Култура

Премиерно издание на Меѓународниот фестивал на ангажиран филм „Охрид Филм Фест“

Со регионалната премиера на филмот „Од другата страна“ вечерва на Институтот за филм - Филмска академија во Охрид ќе биде отворено првото издание на Интернационалниот фестивал на ангажиран филм „Охрид Филм Фест“. Станува збор за хрватско-српска копродукција на авторот Зринко Огреста, филм што светската премиера ја имаше на годинешниот Берлински фестивал, а во која главната ролја ја толкува познатиот актер Лазар Ристовски.

Како што беше истакнато на денешната прес-конференција, самиот „Охрид Филм Фест“ е фестивал кој се фокусира на ангажираниот филм и на студентската програма.

- Фестивалот ќе се обиде да понуди и да донесе нешто ново, да предизвика дискусии, коментари, соочувања, критики реакции. Ќе се обиде преку ангажираните теми и најгорливи и најактуелни теми и проблеми во светот да направи да заживеат разговорите по проекциите на фестивалите, да предизвика интерес, но и низ разговорите со авторите да придонесе кон осознавање и откривање нови простори, изјави директорката и селектор на главната програма Сунчица Уневска.

На програмата на фестивалот се уште и филмот „Пат за Истанбул“ на Рашид Бушареб, францускиот режисер со алжирско потекло кој последните десеттина години редовно освојува награди на големите фестивали. Вљубениците на седмата уметност ќе имаат нескојдневна можност да изгледаат и уште неколку многу интересни наслови како иранскиот „Сонита“ или турскиот „Би сакала да се измие со дождот“.

Покрај главната во рамки на фестивалот се предвидени и програмите „Видици“, програмата на кратки филмови и програмата „Охрид на филм“.
За „Видици“ селекторката Марина Костова вели дека сите филмови ги поврзува заеднички именител, кој ги открива заедничките нишки што ги поврзуваат сите луѓе во светот, како што се страдањата од сиромаштијата, човечките неправди, изгубените илузии, борбата за среќа...
Селекторот на кратката програма, филмскиот критичар Влатко Галевски вели дека Охридскиот филмски фестивал се приклучува кон големата светска фамилија на фестивали кои го презентираат и афирмираат новиот бран на идните филмски ппрофесионалци. Кратката програма или Програмата посветена на млади студенти ќе има едукативниот карактер и ќе понуди малку поинакви содржини.

Концептот на Охридскиот фестивал е осмислен како прв македонски интерактивен фестивал со акцент на посветеност кон студентите од македонските филмски школи, нивните колеги од регионот, но и од Европа. Целта е движење и промена, размена и можност да се разговара директно со филмските автори за нивните дела, споделување искуства со еминентни имиња од светот на филмот. Дел од фестивалот ќе бидат и тематските работилници на кои ќе се развиваат проектите на младите филмаџии под менторство на експерти од конкретни области.

Не програмата на фестивалот се 20 долгометражни и 44 кратки филмови, од кои пет на македонски автори. Проекциите на филмовите ќе се изведуваат во кино-салата на Центарот за култура „Григор Прличев“ и во просториите на Институтот за филм – Филмска академија во Охрид.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Почина 13-годишното дете кое беше избодено со нож во Чаир, ќе има ли преквалификација на кривичното дело?

По три недели борба за живот, почина 13-годишното дете кое на 31 август беше избодено со нож во Чаир.

Информацијата за Канал 5 ја потврдија од скопските клиники, каде што детето се лекуваше каде беше примено со тешка убодна повреда во пределот на срцето и веднаш беше оперирано.

Инцидентот се случи на 31 август при физичка пресметка во Чаир помеѓу две групи. Од една страна двајца браќа на возраст од 13 и 19 години, и 13,16 и 19 годишник од друга страна. Полицијата првично извести дека едниот 13 годишник со нож им нанел убодни рани на трите лица од спротивната страна.

Скопското обвинителство веќе отвори истрага за случајот. За 13 годишникот соопшти дека е под законската граница за кривична одговорност, додека неговиот 19 годишен брат веќе е во притвор. Осомничен е за кривично дело насилство.

-Осомничениот и неговиот малолетен брат кој е под законската граница за кривична одговорност преземале дејствија на насилство со кои на едно дете и на едно полнолетно лице им биле нанесени тешки телесни повреди со убоди од нож, а полесно било повредено уште едно дете. Во јавноста и кај присутните лица предизвикувале чувство на несигурност, загрозување, страв и вознемиреност, наведоа тогаш од Обвинителството.

Но со оглед на тоа што сега во случајот има смртен исход, како што брифираат од обвинителството ќе следи и преквалификација на кривичното дело откако ќе добијат известување.

Иако во полицискиот билтен беше наведено дека 13 годишникот е тој што ги нанел убодните рани, според неофицијални информации обвинителството се сомнева дека тој признал бидејќи нема кривично да одговара, а всушност неговиот полнолетен брат бил оној кој ги задал убодите.

Засега од обвинителството единствено потврдуваат дека и понатаму се собираат докази за случајот а истрагата треба да утврди кој го нанел убодот од кој настапила смртта.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

ЕУ повторно им доделува бесплатни патувања на младите

ЕУ повторно им доделува бесплатни патувања на младите. Пријавувањето започнува на 1 октомври.

Европската Унија доделува нова серија од 41.000 бесплатни билети за воз на 18-годишници за патување низ Европа.

Младите можат да аплицираат онлајн од 1 до 15 октомври; право на учество имаат сите граѓани на ЕУ родени помеѓу 1 јануари и 31 декември 2008 година, под услов да пополнат краток квиз за ЕУ и иницијативите за млади.

Право на учество имаат и жителите на земји надвор од ЕУ кои се вклучени во програмата за размена „Еразмус+“ (Erasmus+).

До седум дена патување со воз низ Европа Европската комисија ќе ги извести успешните кандидати и ќе им додели билети за воз кои важат за патување во траење до седум дена, во рамките на еден месец, во периодот од 1 март 2027 година до 31 мај 2028 година. Иницијативата „DiscoverEU“ е дел од програмата „Еразмус+“ и беше лансирана во 2018 година со цел да им овозможи на младите граѓани на ЕУ „да патуваат и да ја истражуваат разновидноста на Европа, да го откриваат нејзиното културно наследство и историја, како и да се поврзуваат со луѓе од целиот континент“.

Според информациите од ЕУ, Обединетото Кралство повторно ќе се приклучи кон програмата во 2027 година – за првпат по Брегзит (неговото повлекување од Европската Унија). Досега, околу 473.000 млади луѓе ги искористиле бесплатните билети за воз доделени преку иницијативата „DiscoverEU“, при што нови серии билети се пуштаат во оптек двапати годишно.

Тагови: воз

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Расчистен случајот со објавеното видео со палење на македонското знаме на Тик-ток

Полицијата го расчисти случајот поврзан со видео објавено на социјалната мрежа „Тикток“, на која се гледа палење на македонското знаме, .

Полицијата го расчисти случајот поврзан со видео објавено на социјалната мрежа „Тикток“, на која се гледа палење на македонското знаме, со што е сторено кривично дело „предизвикување омраза, раздор или нетрпеливост врз национална, верска и друга дискриминаторска основа“..

Станува збор за малолетно лице под 14-годишна возраст од Тетово кој го објавил овој чин на својот профил. Со согласност на родителот, за потребите на постапката и фотодокументирањето на доказите, обезбеден е мобилниот телефон од кој било поставено видеото..

Во просториите на полицијата, во присуство на родител и претставници од Центарот за социјална работа Тетово, со малолетникот е извршен службен разговор, при што тој го признал делото, а во текот на службениот разговор, малолетникот посочил уште три малолетни лица кои учествувале во настанот. Тие дополнително ќе бидат повикани во полициска станица за целосно расчистување на случајот.. По целосното документирање на предметот, до надлежното Основно јавно обвинителство Тетово ќе биде поднесен соодветен поднесок.. , информираат од МВР..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.