Свет

Преминот Рафа повторно отворен - првите пациенти евакуирани во Египет

На првиот ден од ограниченото повторно отворање на граничниот премин Рафа меѓу Газа и Египет, само 12 Палестинци ја преминале границата, изјави извор на границата.

Меѓу нив имало пет повредени лица и седум придружници, што е далеку под утврдената квота од 50 пациенти и двајца придружници по пациент, соопштија египетските власти, според „Тајмс оф Израел“.

Не беше веднаш јасно колку Палестинци влегле во Газа преку преминот, кој е отворен за ограничен број пешаци дневно.

Првите палестински пациенти беа евакуирани од Појасот Газа во Египет преку преминот Рафа откако беше повторно отворен, објави „Ал Џезира“.

Отворањето на преминот Рафа вчера е клучен чекор во прекинот на огнот меѓу Израел и Хамас, но е во голема мера симболично, бидејќи засега само 50 Палестинци ќе можат да преминуваат во двата правци дневно, додека стоките нема да бидат дозволени да поминуваат.

Преминот Рафа е во голема мера затворен откако Израел го зазеде во мај 2024 година.

Израел изјави дека очекува бројот на премини да се зголеми ако системот биде успешен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Интерпелација за работата на министерот за внатрешни работи Панче Тошковски

Денеска на собраниска седница е интерпелацијата за работата на министерот за внатрешни работи Панче Тошковски поднесена од пратениците од опозицијата.

Го обвинуваат министерот Тошковски за креирање на „приватна партиска полиција заради владино прикривање и таргетиран политички реваншизам кон опозицијата“; командна одговорност за полициските пропусти кои доведоа до трагедијата во Кочани; непостапување на македонската полиција во случаи на семејно, врсничко и родово базирано насилство и говор на омраза. Меѓу другото, забележуваат и за, како што наведуваат, непрофесионални „двојни стандарди“ при постапувањето на полицијата со различно однесување за исти или слични случаи проследено со злоупотреба на овластувањата при употреба на сила. Ова е трета интерпелација за министерот Тошковски.

Тагови: Панче Тошковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска официјално ќе биде промовирана „Везилка“ – првиот центар за вештачка интелигенција во земјава

Денеска официјално ќе биде промовирана „Везилка“ – првиот центар за вештачка интелигенција во земјава.

Проектот е воспоставен во рамки на европската заедница за пресметување со високи перформанси, кофинансиран од Европската унија и координиран од факултетот за компјутерски науки и инженерство при УКИМ во соработка со министерството за дигитална трансформација.

Проектот е од важност за зајакнување на дигиталниот суверенитет, забрзување на дигиталната трансформација, поттикнување на иновациите во јавната администрација, подобрување на одлучувањето засновано на податоци и создавање можности за истражување, претприемништво и технолошки развој. Има за цел и да ја зајакне соработката меѓу институциите, универзитетите, истражувачките центри, организациите на граѓанското општество и деловната заедница.

Тагови: Везилка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Минчев ќе оствари билатерална средба со министерката за јавна администрација и локална самоуправа на Србија

Министерот за јавна администрација на Република Македонија, Горан Минчев, ќе оствари билатерална средба со министерката за јавна администрација и локална самоуправа на Република Србија.

Средбата се организира со цел размена на искуства и унапредување на соработката во областа на јавната администрација.

По завршувањето на билатералната средба, двајцата министри ќе дадат изјави за медиумите.

Кабинет на Министер за Јавна Администрација

Тагови: Минчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.