Премиера на „Сомнително лице" во Велешкиот театар - Канал 5

Премиера на „Сомнително лице" во Велешкиот театар

 На големата сцена на велешкиот Народен театар „Јордан Хаџи Константинов-Џинот" вечерва  премиерно ќе биде изведена претставата „Сомнително лице" од Бранислав Нушиќ во режија на Венцислав Ристов.

Премиера на „Сомнително лице" во Велешкиот театар

Инаку оваа е петта постановка на оваа претстава за 70-годишното постоење на Велешкиот театар.

Како што информира Александар Ивановски нов в.д директор на Велешкиот театар, првата премиера на „Сомнително лице" била во 1950 година. Втората била во 1955, а третата во 1984 година, a во главната улога на Јеротије Пантиќ бил Петре Прличко. Во 2005 година на сцената на Велешкиот театар била поставена и четврттата премиера на „Сомнително лице" во која главната улога на Јеротије Пантиќ ја играл Младен Крстевски, а кој после петнаесет години во оваа улога повторно ќе настапи и во петтата премиера на „Сомнително лице"

-.Многу е тешко една претстава да има пет премиери за 68 години, а секоја да биде поразлична од претходната и да ја привлекува публиката. На Велешкиот театар тоа му успева сите овие години, а е и еден од малкуте во земјава кој досега поставил пет премиери на популарната „Сомнително лице", појаснува Ивановски.

Основата на приказната е иста, а сепак режисерот Ристов прави осовременување на познатата комедија на Нушиќ која е жестока сатира на државниот чиновнички апарат и бирократските процедури, потенцира Ивановски.

Во претставата играат познати актери од велешкиот и скопски театари како Ѓорѓи Тодоровски-Трупче, Васил Зафирчев, Младен Крстевски, Кирил Гравчев, Александар Ѓорѓиев, Драган Миладиновски, Мане Ташев, Жарко Спасев, Кире Ацевски и актерките Кети Борисовска и Талија Настова.

Сценографијата е на Весна Богојевска, костимографијата на Невенка Тодоровска и музиката на Сашко Костов.

Претставата е дел од годинашната програма на велешкиот театар финансирана од Министерството за култура.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Си отстапи од протоколот поради Трамп – лично го пречека на аеродромот (ВИДЕО)

Кинескиот претседател Си Џинпинг лично го пречека американскиот претседател Доналд Трамп на аеродромот во Шенжен, по повод неговото пристигнување на самитот на Азиско-пацифичката економска соработка (APEC).

Си отстапи од протоколот поради Трамп – лично го пречека на аеродромот (ВИДЕО)

Со овој гест, Си отстапи од вообичаената практика.

Откако стана шеф на државата, Си никогаш претходно нема пречекано американски претседател на аеродром. Во Кина, каде што протоколот се сфаќа исклучително сериозно, појавувањето на Си на пистата претставува јасен сигнал за важноста што Пекинг им ја придава на односите со Соединетите Држави.

Според кинескиот дипломатски протокол во последните години, шефот на државата вообичаено не ги пречекува гостите при нивното пристигнување на аеродромот. За споредба, рускиот претседател Владимир Путин, кој пристигна во Шенжен претходно денес, беше пречекан од Цаи Ќи, шефот на кабинетот на Си – што, само по себе, се сметаше за невообичаено високо ниво на почест.

Овој потег уследи по настанот од претходно оваа година, кога Трамп лично го пречека Си при неговото пристигнување во воената база „Џоинт бејс Ендрјус“ во Соединетите Држави.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рафаел Надал предлага револуционерни промени во тенисот

Рафаел Надал предлага револуционерни промени во тенисот, не можев да го кажам тоа кога играв, но сега можам. .

Рафаел Надал предлага револуционерни промени во тенисот

Легендарниот шпански тенисер Рафаел Надал смета дека е време за темелна реформа на системот на АТП-бодови – промена која би им овозможила на играчите повеќе време за одмор и за закрепнување од повреди.

Во интервју за „Асошиејтед прес“, освојувачот на 22 гренд слем титули зборуваше за сè понапорниот тениски календар, физичкиот товар врз играчите и проблемите што произлегуваат од сегашниот систем на рангирање.

Неговиот предлог е прилично радикален: наместо бодовите да се пресметуваат врз основа на резултатите постигнати во претходните 12 месеци – како што е случајот сега – АТП-рангирањето би требало да ги опфаќа резултатите од последните две години.

Според Надал, сегашниот систем создава дополнителен притисок врз тенисерите, бидејќи тие се обврзани да ги бранат поените освоени во текот на претходната сезона. Како резултат на тоа, играчите често се враќаат на теренот пред целосно да заздрават, плашејќи се од значителен пад на ранг-листата.

„Систем за рангирање заснован на резултатите од последните две години, наместо само од една, би им дал на играчите поголема слобода за носење подобри одлуки. Исто така, доколку дојде до повреда, би имале повеќе време за закрепнување, без притоа нивната позиција на ранг-листата толку нагло да опаѓа“, објасни Надал.

Шпанецот смета дека една таква промена би им помогнала на тенисерите подобро да ги планираат своите сезони и да избираат турнири, без постојано да чувствуваат обврска да настапуваат само за да ги заштитат своите поени.

Поранешниот светски број еден, исто така, ја критикуваше одлуката повеќето турнири од серијата „Мастерс 1000“ да се продолжат на речиси две недели. Седум од деветте турнири во оваа категорија сега траат 12 дена, додека Монте Карло и Париз го задржаа својот традиционален еднонеделен формат.

„Мислам дека продолжувањето на речиси сите турнири од серијата ’Мастерс 1000‘ на две недели беше грешка“, заклучи Надал.

Неговите предлози повторно ја разгореа дебатата за тоа како да се најде рамнотежа помеѓу комерцијалниот развој на тенисот, сè понапорниот календар и здравјето на тенисерите. Сепак, засега, ова остануваат само предлози на Надал, а не најавени промени во правилата на АТП.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Николоски: Се размислува патарините да се отстранат, а плаќањето да се врши на современи технолошки начини

Се размислува патарините да се отстранат, а плаќањето да се врши со современи технолошки начини, ова утринава го соопшти министерот за транспорт Александар Николоски.

Николоски: Се размислува патарините да  се отстранат, а плаќањето да се врши на современи технолошки начини

Се размислува патарините да се отстранат, а плаќањето да се врши со современи технолошки начини, ова утринава го соопшти министерот за транспорт Александар Николоски кој рече дека вчера се сретнал со новиот претседател на европската транспортна заедница

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер