Свет

Предвремени парламентарни избори во Јапонија, се очекува победа на партијата на актуелната премиерка Такаичи

Јапонците денеска на предвремени избори го избираат новиот состав на Долниот дом на парламентот, а анкетите укажуваат на јасна победа за Либерално-демократската партија (ЛДП) на десничарската премиерка Санае Такаичи.

Јапонците денеска на предвремени избори го избираат новиот состав на Долниот дом на парламентот, а анкетите укажуваат на јасна победа за Либерално-демократската партија (ЛДП) на десничарската премиерка Санае Такаичи, која ја презеде функцијата пред малку повеќе од три месеци.

Ова значи дека ЛДП повторно би можела да има апсолутно мнозинство во моќниот дом на националниот парламент со 465 членови.

Партијата, која владее речиси континуирано од 1955 година, го изгуби мнозинството во двата дома на парламентот на претходните избори во 2024 и 2025 година.

Според анкетите, таа би можела дури и да постигне двотретинско мнозинство со својот нов партнер, неолибералната Ишина (Јапонска партија за иновации).

Избирачките места се затвораат во 20 часот (12 часот по средноевропско време), а првите извештаи од јапонските медиуми врз основа на анкетите се очекуваат наскоро потоа.

Јаката зима е главниот фактор за неизвесност на изборите бидејќи обилните снежни врнежи би можеле да го нарушат гласањето.

Такаичи (64) на крајот на октомври беше избрана за прва жена премиерка на Јапонија. Таа во анкетите ужива многу висока поддршка од Јапонците и ја изненади опозицијата со брзото распишување предвремени избори за да обезбеди мнозинство.

Главната опозициска партија, Уставната демократска партија на Јапонија, и долгогодишниот партнер на ЛДП, Комеито, брзо ги здружија силите за да формираат нов Центристички реформски сојуз.

Тагови: јапонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Најголемиот пожар во историјата регистриран во Белгија, ЕУ испраќа помош

Земјите-членки на ЕУ испратија три хеликоптери и два авиона за гаснење пожари за да ѝ помогнат на Белгија во справувањето со пожар во источниот дел на земјата.

Земјите-членки на ЕУ испратија три хеликоптери и два авиона за гаснење пожари за да ѝ помогнат на Белгија во справувањето со пожар во источниот дел на земјата, изјави европскиот комесар за управување со кризи, откако белгиските власти побараа итни засилувања за да го стават под контрола најголемиот пожар што ја погодил земјата во последните неколку децении.

Огнот го зафати „От Фан“ (Hautes Fagnes), најголемиот белгиски природен резерват, каде што пожарот беснее уште од петокот. Локалните пожарникари, земјоделците и ангажираните воени сили се обидуваат да го спречат ширењето на пожарот.

Според извештаите на локалните медиуми, кои се повикуваат на податоци од гувернерот на провинцијата Лиеж, до денес попладне изгореле околу 1.600 хектари.

Ова е најголемиот пожар регистриран во Белгија досега – кој го надминува дури и пожарот од 2011 година, кога изгореа речиси 1.400 хектари – според податоците на Европскиот информативен систем за шумски пожари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Град Скопје: По 30 години чекање, булеварот „Борис Трајковски“ добива нов асфалт

По три децении чекање и бројни најави, започна асфалтирањето на булеварот „Борис Трајковски“, со што проектот влегува во својата завршна фаза.

По решавањето на долгогодишните имотно-правни прашања и завршената експропријација, трасата е целосно ослободена за реализација на градежните активности. Во рамки на проектот е изградена и нова атмосферска канализација, со што се создава современа и функционална инфраструктурна основа за овој значаен сообраќаен коридор.

Започнатото асфалтирање е конкретен чекор кон целосното завршување на булеварот и подобрување на сообраќајното поврзување, безбедноста и условите за движење на граѓаните.

Она што со години беше само ветување, денес се претвора во конкретен резултат.

Ова е пример дека со решавање на проблемите, сериозна работа и посветеност, Скопје може да добива инфраструктура која ќе служи на граѓаните и ќе остане за идните генерации.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Д-р: Даниловски: Вирусот западен нил активно циркулира, се наоѓаме во период на засилена трансмисија

Епидемиологот доктор Драган Даниловски за Канал 5 вели дека Македонија веќе се наоѓа во засилена трансмисија на Западен Нил, но не може да се каже дали ова е врвот на епидемијата.

Смета дека околу 80 проценти од заразените се асимптоматски.Целиот разговор на Сања Трајковска Ставро со епидемиологот Данаиловски гледајте го во вестите во 18 часот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.