Премиерот го повтори ставот дека под овие услови нема да има уставни измени - Канал 5

Македонија

Премиерот го повтори ставот дека под овие услови нема да има уставни измени

Нашите позиции како ВМРО-ДПМНЕ и како Влада се јасни, непроменети и недвосмислени.

Премиерот го повтори ставот дека под овие услови нема да има уставни измени

И по последните пораки на ЕУ во Извештајот и изјавите на евкомесарката Кос дека нема придвижување на процесот на интеграција без исполнување на преземената обврска за уставни измени - премиерот Христијан Мицкоски дециден - никој не смее и не е фер да очекува дека ќе го отвориме Уставот за Бугарите доколку и од другата страна не се покаже волја и разбирање. Сепак, Премиерот вели дека Владата сака да има дијалог и е подготвена за разговори во секое време, а додава дека кога се потпишуваат договори од високи владини претставници за поголеми проекти со Бугарија, како што е за изградба на железничкиот тунел, дел од коридорот Коридор 8, се праќа јасна порака дека сме добри соседи.

-Нашите позиции како ВМРО-ДПМНЕ и како Влада се јасни, непроменети и недвосмислени. Нашата порака е прилично јасна и останува на ставот дека никој не смее и не е фер да очекува дека ние туку така ќе влеземе во било каков процес на промена на Уставот, а без притоа и другите страни да си го испорачаат она кое што е нивна обврска согласно меѓународното право и согласно оние гаранции кои што така на фанфари и на голема врата ги најавуваат. Ние сме подготвени за дијалог во било кое време, сакаме да разговараме, дека сме добри соседи испративме и вчера порака со присуството на потпретседателот на Владата Александар Николовски и потпишувањето на договорот на Ѓуешево,- - Христијан Мицкоски – Премиер на Влада.

Мицкоски и денеска повтрои дека има позитивно мислење за Беким Сали, кој ќе го наследи Изет Меџити како прв вицепремиер во Владата, но вели дека досега немало никакви разговори со Вреди околу ресосорот Животна средина. Од таму најавија дека планират да ги раздвојат функциите, но Мицкоски е дециден дека тој е мандатар и последниот збор ќе го има тој.

-Како понатаму ќе се одвиваат работите, јас кажав, досега не е разговарано, не велам дека нема да се разговара, можеби ќе се разговара, но треба да се води сметка дека ВМРО-ДПМНЕ како политичка партија е најголема во Македонија, и дека мандатар на оваа Влада сум јас. Логично е дека јас ќе го имам последниот збор. Не би сакал да комуницирам преку медиуми, овие прашања треба да се решаваат како и до сега, на еден квалитетен начин, во рамките на самата коалиција за која јас многу пати сум рекол дека треба да претставува еден вид на семејство и тие работи се решаваат во рамките на семејството. Секој друг обид да тоа биде своевидна естрада е лош обид,- - Христијан Мицкоски – Премиер на Влада

Мицкоски кажа и дека во текот на следната недела ќе назначи владини повереници во четирите општини во кои локалните избори беа неуспешни затоа што во првиот круг не беше исполнет законскиот цензус од една третина излезност на гласачите. Станува збор за општините Гостивар, Врапчиште, Центар Жупа и Маврово и Ростуше, за кои во рок од два месеци спиекрот Гаши треба да распише нови избори.

YouTube video

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Карлеуша: „Ако сакав да тепам проститутки...“

Српската пејачка Јелена Карлеуша го обвини својот екс сопруг , поранешниот фудбалер Душко Тошиќ дека ја нападнал неа и нејзиното момче! Таа откри и дали неговата нова девојка Нора е сè уште во брак.

Карлеуша: „Ако сакав да тепам проститутки...“

Јелена Карлеуша се огласи на својот X профил, откако нејзиниот поранешен сопруг Душко Тошиќ за прв пат објави фотографија со својата нова девојка Нора.

Контроверзната Карлеуша не штедеше зборови за својот поранешен сопруг, а откри и дека Нора е сè уште во брак.

- Никогаш физички не би го нападнала мојот поранешен сопруг и неговата мажена девојка на начинот на кој тој нè нападна мене и моето момче иако долго време бевме разведени (претпоставувам дека ќе го стори тоа и нејзиниот сопруг).

Ако сакав да тепам проститутки, ќе почнев од Турција. Но, ги сакам новинарите кои се тркаат наоколу, ги фалат моите бивши, а воедно имаат амнезија за годините злоупотреба. Поради ова, ниту еден новинар нема да добие изјава од мене повторно. Сега нека ви ја дадат Карлеуш од Тему - напиша ЈК.

Тагови: Јелена Карлеуша

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Минијатурни бикини, градите и задникот во преден план

Една од сестрите Кардашијан - Џенер, атрактивната Кајли моментално престојува на егзотичните острови Туркс и Кајкос, каде што го користи своето слободно време за одмор, релаксација и правење секси фотографии. 

Фото: Минијатурни бикини, градите и задникот во преден план

Фотографиите од младата бизнисменка повторно привлекоа големо внимание на социјалните мрежи, но очигледно нејзе не ѝ пречат коментарите.

Напротив, таа продолжува да споделува слики од својот одмор и ужива во секој момент.

Кајли редовно ги информира своите следбеници за тоа како ги поминува деновите, па нејзините профили во последните денови се полни со фотографии од плажата и базенот.

Кајли ги радува фановите со фотки во минијатурни бикини на кои во преден план се нејзините бујни облини.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Фото: Рафаел Надал го прослави својот 40-ти роденден: Воодушеви со синовите и сопругата

Еден од најдобрите тенисери во историјата Рафаел Надал слави важна лична годишнина.

Фото: Рафаел Надал го прослави својот 40-ти роденден: Воодушеви со синовите и сопругата

Тенискиот шампион Рафа надал го прослави својот 40-ти роденден во интимна атмосфера со сопругата и нивните два мали сина, Рафаел Џуниор и Микел.

Тениската легенда го одбележа својот 40-ти роденден со многу ретки фотографии со сопругата Марија Франциско Перело и нивните две мали деца.

Рафаел зрачеше од среќа на прекрасна фотографија со своето семејство додека го прославуваа посебниот ден дома со чоколадна торта. Поранешниот тенисер, кој ги замагли лицата на своите деца, го држеше својот постар син, тригодишниот Рафаел Џуниор, во скут, додека неговата сопруга го држеше нивниот помлад син Микел во раце.

На друга ретка фотографија, Надал позира со широка насмевка додека во рацете ги држи синовите пред декорација со балони подготвена за да го прослави неговиот 40-ти роденден.

Тој исто така сподели трогателни видеа од неговите најблиски како ја пеат роденденската песна и го прегрнуваат.

„Ви благодарам на сите за желбите за роденденот. Беше многу посебен ден, опкружен со целото мое семејство“, напиша Надал под објавата.

Инаку Рафа и убавата Франциска својата вфрска ја започнаа пред повеќе од две децении во 2005 година.

За прв пат заедно се појавија на црвениот тепих во 2011 година.

Двојката беше заедно 14 години пред свадбата, а судбоносното „да“ го кажаа во Шпанија во октомври 2019 година.

Тагови: Рафаел Надал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер