Прекрасна сонатна вечер со виолинистот Ниек Бар и пијанистот Бен Ким - Канал 5

Култура

Прекрасна сонатна вечер со виолинистот Ниек Бар и пијанистот Бен Ким

Харизматичниот  холандски виолинист Ниек Бар кому му се воодушевува публиката од целиот свет  и американско-холандскиот пијанист Бен Ким настапија вчеравечер во рамки на Холандската вечер на фестивалот „Охридско лето“.

Прекрасна сонатна вечер со виолинистот Ниек Бар и пијанистот Бен Ким

Двајцата извонредни музичари вечерта ја зпочнаа со Сонатата за виолина и пијано од Ц.Франк, а продолжија со уште една Соната за виолина и пијано од Франсис Пуленк. Репертоарот го заокружија со Фантазија за виолина и пијано од Шуберт, ремек-дело напишано во декември 1827 година. Ова е всушност неговото последно дело за овие два инструмента, познато по својата извонредна уметничка длабочина и екстремна техничка тежина за двајцата изведувачи кое беспрекорно беше доловено пред фестивалската публика на „Охридско лето.

Ниек Бар свири на виолина „екс Форнбаум“ изработена од Карло Бергонци во Кремона во 1729 година. Како камерен музичар, има долгогодишна соработка со американскиот пијанист Бен Ким со кој веќе има одржано неколку рецитали на сцената на амстердамскиот „Концертгебау“, во „Концертхаус“ во Берлин и во минхенскиот „Гастајг“ (концерт пренесуван во живо од „БР класик“) и деби во Филхармонијата во Есен во 2021 година. Ова камерно партнерство резултира и со ЦД снимено за „Авротрос класик“ со дела од Крајслер, Моцарт, Бах и Бетовен.

Изведбите на американскиот пијанист Бен Ким се опишани како „еуфорични и полни со виталност“, додека пак сензибилноста и интегритетот во интерпретацијата му носат респект и репутација кај публиката, но и кај стручната критика.

Победникот на 55-от АРД натпревар во Минхен во категоријата пијано, Бен, настапува низ светот во концертните сали како „Карнеги Хол“, „Музикферајн“, „Гевандхаус“, „Сантори Хол“, „Кенеди Центар“, со оркестрите на Германското радио, Баварскиот радиосимфониски оркестар, со оркестрите во Лајпциг, Балтимор, Кјушу, Сеул, со оркестарот „Ермитаж“ во Санкт Петербург, со Симфонискиот оркестар во Дизелдорф, со оркестарот „Тонхале“ под диригентската палка на Кристоф Ешенбах, со Келнскиот камерен оркестар под водство на Кристоф Попен и со Филхармонискиот оркестар на Бусан на „Музикфест Берлин“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Роџер Федерер: „Повеќе ми е жал за Рафа и Дел Потро отколку за Новак“

Легендата на светскиот тенис, Швајцарецот Роџер Федерер сè уште присуствува на тениски турнири и често разговара со медиумите по своето повлекување од спортот.

Роџер Федерер: „Повеќе ми е жал за Рафа и Дел Потро отколку за Новак“

Кога се спомнува името на тениската легенда, а до него се додава и името на најдобриот на сите времиња, Новак Ѓоковиќ, првата асоцијација обично е спектакуларниот меч од Вимблдон во 2019 година и речиси петчасовната борба.

Мечот во кој Новак Ѓоковиќ спаси две меч-топки и го сврте резултатот во своја полза, го промени текот на тенисот. Се испиша историја на неверојатен начин, но впечатокот на Роџер Федерер е дека тоа не е најболниот пораз во неговата кариера.

Всушност, тој издвои мечеви од првата половина на својата кариера, оние од 2008 и 2009 година.

„Мислам дека финалето против Новак во 2019 година беше посебно, бидејќи значеше дека прво го победив Рафа (Рафаел Надал), а потоа и Новак, еден по друг. Имав... 38 години? Не се сеќавам, но одиграв неверојатен турнир. Играв многу добро, особено во финалето. Но, не знам...“

„Можеби затоа што сметам дека одиграв многу добро во полуфиналето... а потоа и во финалето... не чувствував жалење потоа, бидејќи бев толку блиску до победата. Знам дека тоа можеби би ги прогонувало некои други луѓе, но чувствувам дека успеав да свртам нов лист“, изјави Федерер за ESPN Tennis.

За поранешниот светски рекет број еден, постојат и поболни порази од оние што – барем во тенисот – веќе имаат статус на легендарни.

„Мислам дека повеќе ме прогонува финалето на УС Опен во 2009 година против Дел Потро. Тогаш заврши неверојатната низа од пет последователни титули на УС Опен, а знаев дека никогаш повеќе нема да можам да го повторам тоа. Исто така, чувствував дека пропуштив многу можности во текот на тој меч. Тоа ми претставува големо жалење.“ Федерер се присети и на дуелите со Надал. „Можеби финалето на Вимблдон против Рафа во 2008 година, бидејќи и тоа значеше крај на една голема низа. Интересно е што повеќе жалам за мечевите против Рафа и Дел Потро отколку за оние против Новак, иако овде имав два меча во кои имав меч-топки... Но, добро... јас сум кралот на пропуштените меч-топки“, рече Федерер со насмевка.

Тагови: Новак Ѓоковиќ Роџер Федерер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Минхен станува првиот град во ЕУ со робо-таксија

„Waymo“ планира да воведе автономни робо-таксија – односно такси-возила без возач – на улиците на Минхен до крајот на следната година. 

Минхен станува првиот град во ЕУ со робо-таксија

Минхен ќе стане првиот град во Европската унија што ќе понуди услуга за автономно такси-превоз, а се очекува првичните пробни возења да започнат за неколку недели.

Возилата најпрво ќе ја мапираат патната мрежа; во почетокот, со нив ќе управуваат обучени специјалисти за да го прилагодат системот за возење кон локалните сообраќајни услови. За идното функционирање без возач, компанијата соработува со Германската федерална управа за патен сообраќај и со релевантните федерални и локални власти за да ги обезбеди потребните законски одобренија.

Германија веќе ги постави темелите за патен сообраќај без возач во секојдневниот живот преку законска регулатива усвоена во 2021 година.

Во своето соопштение, Waymo го истакнува своето богато искуство од САД, каде што услугата за превоз на патници без возач моментално е достапна во 11 големи градови: Атланта, Остин, Далас, Хјустон, Лос Анџелес, Мајами, Нешвил, Орландо, Феникс, Сан Антонио и областа на заливот Сан Франциско.

Според податоците на компанијата, нејзините возила имаат поминато повеќе од 350 милиони километри без човечка контрола и имаат реализирано над 20 милиони платени возења.

Од Waymo наведуваат дека нивниот систем за робо-такси е значително побезбеден од алтернативите управувани од луѓе и дека, врз основа на податоците на компанијата, резултира со многу помал број несреќи со тешки повреди.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Катастрофа во Непал: Стотици загинати и исчезнати, меѓу кои околу 300 странски туристи (ВИДЕО)

Најмалку 384 лица, вклучувајќи 291 странци, се водат како исчезнати по ненадејните поплави што ја погодија границата Непал-Тибет, соопшти туристичкиот одбор на земјата.

Катастрофа во Непал: Стотици загинати и исчезнати, меѓу кои околу 300 странски туристи (ВИДЕО)

Најмалку 95 лица загинаа, објави Би-Би-Си, додавајќи дека меѓу 384 исчезнати се 105 Индијци и 12 Британци, како и 111 лица чии националности сè уште не се потврдени.

Ненадејните поплави во Непал сериозно оштетија села и патишта, покривајќи сè со дебел слој камења и кал. Властите повикаа спасувачи од Кина и Индија. Министерот за надворешни работи на Непал рече дека прелиминарните извештаи укажуваат дека ненадејните поплави можеби се предизвикани од земјотрес што предизвикал лавина.

Најмалку 95 мртви

Бројот на жртви од ненадејните поплави што го погодија хималајскиот пограничен регион помеѓу Непал и кинескиот Тибет се искачи на 95, соопшти полицијата, според Ројтерс.

Најмалку 55 тела се пронајдени во Непал откако лавина предизвика катастрофални ненадејни поплави, а стотици луѓе се водат како исчезнати. Информацијата ја објавија локалните медиуми, а Ројтерс објави дека сè уште не можел независно да ги потврди извештаите. Нови детали ќе бидат објавени штом ќе бидат достапни.

Дванаесет Британци исчезнати на екскурзија

Дванаесет британски државјани, кои се дел од поголема група од околу 400 исчезнати туристи, исчезнаа за време на екскурзија на границата меѓу Непал и Тибет. Информацијата ја потврди агенцијата за планинарење што го организираше патувањето.

Рам Кумар Адикари, раководител на агенцијата „Алпин Еко Трек“, даде изјава за Прес Асоцијацијата (ПА). „Во моментов немаме многу информации, но можам да потврдам дека 12 британски државјани требало да пристигнат на нивната дестинација утрово“, рече тој.

Записите за патување, што ги виде ПА, покажуваат дека возраста на исчезнатите Британци се движи од 13 до 65 години.

Адикари додаде дека на истото патување имало и двајца државјани на Ирска и четворица од Република Јужна Африка. Нивниот статус е исто така наведен како исчезнат.

Експертот предупредува на втор бран поплави, предизвикан од лизгање на глечерот

Непал е погоден од ненадејни поплави, а првите податоци од климатските организации сугерираат дека главната причина е лизгање на глечер.

Германскиот истражувачки центар за геолошки науки (GFZ) објави дека е регистриран земјотрес со магнитуда од 4,4 степени. Се случил околу седум минути пред надзорните камери во Ѓиронг да го снимат поројот, а снимките од 12:40 часот покажуваат како калта и водата уништуваат згради.

Ќианггонг Жанг од Меѓународниот центар за интегриран планински развој (ICIMOD) со седиште во Катманду се согласува со оваа проценка. Тој верува дека катастрофата е предизвикана од лавина од мраз и карпи во реката Лхенде Хола на непалската страна.

Жанг, исто така, предупредува на понатамошна опасност. „Сè уште има блокада низводно на граничната река помеѓу Непал и Кина, па затоа властите предупредуваат дека може да следи втор бран поплави“, рече тој.

Пилот за поплавата во Непал: Брановите беа високи до шест метри

Пилотот на хеликоптерот процени дека брановите во денешната смртоносна поплава на кинеско-непалската граница биле високи помеѓу пет и шест метри. Аман Будатоки бил во воздух во времето на катастрофата и разговарал со CNN за сцените што ги видел.

Пилотот рекол дека неговиот тим забележал облак од прашина над реката пет минути пред слетувањето, но на почетокот не разбрале што е тоа. „На почетокот изгледаше како лизгање на земјиштето. Дури мислевме дека војската користи експлозиви за изградба на патишта“, рекол Будатоки.

Сепак, набрзо станало јасно дека се сведоци на нешто многу полошо. Пилотот видел темен порој во кој, како што опишал, остатоци и отпад бурно се мешале со водата.

„Видовме бранови високи од пет до шест метри. Почнавме да кружиме над селото и гледавме како водата носи големи дрвја и неколку возила“, рекол тој. „Беше страшно. Ја следевме поплавата некое време за да ја процениме штетата.“

„Никогаш порано не сум видел моќта на природата прикажана на овој начин“, заклучил пилотот.

Тагови: Непал туристи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер