Култура

Премиера на филмот „Ефтеркланг: Македониум бенд“ во продукција на МКЦ во Копенхаген

Музичкиот документарен филм што се снимаше во текот на април годинава, претставува музичко патешествие на групата „Ефтеркланг“ во потрага по македонски музичари.

Светската премиера на филмот „Ефтеркланг: Македониум бенд“, во режија на Андреас Јонсен, а во продукција на МКЦ, Rosforth и Rumraket, ќе биде на еден од најголемите светски фестивали за документарен филм „CPH:DOX“ на 23 март 2024 година во Копенхаген, Данска, соопштија денеска од ЈУ Младински културен центар.

- Музичкиот документарен филм што се снимаше во текот на април годинава, претставува музичко патешествие на групата „Ефтеркланг“ во потрага по македонски музичари, со цел составување на голем ансамбл и нивен заеднички перформанс пред споменикот „Македониум“, во чест на симболот на архитектонскиот споменик за слобода и независност. Премиерата на филмот, закажана за 23 март 2024 во рамките на „CPH:DOX“ ќе биде проследена со уникатен концерт на ансамблот „Ефтеркланг: Македониум бенд“, каде членуваат 22 македонски музичари. Во рамките на концертот, ќе бидат отсвирени најпознтите песни од бендот „Ефтеркланг“, но и македонски песни и џез стандарди во препознатливиот народен ритам, се наведува во соопштението.

Филмот, како што се додава, ја заокружува истражувачката потрага на овој дански состав на прекрасен, непосреден и шармантен начин, преку патувачка турнеја низ нашата држава.

- Во тој процес на регртурација на членови за новиот супер состав наречен „Ефтеркланг: Македониум бенд“, нивен водич и локална инспирација е уредникот на музичка програма во МКЦ, Владица Младеновски Грга, нивен пријател и посредник во целата авантура. Младински културен центар се јавува во улогата на продуцент, преку својата логистичка и организациска поддршка на целиот проект. Режисер на филмот е Андреас Јонсен, наградуван дански документаристички режисер чиј филм „Ai Weiwei: The Fake case“ го отворил изданието на „CPH:DOX“ во 2013 година. Покрај бендот „Ефтеркланг“, во ансамблот членува и Женскиот младински хор при МКЦ со 16 хористки, потоа музичарите Стефче Стојковски, Дејан Спасовиќ, Дина Јашари, Ива Дамјановски, Мартина Баракоска и Јане Трајковски, се додава во соопштението.

Во писмената изјава на Владица Младеновски од МКЦ, се наведува дека тие се многу возбудени за приликата да се испробаат и во филмот.

- МКЦ стои гордо како продуцент на овој музички документарен запис, чија идеја потекна токму од тука, од еден од настапите на „Ефтеркланг“ на музичкиот фестивал „Здраво млади“. Инспирацијата од Крушево, од монументалноста на споменикот „Македониум“, што покрај државотворниот симболизам, буди и чувства на уметничка независност и израз беше токму вистинската линија за нарација на целиот филм. Веста дека премиерата на филмот ќе се случи на „CPH:DOX“ беше огромно изненадување, се додава во писмената изјава.

Светската премиера заедно со концертниот настап ќе се случат во познатата сала „DR Koncerthuset“, што за време на изградбата во 2007 година, важела за најскапата музичка сала некогаш изградена. Архитектот Жан Нувел, за дизајнот на „DR Koncerthuset“, се здобива и со Прицкерова награда за архитектура.

Реализацијата на филмот е поддржана од Министерството за култура на Република Македонија.

Регион

Се огласи хрватскиот министер, кој испука 15 куршуми од автомобил: Не гледам причина за оставка

Видеото на кое се гледа како хрватскиот министер за земјоделство и вицепремиер Јосип Дабро испука 15 истрели од пиштол низ отворен прозорец на автомобилот ги шокира сите.

По целиот хаос, тој сега проговори и се обиде да ја објасни ситуацијата, објави Јутарњи.

Тој ја потврди автентичноста на снимката, но тврди дека од спортскиот пиштол пукал со маневарски куршуми, за кој има валидна дозвола.

- Тоа е пукање од пред неколку години, а јас пукав од пиштол со ќорци. Имаше некоја приватна прослава, можеби дури и раѓањето на синот на брат ми, а снимката му ја испратив исклучиво на нашиот пријател Марио Радиќ и на никој друг. Беше со нас цела вечер и го донесовме дома. Она што се слуша на снимката не се никакви закани. Цела вечер се дружеше со нас. Возев во мојот приватен автомобил, возачот ми беше пријател, како и другиот што снимаше. Тоа беше и мој пријател. Се се случуваше кај Привлака и надвор од населбата - изјави Дабро.

- Со спортско стрелање се занимавам од 2007 година и имам дозвола за оружје. Ова е спортски пиштол HS кој редовно го користам како член на SSD Сокол Привлака. Според законот за оружје, имам дозвола за поседување и носење, а потоа законот беше сменет, па имав дозвола за поседување, но не можеш да бидеш спортски стрелец без да можеш да носиш пиштол. Знам дека нешто е сменето, но проверете го законот – рече тој.

- Чекав да ми се јави еден од новинарите, бидејќи добив информација дека медиумите ја добиле снимката од некој близок на Марио Радиќ - рече тој и додаде дека за сѐ го известил премиерот Андреј Пленковиќ.

-Премиерот само се интересираше дали тоа беше пред да влезам во Владата или потоа. Тоа е единственото нешто што го интересираше. Тоа беше во време кога не бев министер, ниту член на Владата. Се разбира, од денешна перспектива изгледа лудо и секако се каам што го направив тоа. Тоа беше момент на среќа, возбуда и, ако сакате, непромисленост, иако никого не загрозив и не направив криминално дело. Морално не е, во ред, но исто така важно е што никогаш повеќе не го направив тоа. Можно е форензички да се утврди кога е испратена таа снимка со помош на телефонот на Марио Радиќ, бидејќи веќе ја немам, не ја префрлив на новиот телефон. Тоа е снимено со мојот стар телефон“, рече министерот.

– Не гледам причина да поднесам оставка поради ова – заклучил тој.

Марио Радиќ тврди дека не знае за што се работи на снимката, но дека е можно Дабро да му ја испратил, но и други со слична содржина.

Македонија

Мицкоски: И во победа и во пораз сме заедно, главата горе момци!

Премиерот Христијан Мицкоски по поразот од Холандија, ги бодри нашите ракометари на СП.

„И во победа и во пораз сме заедно, главата горе момци! Одиме понатаму, по следен триумф, за кого???

За Македонија!“ , објави Мицкоски на ФБ.

Живот

Американка открива зошто носи перика, лажни мустаќи и тетоважи додека џогира (ВИДЕО)

Откако видела колку нејзиниот сопруг ужива во ноќното џогирање, Клер Викоф (44) решила да го промени времето кое се посветувала на спортски активности.

Сепак, таа сфатила дека не се чувствува безбедно на улиците во вечерните часови, пренесува New York Post.

„Трчам скоро 20 години, учествував на полумаратон во 2008 година и сакав да видам какво е искуството навечер“, објаснила таа.

Бидејќи не се чувствувала удобно, смислила експеримент со својот сопруг, нарачувајќи лажни мустаќи, перика, машка облека и лажни тетоважи.

„Брзо ја забележав разликата. Никој не ми приоѓа, ниту ми зборува кога сум маскирана во маж! За прв пат се чувствувам удобно да трчам навечер“, истакна таа.

Таа додава дека не била сигурна дека луѓето веруваат дека таа е вистински маж, но дека тоа навистина не е важно, бидејќи крајниот резултат е ист.

„Искрено, се чувствувам како суперхерој. Едноставно се чувствувам бескрајно побезбедно“.

Клер планира да го продолжи експериментот со новите „помагала“ што ги нарачала.

„Добивам лажна брадичка и самолепливи влакна на градите. Се чувствувам како да искусувам трчање од сосема нова перспектива и се забавувам правејќи го тоа“, заклучила таа.

притисни ентер