Препорака за прогласување епидемија во Скопје, потврдени вкупно 18 случаи на ниво на држава - Канал 5

Здравје

Препорака за прогласување епидемија во Скопје, потврдени вкупно 18 случаи на ниво на држава

По 18 потврдени случаи на голема кашлица, Комисијата за заразни болести препорача прогласување епидемија во Скопје. Во изминатите денови бројот расте, особено на територија на град Скопје, каде се потврдени 14 случаи.

Препорака за прогласување епидемија во Скопје, потврдени вкупно 18 случаи на ниво на држава

Се предлага вакциналните пунктови да работат во две смени, а дополнително да се работи и во сабота. Препорака е и да се забрани прием на невакцинирани деца за пертусис во градинките.

Комисијата очекува овие мерки да го поттикнат интересот за вакцинација, бидејќи фокусот е заштита на најмалите.

Претседателот на Комисијата за заразни болести, Александар Петличковски вчера на прес-конференција рече дека прогласувањето на епидемија звучи малку страшно, но, дека реално треба да се олесни справувањето со ризикот што доаѓа со оваа болест.

- Во таа насока моментално го подготвуваме, односно очекуваме да излезе подготвено упатство за постапување во услови на епидемија од страна на Институтот за јавно здравје и клучните активности треба да бидат насочени на пополнување на промашените вакцини, рече Петличковски.

Во државата, како што додаде, е незадоволително нивото со опфатот на вакцинација против оваа болест.

Меѓу заразените, има и вакцинирани лица. Како што појасни Петличковски, постои опаѓање на имунитетот после 10 години во просек, така што, разгледани се и сите опции за освежување на имунитетот кај критично болните и лицата над 65-годишна возраст.

- Меѓутоа, ова се сега првични наши препораки затоа што, во моментот сме навистина во добра состојба, споредено со регионот. Имаме 18 случаи и нема смртни исходи, заклучи Петличковски.

Сите 18 случаи во земјава, како што посочи, се засебни и токму тоа е причина да се прогласи епидемија на територија на град Скопје, за да не се дозволи да се појават кластери.

- Прогласувањето на епидемија ќе ни даде можности многу полесно да ја ублажиме ситуацијата, еве веќе гледаме дека дневно имаме два нови случаја пријавено, се засилува. До каде ќе оди, не знаеме. Ова е вистинското време да преземеме некои конкретни чекори, дециден беше Петличковски.

Кај четиригодишниот пациент, кој е вакциниран со голема кашлица, а е хоспитализиран на Детската клиника, како што појасни Петличковски, се работи за состојба која индицира примена на имуносупресивна терапија.

- Имуносупресивната терапија дава простор и луѓе, деца кои се вакцинирани да имаат можност да бидат заразени, меѓутоа, секако дека кај него инфекцијата ќе помине полесно, отколку ако не бил имунизиран. А и самата вакцинација има ефикасност меѓу 80 и 90 проценти, значи шанса секогаш има инфекцијата да најде простор и во релативно добро покриена средина со популација со вакцини да избувне и во некакви поголеми, рече Петличковски.

И во Србија, како што посочи, од околу 700 лица со потврдена инфекција на голема кашлица, дури 64 отсто биле вакцинирани.

Пертусис, познат како голема кашлица, е многу заразна респираторна инфекција предизвикана од бактеријата Bordetella pertussis.

Според Светската здравствена организација, пертусисот се пренесува лесно од човек на човек, главно преку капки од кашлање или кивање. Болеста е најопасна за доенчињата и е значајна причина за болест и смрт на оваа возрасна група.

Првите симптоми вообичаено се јавуваат од 7 до 10 дена по инфекцијата. Тие вклучуваат блага температура, течење од носот и кашлица. Пневмонија е прилично честа компликација, а напади и болест на мозокот се случуваат, но поретко.

Луѓето со пертусис се најзаразни до третата недела откако ќе започне кашлањето.

Во однос на големата кашлица, попозната во јавноста како магарешка кашлица, најмногу заболуваат бебиња до една година и деца и млади од 10 до 20 години, но не е исклучено да заболат и возрасни. Како што апелираа повеќе стручни лица изминатиов период, вакцинацијата е најбезбедната, најсигурната и најефикасната заштита од магарешка кашлица и од сите други болести за кои постојат вакцини.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Меѓународен аеродром во САД го доби името Доналд Трамп (ВИДЕО)

Меѓународниот аеродром Палм Бич во американската држава Флорида денес официјално беше преименуван во „Меѓународен аеродром „Претседател Доналд Џ. Трамп“.

Меѓународен аеродром во САД го доби името Доналд Трамп (ВИДЕО)

Меѓународниот аеродром Палм Бич во американската држава Флорида денес официјално беше преименуван во „Меѓународен аеродром „Претседател Доналд Џ. Трамп“, но неговиот трицифрен код за авијација ќе остане непроменет до 18 август, кога постојниот код PBI ќе биде заменет со DJT, објави CBS News.

Гувернерот на Флорида, Рон ДеСантис, републиканец, во март потпиша закон со кој официјално го именува аеродромот во чест на американскиот претседател Доналд Трамп, а Федералната администрација за авијација на САД (FAA) издаде упатства според кои промената на името ќе стапи на сила на 9 јули.

Сепак, кодот на аеродромот што патниците најчесто го користат при купување билети и пребарување летови, PBI, нема да се промени во следните 40 дена, објави CBS News.

Ова значи дека за време на преодниот период, FAA, Меѓународната организација за цивилно воздухопловство (ICAO), пилотите, контролорите на летање и другите учесници во воздушниот сообраќај ќе го користат DJT, додека патниците сè уште ќе го гледаат PBI во системите за резервација.

Аналитичарот на авиоиндустријата Хенри Хартевелдт од „Atmosphere Research Group“ изјави дека авиокомпаниите веќе ги направиле потребните промени во своите системи за резервации, системи за услуги на клиентите и други платформи за да ги насочат патниците и багажот кон соодветниот аеродром.

„Авиокомпаниите ми кажаа дека, барем на почетокот, луѓето кои ја користат ознаката PBI на нивните веб-страници за да пребаруваат летови ќе бидат насочени кон летови од аеродромот кој ќе се вика Меѓународен аеродром „Претседател Доналд Џ. Трамп“, рече Хартевелдт.

Промените на трицифрените ознаки на аеродромите што ги користи Меѓународната асоцијација за воздушен транспорт (IATA) се многу ретки, забележува американската телевизиска мрежа.

Овие ознаки генерално се сметаат за трајни и, според IATA, речиси никогаш не се менуваат освен од значајни причини, првенствено поврзани со безбедноста на воздушниот сообраќај.

Официјалното барање за промена на ознаката го поднесоа главните американски превозници кои работат на аеродромот Палм Бич, вклучувајќи ги Делта ерлајнс, Јунајтед ерлајнс, Американ ерлајнс, Џетблу и Саутвест ерлајнс.

Портпаролот на IATA изјави дека организацијата постапила по барање од авиокомпаниите што го користат аеродромот Палм Бич за промена на неговата трицифрена ознака од PBI во DJT, заедно со промена на името на локацијата во Меѓународен аеродром „Претседател Доналд Џ. Трамп“.

IATA ги извести учесниците во индустријата дека промената ќе стапи на сила на 18 август, за да можат сите системи да се ажурираат навремено.

Веб-страницата на аеродромот им советува на патниците да продолжат да ја користат ознаката PBI до официјалната промена во август.

„Свесни сме дека задолжителната промена на името ќе биде пречекана со различен степен на прифаќање кај нашите патници, но ја цениме вашата континуирана поддршка за време на овој транзициски период. „Остануваме посветени на тоа да им служиме на сите патници и да обезбедиме позитивно патничко искуство“, се наведува на страницата со најчесто поставувани прашања на аеродромот.

Според аеродромот, Палм Бич годишно опслужува речиси осум милиони патници.

Претседателот на САД, Доналд Трамп, често го користи аеродромот кога патува до неговиот имот Мар-а-Лаго во Флорида.

Во Соединетите Држави има 12 аеродроми именувани по поранешни претседатели.

Тагови: аеродром Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Новиот електричен Мерцедес со 680 КС е побрз и од Порше (ФОТО)

Новиот Mercedes-AMG CLA 45 врти нова страница и наместо четирицилиндричен турбо бензински мотор, тој носи исклучиво електричен погон, со перформанси што ги надминуваат дури и некои супер спортски автомобили. 

Новиот електричен Мерцедес со 680 КС е побрз и од Порше (ФОТО)

Новинарите веќе имаа можност да седнат во претпроизводствените копии на седанот и караванот Shooting Brake.

Погонски склоп и перформанси

Дволитарскиот четирицилиндричен турбо мотор, кој го направи својот претходник познат, влегува во историјата. Новата генерација е напојувана од поедноставена верзија на електричниот погон преземена од моделот AMG GT со четири врати. Наместо еден, има дури три електрични мотори - еден напред и два назад - кои заедно испорачуваат неверојатни 680 КС и 1759 Nm вртежен момент. За споредба, претходникот, чие производство заврши во 2021 година, имаше 387 КС во основната верзија, додека помоќната S верзија развиваше 421 КС.

Со таква моќност, не е изненадување што новиот CLA 45 постигнува неверојатно забрзување. Седанот достигнува 100 км/ч за само 3,0 секунди, што го прави побрз од сегашниот Порше 911 GT3 RS, на кој му требаат 3,2 секунди. Караванот Shooting Brake губи десетинка од секундата поради малку полоша аеродинамика и го достигнува времето на гореспоменатиот 911 за 3,2 секунди.

Погонот е целосно променлив на сите тркала со векторирање на вртежниот момент, а максималната брзина е електронски ограничена на 250 км/ч, додека ограничувањето може да се зголеми на 270 км/ч со дополнителен надомест.

Батерија, досег и полнење

Енергијата се обезбедува од батерија од 94 kWh која работи на 800-волтна технологија. Брзите полначи со еднонасочна струја можат да се полнат со моќност до 330 kW, додека полначите со наизменична струја поддржуваат до 22 kW. Meрцедес ветува досег од повеќе од 670 километри за седанот, или над 640 километри за Shooting Brake, мерено според WLTP циклусот. Декларираната комбинирана потрошувачка се движи од 16,5 до 18,7 kWh/100 km за седанот и од 17,4 до 19,6 kWh/100 km за караванот.

Доживејте го возењето без звукот на моторот

Преминот на електричен погон за спортски брендови како AMG претставува посебен предизвик бидејќи карактеристичниот звук на моторот со внатрешно согорување исчезнува. За да се надомести таа загуба, CLA 45 ќе го имитира звучниот пејзаж на својот претходник со бензинскиот мотор 45 S во ентериерот. Предните седишта се опремени и со таканаречени вибратори кои треба да пренесуваат типични вибрации на моторот, а симулираните промени на брзините дополнително ќе придонесат за поемотивно искуство при возењето.

Дизајн и ентериер

Визуелно, новиот CLA 45 се издвојува со новата маска Panamericana со десет вертикални решетки, спортски браници и пошироки браници. Препознатлив детаљ е активниот заден спојлер земен од моделот GT со четири врати, кој е инсталиран и на верзијата Shooting Brake. Светлосна лента што ги поврзува фаровите и осветлена решетка се достапни со дополнителна цена.

Внатрешноста носи познати AMG елементи, вклучувајќи спортски волан со сателитски контроли, специфични дисплеи на огромен екран и профилирани спортски седишта. Големиот екран се состои од 10,25-инчен дигитален кокпит и два 14-инчни централни екрани. Вниманието кон деталите е видливо дури и во поставувањето на отворите за вентилација, чие јасно и елегантно „кликнување“ во централната положба звучно го потврдува премиум карактерот на возилото.

CLA 45 е со четири седишта. Централниот дел од задната клупа служи исклучиво како потпирач за раце, што е вообичаено решение кај спортските автомобили. Има доволно простор за оваа класа на возила, а Shooting Brake нуди и малку повеќе простор за глава. Стандардниот стаклен покрив дополнително го подобрува чувството на просторност.

Практичност и димензии

Што се однесува до практичноста, багажникот на седанот нуди 390 литри волумен, додека Shooting Brake има од 450 до 1280 литри. Дополнителен плус е предниот багажник, таканаречениот frunk, со волумен од 101 литар. Автомобилот е долг 4742 mm, широк 1859 mm, со меѓуоскино растојание од 2790 mm. Тежината на празното возило е 2280 kg за седанот, односно 2295 kg за караванот.

Пристигнување на пазарот и цена

Почетокот на продажбата се очекува најдоцна во 2027 година. AMG сè уште не ги објави официјалните цени, но се проценува дека почетната цена би можела да биде околу 65.000 евра (во Германија). Засега нема информации за други верзии, но послабиот CLA 35 како модел од почетно ниво сигурно би бил привлечна опција во понудата.

Новиот Mercedes-AMG CLA 45 јасно ја покажува насоката во која се движи AMG во електричната ера: многу моќност и напредна технологија со несомнен спортски карактер. Со 680 КС, три мотори и екстремни перформанси, новиот модел поставува сосема нови стандарди во споредба со својот претходник. Иако може да се дискутира за решенија како што се звучната сцена и вибрациите во седиштата, првиот впечаток е дека ова е многу добро направен автомобил. Само првите тестови ќе покажат дали ќе обезбеди чувство на вистински AMG при возење.

Тагови: мерцедес Порше

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна товарен авион во близина на Пакистан- пронајдени се остатоците

Пет члена на екипажот сè уште се водат како исчезнати откако остатоците од товарниот авион Боинг 737 што исчезна покрај брегот на Пакистан се пронајдени во вторникот, соопштија воздухопловните власти.

Падна товарен авион во близина на Пакистан- пронајдени се остатоците

Остатоците беа пронајдени по 12-часовно пребарување, пишува Би-Би-Си.

Пребарување и пронаоѓање на остатоците

Пакистанската аеродромска управа вели дека се во тек напори за лоцирање на екипажот на приватниот товарен авион К2 Ервејс. Тој летал од Карачи, град во јужен Пакистан, до Шарџа во Обединетите Арапски Емирати.

Според соопштението за медиумите, во вторник во 21:21 часот по локално време, авионот одеднаш ја изгубил висината и контактот со контролата на воздушниот сообраќај, а неколку минути пред тоа екипажот пријавил проблем со системот за навигација.

Последната голема несреќа во Пакистан

Воздухопловните и поморските сили учествуваа во пребарувањето, а остатоците беа лоцирани 53 наутички милји јужно од Ормара, пристанишен град на брегот на Арапското Море. Ормара е 360 километри западно од Карачи, градот од кој полетал авионот.

Последната голема авионска несреќа во Пакистан се случи во 2020 година, кога се урна домашен патнички авион. Во таа несреќа, авион на „Пакистан интернешнл ерлајнс“ се урна при приближување кон аеродромот во Карачи. Од 99 патници и членови на екипажот, само двајца преживеаја.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер