Премиера на „Диџеј Ахмет“ на јубилејното 20. издание на Македонскиот филмски фестивал во Торонто - Канал 5

Забава

Премиера на „Диџеј Ахмет“ на јубилејното 20. издание на Македонскиот филмски фестивал во Торонто

 Во киното „Карлтон“ во Торонто, Канада, викендов се одржа јубилејното 20. издание на Македонскиот филмски фестивал, на кој беа прикажани повеќе документарни, краткометражни и долгометражни остварувања од македонската кинематографија.

Премиера на „Диџеј Ахмет“ на јубилејното 20. издание на Македонскиот филмски фестивал во Торонто

Во фокусот на овогодинешното издание бил филмот „Диџеј Ахмет“ во режија на Георги М. Унковски, кој раскажува за петнаесетгодишно момче од јуручко село во Македонија, што преку музиката се обидува да се ослободи од очекувањата на семејството, заедницата и првите љубовни искуства.

На Фестивалот публиката имала можност да ги погледне и филмовите „Лена и Владимир“ во режија на Игор Алексов, „Џон Вардар против Галаксијата“ на Гоце Цветановски – првиот македонски анимиран долгометражен филм, како и документарниот филм посветен на истражувачот на народното творештво Васил Хаџиманов „Фениксот од Кавадарци“.

На програмата биле вклучени и краткометражни филмови со современа тематика, како „Избор“ во режија на Марко Црногорски, кој обработува прашања за личната слобода и моралните дилеми, како и акционата комедија наменета за помладата публика. „Убиј ги прво децата“ на Димитар Оровчанец.

Фестивалот ќе биде затворен со проекцијата на „Мојот летен распуст“, приказна за детството, планините и слободата, низ погледот на 8-годишниот Басри и неговите браќа овчари.

Според организаторката на фестивалот Вирџинија Еванс, оваа филмска смотра претставува „мост меѓу дијаспората и татковината“ со цел промовирање на македонската култура во Канада. – Атрибутот „македонски“ му дава посебна егзотика и топлина на фестивалот. Тој е доказ дека културата нè поврзува, без разлика каде живееме, вели Еванс.

Посетителите ја поздравија можноста да се запознаат со новите тенденции во македонската кинематографија, нагласувајќи дека фестивалот претставува важна платформа за културно обединување и размена на идеи меѓу авторите и публиката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: 58 случаи на западнонилска треска и прв во Свети Николе, 8 починати, хаосот продолжува

Во Македонија веќе се регистрирани 58 случаи на западнонилска треска, прв случај има во Свети Николе.

СДСМ: 58 случаи на западнонилска треска и прв во Свети Николе, 8 починати, хаосот продолжува

Бројот на заболени расте, а бројот на починати достигна осум. Не се ова само статистички бројки – ова се човечки животи.

Клековски и Мицкоски не менаџираат со здравствената криза од западнонилска треска.

СДСМ со недели предупредуваше дека власта задоцни со превенцијата од западнонилската треска.

Задоцни со прскањето против комарци, задоцни со системските мерки и со навремената заштита на граѓаните.

Владата нема капацитет навремено да превенира и да го заштити здравјето на граѓаните, туку реагира откако кризата ќе ескалира.

Истиот модел на задоцнета реакција, институционален хаос и молк го гледаме и со здравствената криза во Гостивар.

Околу 5.000 граѓани побараа медицинска помош, а осум недели подоцна јавноста сè уште го нема целосниот извештај за водата.

Прво се молчи, потоа институциите задоцнуваат, а на крај граѓаните ги плаќаат последиците.

Осум жртви од западнонилска треска и осум недели без целосен извештај за водата во Гостивар.

Две здравствени кризи, ист модел на однесување – задоцнета реакција, недоволна превенција, институционален хаос, молк и никаква одговорност.

Цената на нефункционалниот систем ја плаќаат граѓаните – со своето здравје, а за жал и со своите животи.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Најмалку пет лица загинале, а 80 се водат како исчезнати откако избувнал пожар на траект (ВИДЕО)

Најмалку пет лица загинале, а 80 се водат како исчезнати откако избувнал пожар на патнички траект во близина на брег на Филипините.

Најмалку пет лица загинале, а 80 се водат како исчезнати откако избувнал пожар на траект (ВИДЕО)

Портпаролката на филипинската крајбрежна стража, соопшти дека во спасувачките акции што се уште траат досега од бродот се извлечени 42 лица.

Траектот синоќа пловел од главниот град Манила кон Корон, кога ненадејно се запалил на околу два километри од брегот. Засега не е позната причината за пожарот. На траектот имало 134 лица. Властите започнаа истрага за причината за пожарот, како и за евентуално прекршување на безбедносните прописи, вклучително и дали траектот бил преоптоварен и дали на сите патници им биле обезбедени спасувачки елеци.

Тагови: пожар траект Филипините

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЛиДеМ и Форум на жени на ЛДП: Откако им кажа на првачињата родителите да им се сексаат, сега слуша попови за сексуалното здравје! Има ли крај лудилово?

Министерката Весна Јаневска го изгуби целосно компасот на почетокот на учебната година и сега го доведе Министерството за образование до степен на целосен средновековен опскурантизам. 

ЛиДеМ и Форум на жени на ЛДП: Откако им кажа на првачињата родителите да им се сексаат, сега слуша попови за сексуалното здравје! Има ли крај лудилово?

Откако пред само неколку дена ја шокираше јавноста со бизарна изјава во која им порачуваше на шестгодишни деца нивните родители да прават деца т.е. братчиња и сестричиња, сега доживеавме нов институционален срам: наставната програма за Сеопфатно сексуално образование (ССО) за средношколци се повлекува одлучно и експресно, само затоа што еден владика ѝ напишал отворено писмо!

„Иако министерката самата јавно призна дека „не е стручна“, наместо да ги слуша експертите, медицината, УНИЦЕФ, ИНТЕРПОЛ и Светската здравствена организација, таа одлучи здравствената едукација на младите да ја диктираат црковни догми“, изјави Тамара Гарческа од Либерално-демократската младина (ЛиДем). Таа ги постави следните прашања од ЛиДеМ и ФЖ на ЛДП: Дали беше стручна кога препорачуваше кога промовираше зголемена сексуална и репродуктивна активност на родителите? Дали министерката навистина мисли дека со повлекувањето на образованието од училиштата ќе ги исчезне ризиците на кои средношколците се изложени секој ден? Дали знае министерката за случајот од оваа недела за 15-годишната средношколка од Македонија сексуално малтретирана на летот Скопје-Загреб? Дали знае во кој век живееме и каде тера?

Податоците на домашните и меѓународните истражувања покажуваат сурова реалност што МОН свесно избира да ја игнорира: над 12.000 деца во Македонија се изложени на онлајн сексуална експлоатација, уцени, малтретирање и споделување интимни фотографии без нивна согласност. Во земја каде што малолетничките бремености се трипати повисоки од просекот во ЕУ и каде што се регистрираат сѐ поголем број нови случаи на ХИВ, повлекувањето на ССО не ги отстранува насилниците, ниту социјалните мрежи како ТикТок и Снепчет. Тоа само им го одзема на младите единственото оружје — знаењето како да се заштитат, како да препознаат злоупотреба, да постават граници и да кажат „НЕ“.

ЛиДеМ и Форумот на жени на ЛДП порачуваат дека образованието не смее да се води од страв, верски притисоци и политички кукавичлук. “Запрете го лудилото и оставете ги младите да се едуцираат врз основа на наука, превенција и факти, а не од темните агли на интернетот и догматски сфаќања!“ порачува Тамара Гарческа од младите на ЛДП.

Либерално-демократска партија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер