Премиерот Ковачевски на Самит во Тирана пречекан од премиерот на Албанија Рама - Канал 5

Македонија

Премиерот Ковачевски на Самит во Тирана пречекан од премиерот на Албанија Рама

Претседателот на Владата на Република Македонија, Димитар Ковачевски денеска во Тирана беше пречекан од премиерот на Република Албанија, Еди Рама каде се одржува Самитот за Западен Балкан - Европска Унија. 

Премиерот Ковачевски на Самит во Тирана пречекан од премиерот на Албанија Рама

Ова е првиот Самит на ЕУ што се организира во регионот на Западен Балкан и тоа кај нашиот сосед Албанија, што уште повеќе ја зголемува неговата важност и значење. ЕУ покажа силно партнерството кон земјите од овој регион, со што уште еднаш потврди дека во нас гледа партнер од доверба.

Уште една силна потврда за нашата европска иднина е хајлатот на овој Самит - потпишувањето на договорот за намалување на цените во роамингот, за разговорите во роаминг помеѓу корисниците од Западен Балкан и земјите од ЕУ. Со овој договор ќе сме поповрзани со земјите од ЕУ и ќе можеме полесно и побрзо да одиме по европскиот пат. Европската Унија сака да сме поврзани, а од целото тоа имаме и практична и економска придобивка и за граѓаните и за бизнисот.

Лидерите од Западен Балкан денеска ќе имаат можност да дискутираат со европските лидери како Шарл Мишел и Фон Дер Лајен и шефовите на европските држава, за европската иднина на целиот регион и јакнењето на соработката, не само помеѓу земјите од Западен Балкан, но и со земјите од ЕУ. Оваа соработка се однесува во делот на обезбедување континуитет и стабилност во снабдувањето со електрична енергија во услови на тешка енергетска криза за што заеднички со земјите од ЕУ се справуваме со овие предизвици. Република Македонија веќе спроведува Стратегија зелена трансформација на земјата и со насочување кон вложување во капацитети за производство на струја од обновливи извори на енергија со што обезбедуваме енергетска независност на земјата. Исто така, тема на Самитот е заедничката европска иднина на земјите од Западен Балкан односно нашата цврста решеност и визија со заеднички напори да обезбедиме мир, стабилност и демократија во време кога само на неколку граници од Западен Балкан имаме разорна војна во Украина.

Самитот е одлична можност да се продолжи оваа успешна соработка за надминување на заедничките предизвиците како што се обезбедување на храна, енергенси, закана од хибридни напади и миграција, бидејќи само со цврсти меѓусебни врски помеѓу земјите од Западен Балкан и Европската Унија можеме да дејствуваме како едно, исклучиво во интерес на граѓаните и перспективите на државите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Одмазда за „рускиот Амазон“, силен напад врз Киев

Најмалку едно лице загина, а 13 се повредени во рускиот напад со балистички ракети врз Киев и неговата околина што се случи ноќеска.

Видео: Одмазда за „рускиот Амазон“, силен напад врз Киев

Според првичните информации, кон главниот град на Украина биле истрелани 31 балистичка ракета и осум хиперсонични ракети „Циркон“.

Првите експлозии во Киев одекнале околу 1:30 часот по локално време, а низ централна и источна Украина се огласија сирените за воздушна опасност. Нападите траеле до 2:38 часот. Украинските воздухопловни сили сè уште го немаат потврдено вкупниот број на ракети, но известија за неколку бранови на балистички ракети насочени кон Киев, почнувајќи од 1:24 часот.

Тагови: русија украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

УХМР: Сончево и многу топло, температура до 40 степени

Денес според изветајот од УХМР времето ќе биде сончево и многу топло со мала до умерена локална облачност.

УХМР: Сончево и многу топло, температура до 40 степени

Попладне ќе има услови за изолирана појава на нестабилност со пороен дожд и грмежи. Ќе дува слаб до умерен ветер од променлив правец.

Максималната температура ќе биде во интервал од 33 до 40 степени.

Во Скопје, сончево и многу топло со мала до умерена облачност. Ќе дува слаб до умерен ветер од западен и северозападен правец. Максималната температура ќе достигне до 39 степени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

СП2026: Бронза за Англија, вечерва Шпанија - Аргентина за титула

По пауза од 60 години прво одличје од светските првенства за селекцијата на Англија.

СП2026: Бронза за Англија, вечерва Шпанија - Аргентина за титула

Англиската фудбалска репрезентација ја победи Франција со 6:4 во натпреварот на т.н „губитници“за третото место на 23 Светското првенство и го освои бронзениот медал.

Гордиот Албион одигра спектакуларно прво полувреме кое го доби со убедливи 4:0 , но Франција „ се разбуди “ во вториот дел и стигна до 4:3 по што имаше и неколку стопроцентни шанси за израмнување и целосен пресврт.Но на крајот сепак Англија не дозволи израмнување и со головите на Сака и Белингем стигна до сигурн триумф во мечот за бронза .

Херој на натпреварот беше Букајо Сака, кој постигна три гола за Англичаните. Покрај него, во листата на стрелците се запишаа и Деклан Рајс, Џуд Белингем и Езри Конса. Килијан Мбапе постигна два гола за Французите и стана најдобар стрелец во историјата на светските првенства; тој исто така запиша асистенција за Бредли Баркола. Стрелец на еден гол беше и Усман Дембеле.

Вечерва во Њу Џерси се игра големото финале меѓу Шпанија и Аргентина.

Тагови: СП2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер