилна додека неодамнешните геополитички промени, како што е агресијата на Русија врз Украина, го зајакнале проширувањето и потсети зошто е важно европското единство.

Според него, треба јасно да се укаже и дека реформите не се лесни, но се неопходни на патот кон членство.

Андреас фон Бекерат денеска изјави дека слободата на медиумите е една од областите истакнати во извештајот и дека е потребен понатамошен напредок и итни мерки.

„Многу новинари доживуваат закани, остри зборови од високи функционери, постои политички и економски притисок врз медиумите. Бројот на тужби против учеството на јавноста е зголемен, а ние ја изразивме потребата од заштита на уредувачката независност. Ова важи за сите медиуми“, рече тој.

Според него, слободното новинарство каде што новинарите работат непречено без закани е во сржта на демократијата и затоа ЕУ му придава толку големо значење на ова прашање.

Претседателот на Србија, Александар Вучиќ, изјави дека европскиот пат е стратешка цел за Србија и дека тоа нема да се промени до крајот на неговиот мандат, додавајќи дека се согласува со Европската комисија дека се потребни дополнителни реформи во одредени области.

„За нас, европскиот пат е стратешки пат на Србија и тоа нема да се промени до крајот на мојот мандат, а потоа, тоа значи уште една година или нешто повеќе, што ќе се случи, зависи од граѓаните на Србија да донесат одлука“, рече Вучиќ откако шефот на Делегацијата на ЕУ, Андреас фон Бекерат, му го предаде годишниот извештај на ЕК за напредокот на Србија, и на заедничка прес-конференција.

Вучиќ изјави дека има многу важни работи што Србија, заедно со Европејците, може и мора да ги направи.Во врска со Косово тој рече дека е убеден дека „ЕУ, како организација што се држи до своите зборови и потписи, ќе ни помогне да исполниме сè што беше потпишано во 2013 година“.

„Господине фон Бекерат, многу сум среќен што денес можев да го добијам годишниот извештај на Европската комисија, на Европската унија за ситуацијата во Србија. Рековте дека тоа е огледало, би рекол дека тоа е ваше мислење и ваш поглед, секако не огледало. Но, ви сум исклучително благодарен за сè што кажавте денес. Мислам дека е исклучително важно за нашите граѓани. Конечно да чујат на искрен начин што очекувате од нас“, рече Вучиќ на прес-конференција.

Тагови: ЕУ Србија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 11. септември 2026 година

Дневен хороскоп за петок 11. септември 2026 година. 

Дневен хороскоп за 11. септември 2026 година

Девица 23.8.-23.9.

Љубов

Иако ќе исчезне напнатоста меѓу вас и партнерот, денеска ќе се однесувате доста неурамнотежено.

Кариера

Додека размислувате за работата , се појасно е дека пред вас се отвора пат за нови успеси и напредувања.

Здравје и совет

Потребен ви е одмор.

Вага 24.9.-23.10

Љубов

Во големите и во малите љубовни амбиции ќе се водите од својот внатрешен глас и ќе го постигнете посакуваното.

Кариера

Наеднаш би можела да се појави можност за деловна соработка со пријатели .Станува збор за работа поврзана со естетика.

Здравје и совет

Можен е преубав сон.

Шкорпија 24.10-22.11.

Љубов

Некои од вашите соработници би можел денеска да ви го покаже своето нежно лице или чувства кон вас.

Кариера

Може да се каже дека ова ден за убави намери , искрени деловни мислења и добра соработка доколку не ги форсирате работите.

Здравје и совет

И натаму одмарајте се редовно.

Стрелец 23.11.-21.12.

Љубов

Без оглед што вовашиот сегашен однос недостига емотивност , ќе успеете на паметен начин да ја подобрите вашата врска.

Кариера

Се наоѓате во минлива фаза на зголемена чувствителност , па и оние работи на кои сте навикнати , ќе ви причинуваат извесна тешкотија.

Здравје и совет

Бидете она што сте.

Јарец 22.12.-20.1.

Љубов

Пред вас е ден во кој ќе се мешаат пријатни ситуации нешто сосем неочекувано , што спаѓа во фантазирање. Балансирајте.

Кариера

Ако сте решени да делувате од сенка , денеска е ден во кој на таков начин може да постигнете завидни успеси.

Здравје и совет

Чудни сништа ќе ве збунат.

Водолија 21.1.-19.2.

Љубов

Ќе бидете разиграни и подготвени за палавости.Доколку вклучите и хумор , ќе направите добра забава.

Кариера

Денеска ќе ви стане јасно колкав е капацитетот на она што ви се случува. Ќе нема крај.

Здравје и совет

Подобрување.

Риби 20.2.- 20.3.

Љубов

Денешниот ден ќе ве поттикне веројатно на многу добри дела и попустливост кон партнерот.

Кариера

Секогаш сте го ценеле она што ќе го направите со свои раце. Денеска ќе покажете необичен талент , што бара прецизност во рацете.

Здравје и совет

Ќе бидете здрави и исполнети со среќа.

Овен 21.3-20.4.

Љубов

Влегувате во подобар љубовен период.Ќе забележите според се подобриот однос со партнерот или со блиските луѓе воопшто.

Кариера

Не ги форсирајте своите ставови дури и кога сте во право.Попаметно е да почекате додека и на другите им стане јасно.

Здравје и совет

Чувајте си го грлото.

Бик 21.4- 20.5.

Љубов

Оние кои не се сигурни како да се однесуваат со саканата личност , нека го прашаат најдобриот пријател/ка за совет.

Кариера

Иако вашите заслуги се видливи , не се толку стабилни , па сепак денеска може да се повикате на нив и да продолжите понатаму.

Здравје и совет

Успешно се справувате со нервозата.

Близнаци 21.5.-21.6.

Љубов

Многумина денеска ќе откријат што значи да се биде целосно среќен. Не само што ќе сакате и ќе бидете сакани , туку тоа ќе го раширите и на околината.

Кариера

Следува успешна соработка со лица кои се духовити , забавни , млади и креативни. Истото важи и за таквите работи.

Здравје и совет

Сосема сте здрави.

Рак 22.6-22.7.

Љубов

Денеска ќе се покажат вашите скриени чувства .Ќе бидете малку збунети , но и ќе ви биде пријатно.

Кариера

Се чини како да ви се отвораат некои нови деловни можности за кои до сега не сте биле свесни. Размислете на мира за нив.

Здравје и совет

Никаде не треба да брзате.

Лав 23.7-22.8.

Љубов

Како што ќе минува денот , ќе забележувате дека вапиот приватен живот добива нов сјај и се враќа во рамнотежа.

Кариера

Ќе ги занемарите мислите за работата , зашто денеска ќе ви донесе денот убави искуства во други области.

Здравје и совет

Ќе ви недостига сила , штедете се.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓи Димов во „Вести плус“

Вечерва во „Вести плус“ гостин ќе биде Ѓорѓи Димов

Ѓорѓи Димов во „Вести плус“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

Царска пита што секогаш успева – Мека, сочна и се спрема без мака

Царската пита е едно од домашните јадења кои речиси сите ја сакаат, особено кога ви е потребен брз појадок, вечера или нешто за послужување на гости.

Царска пита што секогаш успева – Мека, сочна и се спрема без мака

Царската пита е едно од домашните јадења кои речиси сите ја сакаат, особено кога ви е потребен брз појадок, вечера или нешто за послужување на гости. Не бара сукање, ниту чекање тестото да нарасне, состојките едноставно се соединуваат, смесата се истура во плех и се пече.

Најубава е додека сè уште е топла, но вкусна е и кога сосема ќе се излади. Токму затоа може да се приготви однапред и да се послужи кога ви одговара.

Состојки:

4 јајца

200 мл јогурт

100 мл масло

200 г. брашно

1 кесичка прашок за печиво

150 г. шунка

150 г. полутврдо сирење

3 помали кисели краставички

1 помала црвена пиперка

прстофат сол

малку бибер по желба

Подготовка:

Скршете ги јајцата и изматете ги во поголем сад додека не станат благо пенести. Додајте го јогуртот и маслото, па сето тоа добро соединете го. Брашното измешајте го со прашокот за печиво и постепено додавајте го во смесата, непрекинато мешајќи, сè додека не добиете глатка смеса без грутчиња.

Шунката, сирењето и киселите краставички и пиперката исечкајте ги на ситни коцки. Додајте ги во приготвеното тесто и измешајте со дрвена лажица или шпатула, за рамномерно да се распределат. Со солта внимавајте, бидејќи шунката, сирењето и краставичките се веќе солени. По желба додајте малку бибер.

Приготвената смеса истурете ја во плех обложен со хартија за печење или претходно намачкан со малку масло. Измазнете ја површината и ставете ја да се пече во рерна на 180°С.

Печете околу 30-35 минути, односно додека питата не нарасне и добие убава златно - румена кора. Пред крајот на печењето проверете со чепкалка. Ако излезе сува, питата е готова.

Кога ќе ја извадите од рерна, не сечете ја веднаш, оставете ја да постои 10-тина минути за да се стегне и парчињата да го задржат својот убав облик.

Оваа пита може да ја послужите со јогурт, кисело млеко или кефир. Погодна е да ја понесете на работа или излет.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер